Karel

Virgiless rímur — 1. ríma

— Óþekktur höfundur

Lemmata | Textatengsl
umgjörð ríman

1.
Formáli

Vandast mönnum vísna gjörð,
verður skáld að þagna;
þótt ég yrki um þorna Jörð
það vill ekki hagna.

Skoða...

2.
Formáli

Þar skal fyrst af fræða strönd
fljóta Berlings skúta,
sá er einn meistari suður í lönd
er svinnir klerkar lúta.

Skoða...

3.
Formáli

Vandað hefur ég Vestra skeið
og valið í gjörvöll efni
um þá horsku hringa reið
og hjörva þinga stefni.

Skoða...

4.
Ríman

Virgiles hét versa smiður,
hann var fyrir klerkum klókum;
sótti fræðin seima viður,
segir svo víða í bókum.

Skoða...

5.
Ríman

Kannað hefur hann klerka um heim
og kvatt af listum vöndum,
hann bar heiður af hverjum þeim
sem hittust út í löndum.

Skoða...

6.
Ríman

Mörgum firnast fræðin skýr
ef firrist elskan svanni,
ég vil inna ævintýr
eitt af þessum manni.

Skoða...

7.
Ríman

Marga gladdi menja Lín
mest að sínum vilja,
hver lét búna blíðu sín,
ef beiddist hann að gilja.

Skoða...

8.
Ríman

Stillir réð fyrir stórri höll,
stóð hans vegur með blóma,
dýra átti dúka þöll,
dóttur ól með sóma.

Skoða...

9.
Ríman

Virgiles bauð vísir heim
veislu að þiggja langa,
þar með bæði sæmd og seim
svo vill auðnan ganga.

Skoða...

10.
Ríman

Niflung situr hann næsta í höll,
nóg er vínið hvíta,
gullhlaðs var honum geymi þöll
geysi annt að líta.

Skoða...

11.
Ríman

Virgiles að vísi kvað:
„væn mun dóttir inga,
ljósa vil ég nú líta í stað
lindi rauðra hringa".

Skoða...

12.
Ríman

„Meina ég eigi menja skorð
og megi þið hittast bæði,
þar má heyra horskleg orð,
hún kann mikla fræði".

Skoða...

13.
Ríman

Skunda réð hann skemmu á vit
skýra frú að finna:
„meistarinn, gakk til svinnrar og sit",
segir sú voldug kvinna.

Skoða...

14.
Ríman

Bóka nám og brögðin öll
bæði frá ég þau greina,
enga fann hann auðar þöll
aðra slíka neina.

Skoða...

15.
Ríman

Vitur er mær, kvað Virgiless
vil ég þig armi spenna,
fús var hingað ferð til þess,
fátt þarf yður að kenna".

Skoða...

16.
Ríman

Dýrust svaraði dúka skorð:
„dára má þig kalla,
ef þú talar oftar þessi orð,
þrífast skultu varla".

Skoða...

17.
Ríman

Virgiless gekk við það út
og vildi ei heyra fleiri
svo frá ég efldist angur og sút
orð af bauga Eiri.

Skoða...

18.
Ríman

Odda Freyr kom annan dag
auðar þöll að finna,
lítt var ferðin fyrr í hag,
frá ég hann þetta inna:

Skoða...

19.
Ríman

„Nú skal heyra hringa grund
hversu hlýtur að ganga,
þú munt mekta mína lund
eða mestar sorgir fanga.

Skoða...

20.
Ríman

Viljir þú jungfrú verjast mér,
verð ég listar neyta,
þá skal skömmin skella þér,
ef skulum við þetta þreyta.

Skoða...

21.
Ríman

Viljir þú gera viljann mín,
og vinna það með létta,
ei skal minnkast maktin þín,
munu þat engir frétta".

Skoða...

22.
Ríman

Brúðurin svarar og bleikir kinn,
brögðin kunni hún meiri:
„vinn ég gjarnan viljann þinn
ef vissi það engir fleiri".

Skoða...

23.
Ríman

Víst tók gleðina Virgiless,
varð honum margra dæmi,
branda Týr var brátt til þess
að brúna nóttin kæmi.

Skoða...

24.
Ríman

Sólin frægist fjöllum af,
fór í æginn langa,
veglegt leyfi vísir gaf
Virgiless að ganga.

Skoða...

25.
Ríman

Loftið skammt með leynd á braut,
hann leitar þess er náttar,
þá er mér næst ef nægist þraut
að náumst við einhvers háttar.

Skoða...

26.
Ríman

Meistarinn gekk í myrkrið út
mjög sem annar drengur,
hittir það sem herðir sút,
hvar hangir línustrengur.

Skoða...

27.
Ríman

Kaðli vefur hann kyrrt að sér
og kippir síðan enda,
draga hann upp þá drósir þær
er dygðir kunnu að venda.

Skoða...

28.
Ríman

Meistarann drógu á miðja leið,
mikil er kvenna reiði,
„bíði hann þar, kvað bauga reið,
að björt skín sól í heiði".

Skoða...

29.
Ríman

Hnykkir streng en hristir loft,
hvað hefur snót í ráðum,
þar má heyra gabb og glott,
gleymt var öllum náðum.

Skoða...

30.
Ríman

Beltið tók hann brátt af sér
og batt í snæris enda,
litlu var hann þá láði nær,
listir þurfti að venda.

Skoða...

31.
Ríman

Sprotanum hélt hann höndum tveim,
hnykkir þar langar stundir,
lindinn varð að losna af þeim,
leir og grjót er undir.

Skoða...

32.
Ríman

Það var fall að fóturinn stökk,
fékk hann sár á hendi,
bölva munda ég bauga Hlökk,
ef biða ég slíkt af kvendi.

Skoða...

33.
Ríman

Línu dregur upp listar full
linna brík í hljóði,
þar var beltið búið við gull
og brigðu margt í sjóði.

Skoða...

34.
Ríman

Svo er hann hraustur að hnekkir þá
heim í loft til sveina,
„stokkið hefur ég stræti á,
stórt vill oss til meina".

Skoða...

35.
Ríman

Lagðist hann í hvílu niður
og hafði spelkur að fæti,
hringurinn leggst um hjartað stríður,
halurinn firrist kæti.

Skoða...

36.
Ríman

Lofðung kemur þá læknum að,
lítil var það seina,
fótinn segja þeir festa í stað,
fagurt grær handar skeina.

Skoða...

37.
Ríman

Þótt hann hefði heila fætur
og hæga axlar karma,
drengurinn liggur daga sem nætur,
dapra fær hann harma.

Skoða...

38.
Ríman

Drottning sendi þernu þess:
„þetta skaltu inna,
sæktu vitran Virgiless,
vil ég hann sjálfan finna".

Skoða...

39.
Ríman

Mærin talar við menja lund;
„mest er sút til voða,
far þú að hitta hringa grund,
hún vill skjótt þig náða".

Skoða...

40.
Ríman

Virgiless spratt fljótt á fætur
og fór í skarlaks klæði;
honum varð glatt um hjarta rætur,
hratt hann sút og mæði.

Skoða...

41.
Ríman

Skunda réð til skemmu út
skýra drós að finna;
„hafi þér fengið feikna sút?",
fljóð nam slíkt að inna.

Skoða...

42.
Ríman

„Alla gefur ég elsku þér
ertu klerkur hinn besti,
ef þú vildir veita mér
að verða þegar að hesti".

Skoða...

43.
Ríman

„Þeygi veit hví þessa biður
þýðust hringa Nanna";
varð að hesti versa smiður,
við frá ég bregða svanna.

Skoða...

44.
Ríman

Beislar hún þá bráðan hest
og batt upp söðulinn fríða,
hún hefur sér spora á fætur fest,
fljóði er annt að ríða.

Skoða...

45.
Ríman

Það var prins meður göddum gert,
er ganga skyldi að síðum;
mærin þeysir þófa hjört,
þá var svell í hlíðum.

Skoða...

46.
Ríman

Fram um hraun og harðar gjár
hleypir silki nanna,
þá lá oft við þófa snjár,
þrátt varð díki að kanna.

Skoða...

47.
Ríman

Mærin hleypti hamra svo
hraut upp eldur á móti,
hófar sprungu hrauni á,
hrum varð il á grjóti.

Skoða...

48.
Ríman

Prinsið gekk um höfuðið hart,
heitt rann blóð úr sárum,
sporarnir saxa síður snart,
sér ei þurrt á nárum.

Skoða...

49.
Ríman

Allan dag með æði ferð
auðar hleypir selja,
svipan er oft með síðum herð,
síst er fengur að dvelja.

Skoða...

50.
Ríman

Sett var degi er svanninn reið
sinnar hallar vitja,
mærin verður að minnka skeið,
miklu er hægra að sitja.

Skoða...

51.
Ríman

Svanninn kippti söðli af mar
og setti bitil um enni:
„herjans sonurinn hlauptu þar
heldur en þú mig spenni".

Skoða...

52.
Ríman

Virgiless var meiddur og móður
og mátti ganga varla,
svo hefur jafnan svanninn fróður
sigrað garpa alla.

Skoða...

53.
Niðurlag

Lúðrar hann í loftið heim,
lagðist niður í hvílu,
Fjölnis vín mun fyrst af þeim
falla í stundar mílu.

Skoða...

Virgiless rímur, 1. ríma

næsta ríma >>