Karel

Geiplur — 3. ríma

— Óþekktur höfundur

Lemmata | Textatengsl
umgjörð ríman

1.
Formáli

Löngum orta ég ljóða spil
látafullt um menja Bil,
en ég fær af ungri snót
ekki par nema sorg í mót.

Skoða...

2.
Formáli

Meistarar þeir, sem mansöng tjá
meyjum skyldu sitja hjá,
ég skal stytta stundir þeim,
og stunda svo lítt á þennan heim.

Skoða...

3.
Formáli

Afmors menn fyrir elsku líf
yrkja vildu um kurteist víf,
sá þarf eigi að sorga neitt,
svo hefur heimurinn lítið veitt.

Skoða...

4.
Ríman

Kvað ég það næst, að keisarans menn
komnir voru í hvílur enn,
öðling skyldi íþrótt tjá,
engi mátti spéarann sjá.

Skoða...

5.
Ríman

„Taki á morgun mildingur slíkr,"
mælti þannig herrann ríkur,
„riddara þann, er frægstan fær,
fara skal hann í brynjur tvær.

Skoða...

6.
Ríman

Honum skal ætla hjálma tvo,
hest og reiðann sterkan svo,
brynja, allt og búa með ferð,
ber ég á loft mitt góða sverð.

Skoða...

7.
Ríman

Höldinn sundur og hestinn slétt
höggva skal ég í einu rétt,
spillast mun þá spekt og friður,
spjótskafts lengd í völlinn niður.

Skoða...

8.
Ríman

Stýfi ei mitt hið sterka högg
stillis mann og öll hans plögg,
hamingjan þetta hilmi lér,
hann skal eiga vald á mér."

Skoða...

9.
Ríman

Svaraði sá er í stólpa stendur:
„sterklegar munu þínar hendur,
heimslega gerði hilmir það,
að hýsa yður í þessum stað."

Skoða...

10.
Ríman

Ríkur mælti Rollant þá:
„ræsir skal mér sjálfur fá
aukast mun þá undrin forn
Olivant, sitt hið góða horn.

Skoða...

11.
Ríman

Blikna mun þá bragna lið,
blæs ég það svo, að gjörvöll hlið
lúkist bæði upp og aftur,
ofurlegur er þessi kraftur.

Skoða...

12.
Ríman

Gangi út á víðan völl
vísi ríkur og hirðin öll,
skakist af honum skegg og hár;"
skjalarinn kvað það máttar dár.

Skoða...

13.
Ríman

„Lyktist eigi leikurinn framur,
lífi mínu ráðir gramur."
Óliver hóf hið mjúka mál,
er meyjan gerði sorgar tál.

Skoða...

14.
Ríman

„Lofðungs dóttir ljúf og blíð
líst mér bæði djörf og fríð,
láti kóngurinn líka sér
leggja hana í sæng hjá mér.

Skoða...

15.
Ríman

Dögling treysti á drengskap sinn,
drýgja skylda ég vilja minn
hauka láðs við hyrjar gátt
hundrað sinnum eina nátt."

Skoða...

16.
Ríman

Njósnar maðurinn ansar enn:
„aldrei leit ég slíka menn.
Frúinnar armur er furðu góður,
fyrri muntu þrotinn og móður."

Skoða...

17.
Ríman

Oddgeir danski afreks garpur
jafnan þótti vitur og snarpur,
íþrótt sína innir brátt;
eigi geta þeir mælt svo fátt.

Skoða...

18.
Ríman

„Kallast má það kynstur og undur,
kreista skal ég í miðju sundur
stólpa þann, sem stendur á höll,
steypast skal hún til jarðar öll.

Skoða...

19.
Ríman

Fellur allt hið ferska rann,
færi ég sundur stólpann þann,
hvolfið mun þá hverfa niður
höfuðið mitt þar liggur viður."

Skoða...

20.
Ríman

„Ekki batnar enn um mál,"
ansar hinn er gerði tál,
„víst er þetta voða tal,
vil ég svo heill ég segja skal."

Skoða...

21.
Ríman

Turpín byskup talar með list,
tignar hafði aldrei misst:
„móða fellur hér mikil í sjá,
margar borgir standa í hjá.

Skoða...

22.
Ríman

Færi ég hana úr farveg braut,
flestum mun það verða þraut,
svo skal fossinn falla í borg,
flói hann bæði um hús og torg.

Skoða...

23.
Ríman

Þá fylkir hefur af fossi spurn,
flýja mun hann í hæsta turn,
kóngurinn skal fyrir hræðslu hér
hvergi þora að víkja sér."

Skoða...

24.
Ríman

Spéarinn talar, sá spottið nam:
„spari þér ekki að dára gram,
banni guð, það beiðir þú,
bölvaðir sé þér allir nú."

Skoða...

25.
Ríman

Hermir þá með heiðri virður
hertogi Némus gamall og stirður:
„buðlung taki nú brynjur tvær,
bera skal ég á morgun þær.

Skoða...

26.
Ríman

Frægir mega það fyrðar sjá,
faðma spring ég einn og þrjá
yfir þann turn, að hér er hæstur,
hilmir skal mér sitja næstur.

Skoða...

27.
Ríman

Hristi ég mig, kvað hringa lundur,
hrynja skal þá öll í sundur
brynjan rétt sem brunnið strá,
bani mér kóngur, ef lýg ég frá.

Skoða...

28.
Ríman

„Þú munt heldur í sinunum seigur,"
svaraði hinn, er spottið eigur,
„undarlegt er yðvart geip,
aldrei heyrða ég meira fleip."

Skoða...

29.
Ríman

Vaskur mælti Villifer:
„vænan gullböll lít ég hér,
fær hann ei, þótt þreyti það,
þrjátíu manna hrært úr stað.

Skoða...

30.
Ríman

Lypti ég honum á lófa mér,
leikur mun það þykkja hér,
handar skal ég svo fögrum farm
fleygja upp á borgar arm.

Skoða...

31.
Ríman

Múrinn skal við meiðsl og undur
marga faðma brotna í sundur,
þreyti ég eigi þessa mennt,
þá skal vera mitt lífið efnt."

Skoða...

32.
Ríman

Njósnarinn kvað það nauða gap:
„nógan hafi þér dáraskap,
það var lofðungs lukku bann
að leiða yður í þetta rann."

Skoða...

33.
Ríman

Bráðla mælti búinn við skraut,
Bæring jarl, er sæmdir hlaut:
„taki nú sjóli sverðin öll
og setji að hjöltum niður í völl.

Skoða...

34.
Ríman

Hleyp ég ofan af hallar vegg,
horfir upp hin snarpa egg,
þá skal síðan sundur um þvert
sverðið kóngsins brotna hvert.

Skoða...

35.
Ríman

Kemur ég heill af hrotta fund,
hvergi bíð ég neina und,
ella sé ég af milding meiddur,
á morgun þegar til dauða leiddur."

Skoða...

36.
Ríman

Stólpa maðurinn stendur og hlær:
„stórleg undrin heyrðum vér,
hvort muntu jafnt af járni ger
eigi kann þig að bíta hjör?"

Skoða...

37.
Ríman

Bernarð gerði traustur að tjá:
„taki á morgun hesta þrjá,
ég skal reyna rás í gegn
og renni hver, sem vinnst til megn.

Skoða...

38.
Ríman

Hleyp ég upp yfir hesta tvo,
hreysti maðurinn talaði svo,
kynstra leik má kalla það,
kemur ég niður á þriðja glað.

Skoða...

39.
Ríman

Fjórum plómum furðu hátt
fleyg ég upp og hendi brátt,
falli eitthvert eplið niður,
úti er bæði líf og friður.

Skoða...

40.
Ríman

„Mikið er yðvart mennta lán,
mælti hinn, er gerði smán,
yðvart gabb er undra leitt,
enn eigi er kóngi í þessu sneitt."

Skoða...

41.
Ríman

Bertram mælti, buðlungs mann,
„bragning láti, sagði hann,
fá mér einar fjórar lindur,
fljúga skal ég hér út um grindur.

Skoða...

42.
Ríman

Fer ég um skóga, fjöll og grund,
flykkjast saman á einni stund
hirtir, fuglar, hermörg dýr,
og hver sú kind, í vatni býr.

Skoða...

43.
Ríman

Þetta gjörvallt þegar í stað
þrengist vorum fótum að,
en fyrir afli anda míns
aftur fer til heima síns."

Skoða...

44.
Ríman

Lágt nam ansa lyddan nú:
„leikari mátt vel kallast þú,
fleipur er þetta, fóstri minn,
að fuglar geri svo viljann þinn."

Skoða...

45.
Ríman

Berarð frækni beiddi sér:
„buðlung skal til handa mér
þá mun fremjast fræðgin ný
fjórar byrðar taka með blý.

Skoða...

46.
Ríman

Það skal vera í katli klökt,
kem ég svo að með holdið nökt."
Þar kveðst sveigir svofnis fróns
sitja skyldi í framan til nóns.

Skoða...

47.
Ríman

„Hristi ég af mér hverja grein,
hvorki fær ég skaða né mein,
ég skal prófa píslir hér,
ef pengur nokkur finnst á mér."

Skoða...

48.
Ríman

„Eigi er þetta undralaust,
ansar hinn með lágri raust,
heyrða ég engan herma slíkt,
holdið þitt er járni líkt."

Skoða...

49.
Ríman

Reinald mælti rausnar orð:
„reika skal ég fyrir kóngsins borð,
eta og drekka öðlings vín,
en engi skal þó sjá til mín.

Skoða...

50.
Ríman

Listir hefur mér lukkan veitt,
lýst ég kónginn höggið eitt,
hann skal fjúka fram á gólf,
fleiprar sá við aðra tólf.

Skoða...

51.
Ríman

Buðlungs vilja bragnar hér
bjarga honum, en skrifta mér,
hafa þeir eigi hendur á segg,
en hver skal rífa af öðrum skegg."

Skoða...

52.
Ríman

Seggurinn lét ei svaranna frest:
„sá hefur mælt til kóngsins verst,
það var drafl og dára spil,
að dögling bauð þér veislu til."

Skoða...

53.
Ríman

Þannig mælti geysi glaður
Geiren prúði, Frankismaðr;
þessi hafði síðast sagt
sómaplag, það honum var lagt:

Skoða...

54.
Ríman

„Frægðin mín er furðu skjót,
fái mér kóngur eitthvert spjót,
það skal byrður hins mesta manns,
er milding hefur hér innan lands.

Skoða...

55.
Ríman

Þá skal prúða penga fá,
pressa upp í turninn há;
ég skal hæfa, hygg ég, það,
þótt hálfa mílu standi ég að.

Skoða...

56.
Ríman

Ofan skal falla Ægis hyr,
annar hluturinn liggi kyrr,
rásin mín er rausnar skjót,
renn ég aftur og hendi spjót."

Skoða...

57.
Ríman

Innti hinn, er andsvör gaf:
„aldrei heyrða ég þvílíkt skraf.
Veikt mun yðvart visku ker,
veit ég ei, hver heimskastur er."

Skoða...

58.
Ríman

Siklings múgurinn sofnar ríkur,
síðan burt úr stólpa víkur
njósnar maður á niflungs fund,
sá numið hefur margt um stund.

Skoða...

59.
Ríman

Hilmir spurði harla brátt:
„hvað hafa þessir mælt í nátt?
Gat það nokkur sagt af sér,
að seggir vildu dveljast hér?"

Skoða...

60.
Ríman

Þegninn segir, að því var fist,
að þessir töluðu neitt um vist,
„sjá hefur heldur hin heimska drótt
hætt að yður í alla nótt.

Skoða...

61.
Ríman

Lofðung hóf hið ljóta rabb,
langt var heldur þeirra gabb."
Höldar voru í húsi tveir,
hermdi hann allt, hvað mæltu þeir.

Skoða...

62.
Ríman

„Svo vil ég heill, er hilmir kvað,
her skal safna þegar í stað."
Þá var Hugi í hjarta grimmur.
Húmið leið og skugginn dimmur.

Skoða...

63.
Ríman

Kóngsins lið var klæðum skrýtt,
keisarinn hafði messu hlýtt.
Huga hinn ríka hilmir fann
og heilsar upp á stilli þann.

Skoða...

64.
Ríman

Kóngsins brjóst er kalt og hryggt,
keisara ansar furðu styggt:
„herra, máttu hugsa um þig,
hvar fyrir léstu dára mig?"

Skoða...

65.
Ríman

Vísir ansar varla hart:
„vorir menn hafa drukkið snart."
„Kom ég ei þar við krúsa foss,
að kóngar léti spéa um oss.

Skoða...

66.
Ríman

Hefur ég mér í hjarta fest,
hverjum sem það gegnir verst,
leika skulu þér listir þær,
svo liggi hvorki ein né tvær.

Skoða...

67.
Ríman

Ella bíðið ævi grand;
aldrei komi þér heim í land,
nema þér fáið svo fullgjört það,
að finna megi þar engi að."

Skoða...

68.
Niðurlag

Keisarinn sjálfur og fólk af Frans
frammi stóðu í einum krans.
Freys mun verða falla bágur
Fjölnis bjór og rausta lágur.

Skoða...

Geiplur, 3. ríma

næsta ríma >>