Karel

Mábilar rímur — 9. ríma

— Óþekktur höfundur

Lemmata | Textatengsl
umgjörð ríman

1.
Formáli

Svanninn dýri syrgir fátt
og seima lundur hinn fríði
á meðan ég skýri skothendan þátt
um skýra gullhlaðs hlíði.

Skoða...

2.
Ríman

Kóngur er glaður og kappar þeir
er komu á völlinn fríða
sæmdar maður og sveinar hans tveir
sauts af skógi ríða

Skoða...

3.
Ríman

Þar nam dynja þengils ferð
þegnum trúi ég að ýgi
hans má brynja hjálmur og sverð
heita afreks týgi.

Skoða...

4.
Ríman

Riddari framur reið á völl
ræsi kvaddi hann teiti
fregnar gramur og ferð hans öll
frægðar mann að heiti.

Skoða...

5.
Ríman

Lápus nefna lýðir mig
löngum fer ég að stríða
hópurinn þennan heiðrar þig
eða hvert skal stillir ríða.

Skoða...

6.
Ríman

Ýtar finna járnið kalt
og engar sættir nýta
vér skulum vinna Valland allt
og vorum mönnum býta.

Skoða...

7.
Ríman

Vér skulum þá með vegleg gjöld
valskar þjóðir lerka
brand þann fá brynju og skjöld
sem borið hefur Mábil sterka.

Skoða...

8.
Ríman

Ei mun lið kvað Lápus hér
lofðungs digna í brjósti
engan frið mun hún ætla þér
ansar gramur af þjósti.

Skoða...

9.
Ríman

Klæði og hest fyrir kyndugt skraf
kóngsins sagði bróðir
ætla ég best þú leggir af
liðsmenn gjörðust óðir.

Skoða...

10.
Ríman

Það er ei fremd að fella einn mann
meir en hundrað sveinum
reikna ég skamm er ræddi hann
ef renn ég langt fyrir einum.

Skoða...

11.
Ríman

Vanur við högg að vísir kvað
vil ég að Flóres sterki
sæki plögg af segg í stað
sá hefur borið vort merki.

Skoða...

12.
Ríman

Flóres reið á fagra grund
fram með spjótið langa
Lápus beið um litla stund
og lét ei jór sinn ganga.

Skoða...

13.
Ríman

Burtstöng rekur í barðann snart
brotnar skjöldurinn hreini
segginn þreif úr söðli hart
en svírinn mætti steini.

Skoða...

14.
Ríman

Lítil fékk af Lápus grið
hann lystir rómu að heyja
höfuðið gekk úr hálsins lið
hinn fór þegar að deyja.

Skoða...

15.
Ríman

Hótulum kallar hárri raust
ámáttkan stýri hersa
hetjur allar hafi á traust
hefna ætla ég þessa.

Skoða...

16.
Ríman

Frá ég þá stikla fram um þvert
fákurinn orku mesti
risi hinn mikli Rungebert
ræsis fylgir hesti.

Skoða...

17.
Ríman

Hæfir framan í hjálmsins blik
hart með stangar enda
það mun gaman ef þetta prik
ef þegnum kynni að venda.

Skoða...

18.
Ríman

Á þengil hafði þrýsti geir
stutt með sinni hendi
Lápus gekk á lagið að meir
loks svo að hryggurinn kenndi.

Skoða...

19.
Ríman

Síðan reiddi seima lundur
sverðið upp hið dýra
mækir tók í miðju sundur
Notulum kóngsins hlýra.

Skoða...

20.
Ríman

Þrútnar móður er þengill skarst
þursinn tók að hrína
risinn varð óður og ryðst um fast
og reiddi upp kylfu sína.

Skoða...

21.
Ríman

Buskant stökk í burt á völl
brakar í gylldum röndum
ruddan sökk fyrir risanum öll
rammlega upp að höndum.

Skoða...

22.
Ríman

Þursinn laut en þriflegt ess
þrjóts vill ekki býða
Lápus naut í leiki þess
og lætur sverðið ríða.

Skoða...

23.
Ríman

Lápus höggur en laufi er hvass
í læri nam sig stöðva
múllinn dregur ei meira hlass
en mækir tók úr vöðva.

Skoða...

24.
Ríman

Riddari framur reið að skupp
og reyndi eggjar strendar
Buskant hljóp á bak honum upp
beit og nagar um lendar.

Skoða...

25.
Ríman

Buskant sveigði beinið hvert
til brots í hringa lesti
risinn gat ei Runginbert
rétt sig upp fyrir hesti.

Skoða...

26.
Ríman

Lápus höggur og laufa hjó
litast í dreyra rauðum
þar frá ég garp og góðan jó
ganga af risanum dauðum.

Skoða...

27.
Ríman

Ussus hleypti og Assus fram
ímu snarpa gerðu
þegnum steyptu þegar með skamm
þrettán niður að jörðu.

Skoða...

28.
Ríman

Rígarð sterki reið þeim gegn
riddari kóngs hinn mesti
sá var mildings merkja þegn
mikill og digur á hesti.

Skoða...

29.
Ríman

Ussus leggur en Assus hjó
af tók fót í læri
fellur drengur af fræknum jó
frá ég hann dauður væri.

Skoða...

30.
Ríman

Harmurinn svellur hjörtun við
hrapaði kóngsins merki
milding eggjar máttugt lið
Margarillus sterki.

Skoða...

31.
Ríman

Sú mun smán kvað fylkir fimur
fljúga um allar borgir
ef látum vér fyrir lýðum þremur
líf með skemmd og sorgir.

Skoða...

32.
Ríman

Get ég að blekki garpurinn framur
gumna vora merka
mun hér ekki að mælti gramur
Mábil komin hin sterka.

Skoða...

33.
Ríman

Þegninn vó í Þundar voð
og þeysti undan öðrum
Lápus keyrir í leiki jó
og leggur hvor að öðrum.

Skoða...

34.
Ríman

Suðra smíði setti á rönd
sem þá stæði í bergi
lukku bíði listug hönd
Lápus gaf sig hvergi.

Skoða...

35.
Ríman

Kæran hart að kóngi reið
kvistað frá ég að verði
grimmdin býr í geira meið
hún gaf honum slag með sverði.

Skoða...

36.
Ríman

Dýrum frá ég að darra meið
dugðu engar gerðar
kæran svo að kóngi reið
hún klauf hann niður í herðar.

Skoða...

37.
Ríman

Valski herra er vísi fann
vega með drengi nóga
riddari þýður rómu vann
og hleypti í burt á skóga.

Skoða...

38.
Ríman

Seggir fundu siklings lið
og sögðu eigi hið slétta
margir undu misjafnt við
og munu þeir aldrei rétta.

Skoða...

39.
Ríman

Þjóðin spurði harla reið
hver sjá garpurinn mundi
engi veit hvert Lápus leið
leggur af þessum fundi.

Skoða...

40.
Ríman

Sveitin arma sagði austur
að seiðurinn týndi brúði
meyju harmar múgurinn hraustur
en Media varla trúði.

Skoða...

41.
Ríman

Sorg og stríð með sjóla vex
og sýtir menja Fríði
ríkur frá ég í rekkju leggst
Rúdent kóngur af stríði.

Skoða...

42.
Ríman

Bálan lagði á blíðu stund
bauð að hjálpa kæri
aldrei sagði hann auðar grund
að önduð Mábil væri.

Skoða...

43.
Ríman

Hermann heldur beima hraustur
húna grímur þrennar
Mábil fór í Ásía austur
engi spyr til hennar.

Skoða...

44.
Ríman

Ber hún rönd með brögnum tveim
brúða fæstra líki
tók hún land í Ásía heim
af átta kónga ríki.

Skoða...

45.
Niðurlag

Vandast tekur nú vísna smíð
af vænum fylkis jóðum
sögurnar blandast saman um hríð
og segir af ýmsum þjóðum.

Skoða...

46.
Niðurlag

Hygg ég lyst að hlýða til
hversu hún komst úr vanda
nú mun fyrst hið níunda spil
í náðum verða að standa.

Skoða...

Mábilar rímur, 9. ríma