Karel

Hemings rímur — 2. ríma

Lemmata | Textatengsl
umgjörð ríman

1.
Formáli

Þó að ég blandi Berlings vín um bauga Nönnu
afmors, trúi ég, að orðin sönnu
ekki finnst á minni könnu.

Skoða...

2.
Formáli

Geri ég aldrei glysleg orð um gullskorð fína,
rausa ég heldur rímu mína,
rétt skal ekki skemmtan dvína.

Skoða...

3.
Formáli

Austra vers í annað sinn skal ýtum smíða.
Hilmir lét með hölda fríða
hlunna björn í Torgir skríða.

Skoða...

4.
Ríman

Allvel fagnar kóngi kær sá kappinn harði;
seggurinn, frá ég, á sínum garði
sjóla ekki vínið sparði.

Skoða...

5.
Ríman

Sjóli spyr þá segginn fyrst að sögðum orðum,
þau sem mæltu fyrðar forðum
frægir undir drykkju borðum.

Skoða...

6.
Ríman

„Minnst hef ég þetta í minni lagt“, kvað mýgir randa,
„kemur hér ekki kneyfir branda,
kappinn trúi ég, að fyrr muni standa“.

Skoða...

7.
Ríman

Sjóli ansar seggnum mildur af Sefrings heiði:
„að sinni mun ég ei“, kvað garpurinn greiði,
„gefa á þessu stóra reiði.

Skoða...

8.
Ríman

Mánuði tvo muni ég í burt með mengið venda;
meðan skal hirðir baugsins brennda
bráðlega eftir Hemingi senda.

Skoða...

9.
Ríman

Ef kominn er eigi kappinn hér“, segir kóngurinn mæti,
„reiði mína rekkurinn sæti
rétt og týni allri kæti“.

Skoða...

10.
Ríman

Síðan sigldi sjóli í burt og seggir þýðir;
veislu búa nú landsins lýðir
lofðung þeim, að drengi prýðir.

Skoða...

11.
Ríman

Átta vikur að öðling gerir hjá ýtum sitja,
uns sá geymir Grettis fitja
gerði aftur í Torgir vitja.

Skoða...

12.
Ríman

Þegar að sjóli í sæti kemur með svinna rekka,
Áslák saman og öðling drekka,
alla gleður hann kóngsins rekka.

Skoða...

13.
Ríman

Sjóli spyr, hvort sóttur væri sveigir fleina,
„sá þú vildir löngum leyna“,
lofðung kveðst, það vildi reyna.

Skoða...

14.
Ríman

Sjóla ansar seggurinn hinn að sæmdir halla:
„Mér vill enn úr minni falla,
má ég hann ekki hingað kalla.“

Skoða...

15.
Ríman

„Sæk þú ekki son þinn fyrr en sjálfum líki;
þar til sit ég“, kvað sjóli hinn ríki,
„að sjálfur viltu, hann hingað víki.

Skoða...

16.
Ríman

Ef fyrri þarf að fara í burt að föngum leita,
aldrei skaltu oftar veita
og ekki Björn, ef vér skulum þreyta.“

Skoða...

17.
Ríman

Buðlung var þá beint að sjá sem blóðið rauða,
Áslák mun það afla nauða,
ef hann vill þessu lengur trauða.

Skoða...

18.
Ríman

Frá ég, þá ansar fylki í móti fleygir gerða:
„Ræsir! muntu ráða verða“;
rjóður gekk í burtu sverða.

Skoða...

19.
Ríman

Áslák kallar átta og fjóra ýta stranga:
„Ferð hef ég hugsað fyrir yður langa,
frá ég, þér skuluð á skip mitt ganga.

Skoða...

20.
Ríman

Með sogney norður að seggir rói“, kvað sverða beitir,
„þar skulu lenda lýða sveitir
lægis birni, er Framnes heitir.

Skoða...

21.
Ríman

Skiptið liði og skulu þér ganga á skóginn víða,
aðrir sex við bátinn bíða,
bragnar þurfa öngu að kvíða.

Skoða...

22.
Ríman

Þér skuluð ganga um þykkvar merkur þeygi greiðar,
stíg munu hitta stála meiðar,
stórar götur og furðu breiðar.

Skoða...

23.
Ríman

Fjóra dagana fyrðar hljóta á fæti að ganga,
að kveldi dags með kappið stranga
kannað hafi þér skóginn langa“.

Skoða...

24.
Ríman

Drengurinn segir, að dal mun hitta, dæll í leikum,
hömrum luktur og hávum eikum,
húsabær á foldum bleikum.

Skoða...

25.
Ríman

„Garpar skulu þar ganga inn og greiða leita;
karl mun þetta köppum veita
og kerling ekki vistar neita.

Skoða...

26.
Ríman

Höldar láti hátta brátt“, kvað hirðir spanga,
„vaka skal einn með visku stranga,
vænn mun maður í skálann ganga.

Skoða...

27.
Ríman

Heilsa skaltu Hemingi þar og hér með inna
kveðju mína og kappið stinna,
komi hann hingað oss að finna.

Skoða...

28.
Ríman

Seg, þar liggi líf mitt á“, kvað lestir gerða,
„Bjarnar mun það og baninn verða“,
brjótur talaði þannig sverða.

Skoða...

29.
Ríman

„Þó forðað geti hann sjálfum sér“, kvað sveigir skjalda,
„ef hann vill ekki hingað halda
hann mun þessa síðar gjalda.“

Skoða...

30.
Ríman

Kálfur hét sá kesju oddi kunni að beita,
hann kveðst búinn með bragna teita
blíða þessa ferð að veita.

Skoða...

31.
Ríman

Bragnar voru búnir þeir, að burt skal senda,
fyrðar, frá ég, við Framnes lenda,
fundu karl og þangað venda.

Skoða...

32.
Ríman

Eigi þarf ég andsvör þeirra öll að greina,
fyrðum gefa þau fæðu hreina,
frá ég, þeim veittu allan beina.

Skoða...

33.
Ríman

Síðan frá ég, að sæng var ger um seggi fríða,
við eldinn gera beint að bíða
bæði saman en á tók líða.

Skoða...

34.
Ríman

„Hvað mun nú um“, að hróðig svaraði hringa brekka,
„fóstra míns um ferðir hnekkja?“
Frá ég, þá ansar karl af ekki:

Skoða...

35.
Ríman

„Mér þætti vel, ef þegnum yrði það ei til greiða,
svifti ætla ég Sefrings heiða
sönnu illt af þessu leiða.

Skoða...

36.
Ríman

Þar til gæfi ég það er ég á við þegna snjalla,
fleygir ekki fofnis palla
færi heim um vikuna alla.

Skoða...

37.
Ríman

Eftir Hemingi hygg ég þessa hölda senda,
grimmlega mun það gleðina enda,
ef gerir hann héðan í burt að venda“.

Skoða...

38.
Ríman

Hljóðna frá ég þá hækna meið hinn hyggju stranga.
Kálfur sér þá kljúfur spanga
kurteis gerir í skálann ganga.

Skoða...

39.
Ríman

Í kyrtli rauðum kappinn er, sem kann ég greina,
lindi spenntur um lesti fleina,
líta má þar silfrið hreina.

Skoða...

40.
Ríman

Hafði hlað um höfuðit mitt sá halurinn mæti,
það var gert með Grettis stræti,
glóaði allt með nöðru sæti.

Skoða...

41.
Ríman

Frá ég, þau heilsa fóstra sínum furðu blíðum,
innar leiddu að arni víðum;
eldur brann þar fagur á skíðum.

Skoða...

42.
Ríman

Við eldinn settist eyðir niður Ófnis stétta,
uns þau gerðu að ferðum frétta,
frá ég, hann ansar karl af létta:

Skoða...

43.
Ríman

„Fá hef ég fugla frálega séð um fjallið kalda,
þeir sem voru“, kvað eyðir skjalda,
„allra mátta ég lífi valda“.

Skoða...

44.
Ríman

Síðan frá ég, að kappinn spurði kerling svinna:
„hvað er nú komið til húsa þinna?“
Hún kveðst þetta búin að inna.

Skoða...

45.
Ríman

„Úr föður þins garði fyrðar eru hér frægir kenndir,
eftir þér munu seggir sendir,
sannlega trúi ég, það gleðina endir.“

Skoða...

46.
Ríman

„Blíðir munu það bragnar ekki í bráði kalla“.
Heyra frá ég nú hölda snjalla
hjóna þeirra ræðu alla.

Skoða...

47.
Ríman

Kálfur veitti kappa þessum kveðju stinna;
Hemingur tók og seggnum svinna
síðan eftir fréttum inna.

Skoða...

48.
Ríman

„Erindin vor eru einkar skjót við yður að greina:
sækja þig“, kvað sveigir fleina,
„segginn vil ég ei þessu leyna.

Skoða...

49.
Ríman

Faðir þinn vildi finna þig og fullvel rækja“.
Hraustur svaraði hirðir mækja:
„hvað er nú um, að mig skal sækja?“

Skoða...

50.
Ríman

„Líf sitt kvað hann þar liggja á með löngum pínum;
Birni og einnig bróður þínum
bráður er dauður að ferðum mínum“.

Skoða...

51.
Ríman

Birtir síðan buðlungs orð með blíðum létta;
andsvör skjót um efnið þetta
eyðir gaf þeim nöðru stétta.

Skoða...

52.
Ríman

Hraustur ansar hreyti seims og hagar svo máli:
„ýtar skulu með engu táli
aftur venda klæddir stáli.

Skoða...

53.
Ríman

Ef seggir ekki sjá til mín“, kvað sveigir skíða,
„húfa hesti heim skal ríða,
hirðið ekki lengur að bíða“.

Skoða...

54.
Ríman

Síðan vendu seggir burt frá sveigir skjalda;
fyrðar heim til Framnes halda,
farkost setja á æginn kalda.

Skoða...

55.
Ríman

Búa til segl en byrinn stóð þá beint af landi;
fyrðar bíða á fögrum sandi,
fyrðum jókst í þessu vandi.

Skoða...

56.
Ríman

Mjallrokur að seggir sjá með sorta víðum,
hér næst rennur hart á skíðum
Hemingur fram að þegnum blíðum.

Skoða...

57.
Ríman

Á morgni renndi mýgir stáls á mjóvum skíðum,
það sem fyrðar fóru tíðum
fjóra daga á skógi víðum.

Skoða...

58.
Ríman

Bragnar láta barðið mjótt um báru rista;
vindurinn gerði voð að hrista,
virðar heima í Torgum gista.

Skoða...

59.
Ríman

Að bænum gengur brjótur stáls með bragna snjalla;
frá ég þá hittast feðga alla,
fyrðar tóku margt að spjalla.

Skoða...

60.
Ríman

Áslák segir, að öðling væri þá inni að borðum,
birtir allt frá buðlungs orðum
bauga Týr, það skrifað var forðum.

Skoða...

61.
Ríman

Djarflega gekk í döglngs rann sá drengurinn fríði,
sjóla kvaddi og svinna lýði,
sikling tók þá honum með prýði.

Skoða...

62.
Ríman

„Nafn þitt grein“, kvað niflung ör af nöðru sveita.
Hemingur sagðist halurinn heita,
hann mun úlfum fæðu veita.

Skoða...

63.
Ríman

„Ei vil ég sjá þá öldungs húð“, kvað öðling mæti,
„Hemingur sért af hávum fæti“:
höldum jókst í þessu kæti.

Skoða...

64.
Ríman

Sjóla ansar seggurinn hinn er sæmdir halla:
„ekki er allt, sem kappar kalla“;
kæta má það hölda snjalla.

Skoða...

65.
Ríman

„Fylkir! vilda ég friða við þig þá feðga báða
og það allt, sem ég má ráða,
öðling! bjóða þeim til náða.

Skoða...

66.
Ríman

Rýma í burt, ef ræsir vill úr ríku landi,
föður míns góss í friðinum standi,
ef fyrðum er það minni vandi.

Skoða...

67.
Ríman

Þó að þú viljir oss minnka meir“, kvað mýgir randa,
„mun ég þar ekki í móti standa,
ef mínu viltu ei lífi granda“.

Skoða...

68.
Ríman

„Kanntu nokkuð, kappinn ör í kífi fleina!
íþróttir fyrir oss að greina?“
öðling kveðst það vildi reyna.

Skoða...

69.
Ríman

Hemingur ansar hilmi nú, sem hermir fræði:
„karli þótti ég og kerling bæði
kunna flest, það drengum stæði.

Skoða...

70.
Ríman

Skíða ferð“, að skelfir talaði skafts hins stinna,
„reyna má ég við rekka svinna,
rétt skal engi af mér vinna“.

Skoða...

71.
Ríman

„Virðar gangi“, að vísir kvað, „á völlu hreina;
leika þína, lestir fleina!
lýðir skulu alla reyna.

Skoða...

72.
Ríman

„Búið hef ég“, kvað bóndinn mætur, „bragna þína;
kóngur! nú með kappa fína
kostnaði þykir oss mál að dvína“.

Skoða...

73.
Niðurlag

„Sitja mun ég“, kvað sjóli, „í dag með seggi snjalla.“
Hrofta-Týs, sem hér má kalla,
horna straumar í burtu falla.

Skoða...

Hemings rímur, 2. ríma

næsta ríma >>