Karel

Ölvis rímur sterka — 3. ríma

Lemmata | Textatengsl
umgjörð ríman

1.
Formáli

Þar skal renna Rögnis vín
af rósum barða
Ölver kom með íta sína
austur í Garða.

Skoða...

2.
Ríman

Lendir þar er Lénsborg heitir
laufa Týr
þar réð foldu fleina veitir
frægur og skýr.

Skoða...

3.
Ríman

Álfur hét sá er Ölver fann
og afreks mengi
fregnar þegar að fréttum hann
og frækna drengi.

Skoða...

4.
Ríman

Bjórinn aldrei burgeis mætur
brögnum sparði
þar sat Ölver þrettán nætur
á þessum garði.

Skoða...

5.
Ríman

Ölver spyr sá er afrek vann
með unda snáki
kanntu nokkuð kappa þann
er kallast Áki.

Skoða...

6.
Ríman

Orðum frá ég að veitir víki
vells um það
hann er austur í Hólmgarðs ríki
og heldur stað.

Skoða...

7.
Ríman

Staðanna tólf er stutt á milli
og standa þétt
þessum ræður hann Áki hinn illi
öllum slétt.

Skoða...

8.
Ríman

Hér er nú fyrst að fara með landi
fram í Trast
þegninn vinnur þjóð með brandi
það er ei last.

Skoða...

9.
Ríman

Fara má þar hið fremra allt
hjá fólki blíðu
upp til móts hið Eystra salt
með Jótlands síðu.

Skoða...

10.
Ríman

Stendur önnur styttri leið
kvað stála þröngvir
fram um eina fagra heið
og fara það engir.

Skoða...

11.
Ríman

Skálar standa skógi á
og skákmenn illir
furðu illt er að fást við þá
kvað fleina spillir.

Skoða...

12.
Ríman

Álfur skilst við Ölvi þar
afreks traustur
seggir héldu suður um mar
og síðan austur.

Skoða...

13.
Ríman

Báran leikur blá við sax
á bræddan stafn
ýtar komu að aftni dags
í eina hafn.

Skoða...

14.
Ríman

Skatnar festu skeiðar brand
og skemmta meir
Ölver gengur upp á land
og allir þeir.

Skoða...

15.
Ríman

Bónda nokkur bjó þar enn
við bragna stærsta
annast skyldi hann Ölvis menn
um árið næsta.

Skoða...

16.
Ríman

Skjótlega braut til skógar snýr
sá skjöldu veitir
seggnum fylgir seima Týr
sá Sverrir heitir.

Skoða...

17.
Ríman

Skatnar hittu skála einn
á skógi þröngum
stóð í hurðu sterkur fleinn
með stórum spöngum.

Skoða...

18.
Ríman

Ölver hljóp á hurð af mátt
og hnefana reiðir
hún varð þegar að ganga á gátt
er garpurinn beiðir.

Skoða...

19.
Ríman

Gekk í rann sá garpurinn mætur
greinir spil
þar var bæði sæng og sæti
sæmilegt til.

Skoða...

20.
Ríman

Sterklega var þar stundu síðar
stigið til jarðar
kemur í skálann skelfir gríðar
sköfnungs jarðar.

Skoða...

21.
Ríman

Leiknir hefur langar tenn
og litast um bekki
karl er fár við komumenn
og kveður þá ekki.

Skoða...

22.
Ríman

Ölver ansar kátur og kyrr
af kallsi stóru
þeir skulu heilsa öðrum fyrr
er inni voru.

Skoða...

23.
Ríman

Heitið muntu halurinn knár
fyrir höldum tína
svo ertu garpurinn geysi fár
við gesti þína.

Skoða...

24.
Ríman

Síð var heldur í svörunum trauður
í sínu starfi
hann kveðst loksins heita Rauður
og Háreks arfi.

Skoða...

25.
Ríman

Eyðir mælti allfá orð
við eyði stála
Rauður tók að reisa borð
í römmum skála.

Skoða...

26.
Ríman

Rauður þótti rembilátur
rausnar mönnum
þar var á borðum bjarnarslátur
og bjór á könnum.

Skoða...

27.
Ríman

Þegninn mælti þessi orð
er þér megið skilja
þeir skulu gumnar gá til borðs
sem gisting vilja.

Skoða...

28.
Ríman

Kallsar Ölver kátur við rekka
og kænn í brögðum
ég vil hvorki eta né drekka
öl með flögðum.

Skoða...

29.
Ríman

Ölver ræður upp að standa
og aflið herði
Rauður kunni að reiða brand
og rykkir sverði.

Skoða...

30.
Ríman

Ölver lætur eggjum skarpa
að honum ríða
þess er von að göldrum garpar
geri að bíða.

Skoða...

31.
Ríman

Blés hann upp á brynju laut
af bragða ranni
hjörinn stökk úr hendi braut
á hreysti manni.

Skoða...

32.
Ríman

Rauður frá ég að reigðist við
og réttir hendur
þér vil ég bjóða garpurinn grið
meðan gríman stendur.

Skoða...

33.
Ríman

Griðunum játar geira Þundur
geymir sverða
rekkurinn sér að Rauður mundi
ráða verða.

Skoða...

34.
Ríman

Ölver tók þann unda tein
er átti fyrr
bóndinn ætlar brögnum mein
og byrgir dyrr.

Skoða...

35.
Ríman

Rauður leggst í rekkju þá
er reisug var
feigum ekki forða má
og fór svo þar.

Skoða...

36.
Ríman

Lágu þeir fyrir innan eld
í einni krá
og breiddu yfir sig breiðan feld
sem bóndinn á.

Skoða...

37.
Ríman

Gistan höfum við galdramann
með grimmd og pín
svæfa ætla ég segginn þann
á saxi mín.

Skoða...

38.
Ríman

Garpurinn talar í huganum hreinn
við hrotta sveigi
mundu hvað þér sagði Sveinn
og svíktu hann eigi.

Skoða...

39.
Ríman

Skal ég af lífi rekkinn ráða
rétt í stað
ellegar drepur hann okkur báða
er Ölver kvað.

Skoða...

40.
Ríman

Hreysti mann að hvílu gengur
og höldinn lítur
heldur hann ekki lífi lengur
ef laufinn bítur.

Skoða...

41.
Ríman

Ótæpt lét hann að honum ríða
unda gnaf
horfir upp hin hægri síða
en hinn fékk lag.

Skoða...

42.
Ríman

Umbrot urðu eigi góð
af afreks manni
hjörinn upp að hjöltum óð
í hjarta ranni.

Skoða...

43.
Ríman

Sofandi manninn sagði Rauður
sveiktu mig
lítt var sá í trúskap trauður
er treysti á þig.

Skoða...

44.
Ríman

Þú mun ætla að erfa mig
og eignast fé
ég skal leggja laust á þig
þó lítill sé.

Skoða...

45.
Ríman

Þar eð þú lítur fljóðið frítt
í fersku landi
upp mun kveikjast ástin strítt
með elsku bandi.

Skoða...

46.
Ríman

Sé það brúður eða burgeis mær
eða bóndans kvinna
hún skal þér í hjarta kær
með harminn stinna.

Skoða...

47.
Ríman

Fáir þú eigi hið ferska víf
í faðmi þín
fyrir það skaltu láta líf
og luktur í pín.

Skoða...

48.
Ríman

Veittir þú mér af saxi sár
á síðu minni
blandað hef ég þér bölvuð fár
í brjósti inni.

Skoða...

49.
Ríman

Mun ég um kvað mýgir ríta
mæla svo
þinn skal hrottinn hvorgi bíta
þá helst liggur á.

Skoða...

50.
Ríman

Nema þar komi til nokkur maður
í nauðum þvert
hlaupi undir hrottann glaður
með holdið bert.

Skoða...

51.
Ríman

Þá mun garpurinn geirél snart
með gjalla að heyja
furðu hefur hann fleiprað margt
og fór að deyja.

Skoða...

52.
Ríman

Drógu þann fyrir dyrnar út
er dreifði sax
hrundið höfðu seggir sút
og sváfu til dags.

Skoða...

53.
Ríman

Skildu eftir allan auð
er ýtar fengu
brendu áður bóndann Rauð
en burtu gengu.

Skoða...

54.
Ríman

Ýtar lágu átta nætur
á eyðifjöllum
lítið trúi ég berist í bætur
brögnum snjöllum.

Skoða...

55.
Ríman

Höldar gengu heiðum frá
á hauðrið víða
bragnar mega þar borgir sjá
og bæi fríða.

Skoða...

56.
Ríman

Garpar líta guðvefs tjald
í grænum skógi
þess munu bragnar bíða brand
í branda rógi.

Skoða...

57.
Ríman

Úti stóð þar leikara lýður
og lék við strengi
ekki kennir þegninn þýður
þessa drengi.

Skoða...

58.
Ríman

Ölver rennir auga til
hvað inni var
hann sá svinna seima Bil
í sæti þar.

Skoða...

59.
Ríman

Ölver gaf sér ekki um þá
sem úti stóðu
gekk í tjaldið glaður að hitta
gullhlaðs tróðu.

Skoða...

60.
Ríman

Jungfrúin ber á hverjum fingri
hreina vell
ýts er brúðurin skrýdd með skingri
og skorin í pell.

Skoða...

61.
Ríman

Hann horfir upp á heiðurs víf
með hryggð og meinum
var því líkt sem léki hans líf
í loga einum.

Skoða...

62.
Niðurlag

Hættulegt var það harma tál
í hyggju landi
Suttungs er nú meir en mál
að mjöðurinn standi.

Skoða...

Ölvis rímur sterka, 3. ríma

næsta ríma >>