Karel

Ölvis rímur sterka — 5. ríma

Lemmata | Textatengsl
umgjörð ríman

1.
Formáli

Berlings knörrinn braut ég þann
bragða Ölver Rígarð fann
greifinn talar við garpinn hljóður
göngum við í skógar rjóður.

Skoða...

2.
Ríman

Fram á eina græna grund
gengu þeir í samri stund
ýta má engi sjá
Ölver situr og greifinn hjá.

Skoða...

3.
Ríman

Ölver mun ég það inna þér
ófyrirsynju komtu hér
væna hefur þú falsað frú
forsmáð er mér blygðin sú.

Skoða...

4.
Ríman

Hér fyrir vil ég þér bjóða bót
borgar greifinn ríki á mót
svaraði þannig sæmdar drengur
sökumst við aldrei um þetta lengur.

Skoða...

5.
Ríman

Rígarð svaraði reyndur að dygð
ræðum aldrei um þessa brygð
meinin bíði maðurinn sá
sem mútu vildi taka þar á.

Skoða...

6.
Ríman

Harmurinn sækir hringa Bil
hlýttu því ég segja vil
ósköp ganga um allan heim
ei mun hægt að sjá við þeim.

Skoða...

7.
Ríman

Hringur faðir minn herra mildur
heima sat ég og þóttist gildur
ég bar rausn af rekkum hans
ég reið mig út við sextíu manns.

Skoða...

8.
Ríman

Nú er það hryggð ég herma varð
hersir ríkur hélt annan garð
Reinalds dóttur rjóð og kær
Randiborg hét þessi mær.

Skoða...

9.
Ríman

Þegar að jungfrú augum sá
eiga vilda ég bauga Ná
reið ég út fyrir hringa Lín
henni gerðist vel til mín.

Skoða...

10.
Ríman

Heiðinn maður bað hennar áður
hann fór burt og þóttist smáður
galdra kunni geymir hers
goldið höfum við bæði þess.

Skoða...

11.
Ríman

Hér kom nú að ég hennar bað
hæversklega var svarað um það
síðan var mér fastnað fljóð
fór að veislu kurteis þjóð.

Skoða...

12.
Ríman

Fyrstu nátt með frygðir líf
í faðmi vilda ég faðma víf
hugði ég upp á heimsins magt
hér er komið þar nú er sagt.

Skoða...

13.
Ríman

Galdurinn verður mörgum meinn
maður kom upp á glugginn einn
gert hefur þú mér gleðinnar bann
greifi hinn ríki sagði hann.

Skoða...

14.
Ríman

Litlu vil ég það launa þér
lystug frú hefur neitað mér
þú skalt enga yndis grein
ungri veita silki rein.

Skoða...

15.
Ríman

Mun ég þar eigi skila um skammt
skulu þið ei svo lengi ásamt
að þú megir af meinum sveldur
meydómi hennar spilla að heldur.

Skoða...

16.
Ríman

Sú skal hverfa hryggð að þér
hverja sem þú kvinnu sér
þig skal frygða fljóðin til
en fá þó enga menja Bil.

Skoða...

17.
Ríman

Fríðan tók ég fetla hæng
er festur var við mína sæng
hann fló út yfir hliðglugg þvert
hæfða ég framan í augað bert.

Skoða...

18.
Ríman

Út um hnakkann oddurinn fló
illsku maður af sári dó
ósköp hurfu öll til mín
ég hef lifað við þessa pín.

Skoða...

19.
Ríman

Vissi þetta vella hnoss
vildi hún gjarna fylgja oss
aldrei sagði hún öðrum slíkt
elskað hef ég því sprundið ríkt.

Skoða...

20.
Ríman

Ann hún þér með undrum heitt
ástin hefur það báðum veitt
sá kom harmurinn hjartað í
hefur hún ekki leynt mig því.

Skoða...

21.
Ríman

Eigi mun ég kvað afreks drengur
yndi hennar tefja lengur
gifta vil ég þér gullhlaðs rein
en ganga sjálfur í helgan stein.

Skoða...

22.
Ríman

Dálega vann ég dauðasekt
dýra frú með falsi blekkt
hér fyrir viltu heiðra mig
heimurinn allur prísi þig.

Skoða...

23.
Ríman

Ölver muntu auðnu sterkur
ansar þannig greifi merkur
þetta gæfan þegni lér
þú skalt stýra ríkum her.

Skoða...

24.
Ríman

Bróðir þinn á borg og láð
Bragða-Ölver talar með dáð
en ef vífið vill sem þú
væna kýs ég gjarna frú.

Skoða...

25.
Ríman

Ölver talar við afreks mann
Áka vilda ég hitta þann
yðvart þarf ég afl og ráð
útlaga Sveins af danskri láð.

Skoða...

26.
Ríman

Áka stendur ekki við
ég skal fá þér vagn og lið
héðan er eigi leiðin löng
lemur hann allt með sinni stöng.

Skoða...

27.
Ríman

Sáttir komu seggir heim
Sverrir gekk á móti þeim
halurinn gaf honum hundruð fimm
hölda liðs og þóttu grimm.

Skoða...

28.
Ríman

Ýtar búast með afl og þrótt
Ölver fór með sína drótt
þeim var kapps og kynstra léð
komu nú þar sem Áki réð.

Skoða...

29.
Ríman

Það mun virðum vekja sorg
víkingurinn er fyrir í borg
sá var lystur að lemja skjöld
lítur hann hvar að stóðu tjöld.

Skoða...

30.
Ríman

Áki spyr þegar Ölver sér
yðvart heiti greini þér
hvort skaltu með herlið þitt
herja upp á ríkið mitt.

Skoða...

31.
Ríman

Ansar þá með afrek vendur
Ölver er ég að nafni kenndur
hirðmann er ég herra Sveins
höfum vér allir farið til eins.

Skoða...

32.
Ríman

Ýtum verður að eyða hjör
útlægur ertu um Danmjörk ger
ei þarf lengja okkart skraf
ég var sendur að slá þig af.

Skoða...

33.
Ríman

Áki svaraði óður og ær
Ölvi þennan hengjum vér
borgar hlið skal brjóta upp öll
blístrar hann þá rétt sem tröll.

Skoða...

34.
Ríman

Áki bilaði ekki hót
Ölver fylkir honum í mót
rekkum magnast randa þeyr
roðinn er völur en fólkið deyr.

Skoða...

35.
Ríman

Sára fengu seggir hel
Sverrir barðist einkar vel
svo var Ölvers aðferð grimm
að einatt lágu dauðir fimm.

Skoða...

36.
Ríman

Víkingurinn í vopna þröng
veður hann fram með digra stöng
köppum magnast kvallegt angur
kom á Áka berserksgangur.

Skoða...

37.
Ríman

Stöng var reidd af stála Þund
stóð hún betur en nítján pund
þar var fram úr Fjölnis angur
fjögra álna broddurinn langur.

Skoða...

38.
Ríman

Flein í gegnum fyrða rak
fleygir síðan aftur á bak
aldrei færri en átta menn
Áki laust til jarðar senn.

Skoða...

39.
Ríman

Hvassan brodd og hafa stöng
hefur hann upp í fleina söng
Áki hinn sterki Ölvi fann
ætlar þegar að skjóta hann.

Skoða...

40.
Ríman

Ölver hefur sig undan snart
Áki skýtur furðu fast
svo kom fleinninn fast í völl
fólgin var þá stöngin öll.

Skoða...

41.
Ríman

Galdramaðurinn gjalla brá
görpum sýndist mæki blár
næsta langur og nógu breiður
nú er hann Áki orðinn reiður.

Skoða...

42.
Ríman

Halurinn mælti og hristi geir
höggvast munum við Ölvi tveir
ég skal vera þín jarðar eik
ef engi skakkar með okkur leik.

Skoða...

43.
Niðurlag

Fyrðar slíðra Fjölnis bál
flestum þótti hvíldar mál
Áki gekk að Ölvi stríður
ógnin vex en ríman líður.

Skoða...

Ölvis rímur sterka, 5. ríma

næsta ríma >>