Karel

Mábilar rímur — 6. ríma

— Óþekktur höfundur

Lemmata | Textatengsl
umgjörð ríman

1.
Formáli

Margur hlýtur þunga þrá fyrir þellu menja
háskafull er heimsins venja
hún vill mig frá gamni spenja.

Skoða...

2.
Formáli

Verð ég af því vísna trauður í vöku og bingi
sat ég á miðju sorgar þingi
svall hinn gamli harma stingi.

Skoða...

3.
Formáli

Þrautir gerðu þrisvar mig til þings að nefna
mig hefur þessi stökkótt stefna
sturlað bæði gaman og svefna.

Skoða...

4.
Formáli

Það er mér pín að pella grundin plagar sig leika
einatt verð ég úti að reika
ekki er hjá nema sorgin bleika.

Skoða...

5.
Formáli

Hinn er kerskur að harmurinn aldrei í hjartað kæmi
ill eru þessi eftirdæmi
annað væri betra næmi.

Skoða...

6.
Ríman

Það hefur sagt hinn setti óður að Sikiley stýri
Mediu var hann að hálfu hlýri
herra Blávus kóngur hinn dýri.

Skoða...

7.
Ríman

Faðir hans átti fríða kvon og fór að deyja
þar kom önnur þorna Freyja
þeim varð auðið tveggja meyja.

Skoða...

8.
Ríman

Media heitir mildings systir meyjan versta
Kréta lét ei konstrin bresta
er kóngurinn Mílon hafði festa.

Skoða...

9.
Ríman

Stillis son var stríður í lund við stjúpu sína
þau bað hún ósköp á honum hrína
er jafnan fylgdi harmur og pína.

Skoða...

10.
Ríman

Hálfur skyldi hann sýnast svo með svörtu bragði
sem að hann væri fæddur af flagði
foxið slíkt á Blávus lagði.

Skoða...

11.
Ríman

Aldrei skyldi ósköp þessi af honum linna
nema sú væri nokkur kvinna
í nauðum vildi kóngi sinna.

Skoða...

12.
Ríman

Forlög þessi feikna grimm frá ég að verði
skjöldungs son með skyggðu sverði
skipti í sundur menja Gerði.

Skoða...

13.
Ríman

Föðurleifð sína flýði hann með feikna grandi
Sikiley vann með sókn og brandi
settist gramur þá kyrrt að landi.

Skoða...

14.
Ríman

Stoltar frúrnar styggðust svo við stýri dáða
engar vildu öðling náða
allar lét hann sjálfar ráða.

Skoða...

15.
Ríman

Media sendi menn og rit til mektugs hlýra
biður hann koma í borg svo dýra
bréfin mjúkt af slíku skýra.

Skoða...

16.
Ríman

Vilda ég gjarna að vyrði okkrir virkta fundir
bjartar segja það bauga grundir
að búi þar nokkuð grálegt undir.

Skoða...

17.
Ríman

Fylkir spurði hvort frelska skyldi hann fleina spilli
þar bar ekki langt í milli
Móðrox hét sá ansar stilli.

Skoða...

18.
Ríman

Megum vér bæði mikið og illt af Mediu fregna
oss mun þetta illa vegna
ef öðling skilst við lönd og þegna.

Skoða...

19.
Ríman

Kappar skulu ei kvíða sér þó komi í vanda
forlög hljóta um flest að standa
fara mun ég til Grikkja landa.

Skoða...

20.
Ríman

Frænda sínum fékk hann land er Félix heitir
Blávus fór með bragna sveitir
byrina þeim til Grikklands veitir.

Skoða...

21.
Ríman

Boðaði sprund í borgum lúður að blása um stræti
skorti hvorki makt né mæti
Media leiddi kóng í sæti.

Skoða...

22.
Ríman

Buðlung hefur þér bróðir góður boðið til náða
þurfa mundi þinna ráða
þengill nú við harminn bráða.

Skoða...

23.
Ríman

Skipar hann þér hið skíra gull fyrir skyldu mína
gramur vill auka giftu þína
og gefa þér Móbil dóttur sína.

Skoða...

24.
Ríman

Horskar brúðir hafa á mér hið hatrið mesta
síst ég beið það meinið mesta
mey skal ég aldrei nauðga festa.

Skoða...

25.
Ríman

Það mun eigi þurfa svo um þvert að brjóta
megum vér gott af Móbil hljóta
minna skaltu ráða njóta.

Skoða...

26.
Ríman

Bláus kvaðst þá búinn að sækja bauga Hildi
herinn klæðist hjálm og skildi
hertoginn Bálan fylgja vildi.

Skoða...

27.
Ríman

Drottning sendi dverga tvo til drengja sveita
Braskon þeir og Brusiel heita
brögnum skulu þeir liðsemd veita.

Skoða...

28.
Ríman

Tjaldið gaf honum töfra fullust tvinna nauma
verkað allt með vonda sauma
Villiká hefur gert hin auma.

Skoða...

29.
Ríman

Láttu koma í kynja tjaldið kæru blíða
það man þegar í loft upp líða
langt í burt á skóga víða.

Skoða...

30.
Ríman

Blávus kveðst þá búinn í stríð að beisla svanna
svikin mun verða silki Nanna
sextíu hafa þeir hundruð manna.

Skoða...

31.
Ríman

Fremd er engi með fjölda hers á frúr að herja
varla er þar sem blámenn berja
brúðir einar landið verja.

Skoða...

32.
Ríman

Bragnar þekja brynjum lið og búast við rómu
eyðir fór með fólki frómu
frá ég þeir norður í Valland komu.

Skoða...

33.
Ríman

Bragnar hitta borgar múr og bundinn lími
þegnar bjuggust þá við stími
þá var tungl að fyrsta prími.

Skoða...

34.
Ríman

Blávus reið að brúðar höll á brúnum hesti
ríði út við randa lesti
riddari staðarins einn hinn besti.

Skoða...

35.
Ríman

Láti seggurinn sjálfan mig úr söðli detta
þá skal halda heim við þetta
og hér að engum nagli spretta.

Skoða...

36.
Ríman

Brúðurin heyrði á Blávus orð er bauð að stríða
auðþöll svarar af angri og kvíða
hún var ekki fær að ríða.

Skoða...

37.
Ríman

Ténix hittir tigið sprund og talar með pínu
Grikkir bjóða út mönnum mínum
mikið er undir drengskap þínum.

Skoða...

38.
Ríman

Ég vil jungfrú yðrar sorgir láta dvína
blakkinn vil ég og burtstöng þína
bæta mun það útreið mína.

Skoða...

39.
Ríman

Leiddur var þangað hestur og skjöldur og Handins klæði
mækir, skjöldur og merkin bæði
mun það verða lítil gæði.

Skoða...

40.
Ríman

Buskant frá ég að berja vildi á brodda lesti
engi hönd á jórnum festi
ekki varð honum þetta að hesti.

Skoða...

41.
Ríman

Vopn og hest þá valdi honum hin vænsta Nanna
hleypir út um hlið frá svanna
hlæjandi til Grikkja manna.

Skoða...

42.
Ríman

Bálan spurði hvort berðist hann fyrir bauga Þrúði
svívirðlegt er að svíkja brúði
svo sem hún þér áðan trúði.

Skoða...

43.
Ríman

Falsarinn kvaðst þá fús að hefna fornra klækja
Mábil ætti ég minnst að rækja
meyna skal ég í turninn sækja.

Skoða...

44.
Ríman

Tryggrofi ertu Ténix nú við tróðu veiga
hjartað þitt hið dygðar deiga
dálegt mun fyrir höndum eiga.

Skoða...

45.
Ríman

Hermann bauð fyrir refla rist rómu að heyja
ég vil gjarna ágæt meyja
annað tveggja lifa eða deyja.

Skoða...

46.
Ríman

Reið hann út af ríkri borg en ristill þagði
falsarinn var þá fyrri að bragði
frænda sinn við velli lagði.

Skoða...

47.
Ríman

Hendur og fætur Hermanns batt í hreggi vigra
Mábil sterku munum vér sigra
minnkar hennar kappið digra.

Skoða...

48.
Ríman

Brusiel dvergur blés upp hlið hinn bragða slæga
Ténix veik í turninn hæga
tók í burtu vífið fræga.

Skoða...

49.
Ríman

Óvit féll með angri og sút á auðar Gefni
kæmist brúður í betra efni
bera kann til að hún einum hefni.

Skoða...

50.
Ríman

Það er að segja af sorgar fullu siklings jóði
svanninn kemur til sín hinn rjóði
sótt er horfin öll af fljóði.

Skoða...

51.
Ríman

Brúðurin lætur brynjað lið með breiðum gerðum
herinn klæðist hjálm og sverðum
hún biður ekki seinka ferðum.

Skoða...

52.
Ríman

Brúðurin upp á Buskant sté og búin að stríða
plagar sig út um port að ríða
Pálma brak er gyrt við síða.

Skoða...

53.
Ríman

Fljóðið hitti frænda sinn er frægðum treysti
fætur og hendur Hermanns leysti
hann tók sverð og dugir með hreysti.

Skoða...

54.
Ríman

Mábil reið í miðjan her og mækinn reiddi
margan senn frá lífi leiddi
lýði klauf en skjöldu meiddi.

Skoða...

55.
Ríman

Hermann gerði hrotta sínum hart að veifa
margur verður lönd að leifa
hann lagði í gegnum Mílon greifa.

Skoða...

56.
Ríman

Brasko dvergur brúði hyggst af baki að fella
leggst hann niður fyrir linna pella
leit hann ekki menja þella.

Skoða...

57.
Ríman

Buskant frá ég að fífus hold með fótum fergi
beinin gjörvöll brotin í dvergi
burtu komst hann lengra hvergi.

Skoða...

58.
Ríman

Moðro sterki mælti þá til manna sinna
þorna verð ég Þrúði að finna
þetta er tröll en ekki kvinna.

Skoða...

59.
Ríman

Mábil svo til Moðro hjó í málma iðju
sverðið tók hann sundur í miðju
sá var gerður í meistara smiðju.

Skoða...

60.
Ríman

Mauricius hinn mikli sveinn að meyju renndi
fljóðið hann að frásögn kenndi
hún fumaði til með hjalta vendi.

Skoða...

61.
Ríman

Svanninn jungur sveipar til með sverði glæstu
hálsinn mætti höggi stærstu
höfuðið fauk yfir tvo hina næstu.

Skoða...

62.
Ríman

Hertoginn segir að hefna skuli hann heimsins nauða
brúðurin slíðrar brandinn rauða
Bálan vill hún eigi dauða.

Skoða...

63.
Ríman

Þar er sá maður að Mábil kvað af móðum anda
helst mun oss af huggan standa
hans skal ég ekki lífi granda.

Skoða...

64.
Ríman

Burstöng rekur í Bálans skjöld hinn blíði svarri
hann kom niður á foldu fjarri
flatur í einu skógar kjarri.

Skoða...

65.
Ríman

Blávus sér að Bálan fellur burgeis drótta
búin er gjörvöll ferð á flótta
flestum lá við sjálfan ótta.

Skoða...

66.
Ríman

Hvern um annan hilmir lét af hesti liggja
Mábil sterka mætti tiggja
margir hlutu þar dauðann þiggja.

Skoða...

67.
Ríman

Hvort að öðru hvotar þá með hvössum stöngum
skelfur viður í sköptum löngum
skræfum var þar veranda engum.

Skoða...

68.
Ríman

Mábil svo til orða tók í þessu sinni
sjá þú gramur við systur þinni
svíkur hún þig að ætlun minni.

Skoða...

69.
Ríman

Skaði er það ef skjöldung þessi fer skjótt af lífi
það er hermt frá hilmi og vífi
að hvorki gæfist fyrir öðru í kífi.

Skoða...

70.
Ríman

Prúðust reiddi Pálma brak sjá pella þilja
lofðung hyggst frá lífi að skilja
og láta hann ekki meyjar gilja.

Skoða...

71.
Ríman

Aðimas varð fyrir eggju sverðs hinn ógnar harði
hjörinn sneið af hjálmsins barði
heldur meira en kónginn varði.

Skoða...

72.
Ríman

Bogann og söðulinn brandurinn tók með biturleik nógum
fákinn sundur framan í bógum
fram kom dvergur af eyðiskógum.

Skoða...

73.
Ríman

Lýði alla lukti tjald er lífið þágu
tignin studdi tvinna Ságu
tvær þúsundir eftir lágu.

Skoða...

74.
Ríman

Brusiel dvergur Blávus kóng með brögnum faldi
þúsund manns í tjaldið taldi
trylldur hann úr liðinu valdi.

Skoða...

75.
Ríman

Nú hefur sólin sína hvíld á settum tíma
þellan mælti Þundar bríma
þessi orð sem hermir ríma.

Skoða...

76.
Ríman

Suðri fer með sorgar tjald og systur mína
vaxi honum sú vesöld og pína
er verst má gegna um hagina sína.

Skoða...

77.
Ríman

Hér mun systir svo gerð okkur samvist linna
hamingjan ræður hæversk kvinna
hvort ég náir þig síðar finna.

Skoða...

78.
Ríman

Hver sem hyggur hinn beiska drykk að byrla henni
hausinn þeirra harman kenni
heilinn springi út um enni.

Skoða...

79.
Ríman

Þannig tók að firrast fundur með falda skorðum
það varð allt að áhreins orðum
er jungfrú spáði dvergnum forðum.

Skoða...

80.
Ríman

Mörgum verður meyjar stríð að miklu gjaldi
undan komst með töfra tjaldi
Ténis sjálfur og eikinskjaldi.

Skoða...

81.
Niðurlag

Líður tjald um lönd og skóg og löguna slétta
refla fold vill rómu létta
ríman hlýtur að falla hin sétta.

Skoða...

Mábilar rímur, 6. ríma

næsta ríma >>