Karel

Landrés rímur — 7. ríma

— Óþekktur höfundur

Lemmata | Textatengsl
umgjörð ríman

1.
Formáli

Hættleg styggð um hjartans byggð
hrökkvist mér svo löngum
geyst er sorg í gleðinnar borg
gamna má ég því engum.

Skoða...

2.
Formáli

Þungan harm og þrautar farm
þar hef ég út af fengið
mjög hefur strítt en misjafnt blítt
um mína ævi gengið.

Skoða...

3.
Formáli

Hvort harma sprengur að höldum gengur
heiður eða nokkur prýði
fár og sorg í fræða borg
ferska pínir lýði.

Skoða...

4.
Formáli

Það kann heldur er þrautin veldur
þegna oft að hryggva
að elska þá er aldrei fá
auðar lindi dyggva.

Skoða...

5.
Formáli

Greina skal ef garpa val
gleðst við mærðar smíði
skarlats Gná var skýrri hjá
skjöldungs arfinn fríði.

Skoða...

6.
Ríman

Þengils kund með þýðri lund
þegnar allir hæla
sjö hefur ár er sætan klár
svo réð við hann að mæla.

Skoða...

7.
Ríman

Vil ég þig nú kvað voldug frú
vísis arfi senda
skaltu heim með skreyttan seim
til skjöldungs hallar venda.

Skoða...

8.
Ríman

Refla Gná því ráða má
að ræsi kom ég að finna
seint trúi ég það er seggurinn kvað
að sigurinn megi ég vinna.

Skoða...

9.
Ríman

Nóttin leið en nadda meið
nú kom drós að vanda
halurinn kann sá frúna fann
fljótt í klæðin standa.

Skoða...

10.
Ríman

Drykk og vist gaf drósin tvist
döglings fögru jóði
tekur í hönd með tryggðar bönd
og talar af litlum móði.

Skoða...

11.
Ríman

Gullhlaðs eik með gleðina veik
að gildum fóstra sínum
hæverskur þegn og harla gegn
hlýð þú orðum mínum.

Skoða...

12.
Ríman

Föður þíns drótt mun fýsast skjótt
á fríða völlu reika
trúi ég að þeir kvað tvinna Eir
taki með knött að leika.

Skoða...

13.
Ríman

Hafa þeir sett með heiðri rétt
hver sem knetti næði
sá skal fá kvað seima Gná
sæmd og alls kyns gæði.

Skoða...

14.
Ríman

Vit þú í stað hvort vill þér það
vífið talar hið kæna
stála Týr nam stoltur og skýr
að stíga á blakk hinn væna.

Skoða...

15.
Ríman

Landrés ríður ljós og fríður
list og dáð mun henda
gerði sprund með geira lund
af garði fyrst að venda.

Skoða...

16.
Ríman

Varla seint mun verða greint
af vænum geymi ríta
svanninn bað þá segg í stað
svinnan aftur líta.

Skoða...

17.
Ríman

Breytti nú sem beiddi frú
brjótur fofnis spanga
pella Rist sú prýdd var list
pústur sló hann við vanga.

Skoða...

18.
Ríman

Herrann þá spyr hringa Ná
hvað því mundi sæta
fékk hún sagt með fremd og makt
fylki það hinum mæta.

Skoða...

19.
Ríman

Sér þú leik kvað silki eik
sviptir Óðins tjalda
ef pústur nær af fylkir fær
þú flýt þér hann að gjalda.

Skoða...

20.
Ríman

Gangi þér að gullskorð tér
garpurinn allt að vilja
ræsis nið hún réð þá við
ríkan fyrst að skilja.

Skoða...

21.
Ríman

Heim að borg sá hreppti sorg
hesti sínum vendi
burðugur mann að breyta vann
sem bauga Lofnin kenndi.

Skoða...

22.
Ríman

Litu þeir skjótt með list og þrótt
lofðungs arfa þennan
seima lund í samri stund
seggir þóttust kenna.

Skoða...

23.
Ríman

Einkar hratt hann essið batt
eigi langt frá höllu
lýða val frá ég líta hal
lofðungs kominn á völlu.

Skoða...

24.
Ríman

Hafinn er leikur en halurinn keikur
að höldum gerði venda
fremdar mann að fyrir þeim vann
fríðan knött að henda.

Skoða...

25.
Ríman

Þrisvar ber en þegna hver
þetta létu ganga
Landrés skal segir lýða val
lotning vora fanga.

Skoða...

26.
Ríman

Öfundar fylldur og illsku trylldur
augum lítur þetta
Landrés bræður lymsku skæður
lætur höggið detta.

Skoða...

27.
Ríman

Hann minnist á hvað menja Ná
mætan garpinn reitti
stála Þund með stæltri mund
stóran pústurinn veitti.

Skoða...

28.
Ríman

Ríkur og kyrr að rekkurinn spyr
ræsis arfi hinn mæti
því fær högg svo harla snögg
halurinn kesju gæti.

Skoða...

29.
Ríman

Varð hann pín fyrir vélar sín
víst af garpi að þiggja
hausinn lestur en halurinn verstur
hlaut á jörðu liggja.

Skoða...

30.
Ríman

Mílon leit þann mikla smeit
er Malandrem kom til handa
Roðberts niður bað ræsis lið
riddarann færa til banda.

Skoða...

31.
Ríman

Flærðar trúður finnst eigi prúður
fylki kvaddi orðum
lauka Gná vill lymska þá
er ló hann af ríki forðum.

Skoða...

32.
Ríman

Yðvarn kund með illri lund
enn talar hann af harmi
pústurinn slær og plagar svo nær
pútu sonurinn armi.

Skoða...

33.
Ríman

Rekið í stað að ræsir kvað
hratt fyrir lyndið grimma
fjötur og streng á fólsku dreng
og færið í rannið dimma.

Skoða...

34.
Ríman

Hetjum líkur að hilmir víkur
halur er sorgir skeina
talaði reiður tjörgu meiður
trúi ég svo hróðurinn greina.

Skoða...

35.
Ríman

Guðsson veit ef gumna sveit
gerir mér ekki að hlífa
skal ég af þér kvað skjalda grér
skeggið burtu rífa.

Skoða...

36.
Ríman

Óttinn stóð sem inni ég þjóð
af ungum geymi ríta
gerist sem eldr en grimmdin veldur
gramsson frægur að líta.

Skoða...

37.
Ríman

Essið fann sá æru kann
öðlings niður hinn harði
stála Tý frá ég stefna úr bý
að stoltum vífsins garði.

Skoða...

38.
Ríman

Lauka hlíð í lyndi blíð
lofðungs arfa fagnar
segir hann þá sem sannast frá
að sorgir heldur magnar.

Skoða...

39.
Ríman

Bauga lund hið blíða sprund
býður hjálp að veita
göfugur mann er giftu vann
gerði þessu að neita.

Skoða...

40.
Ríman

Bráðlega skal frá brúðar sal
burt á merkur að ríða
skaða af mér kvað skjalda grér
skaltu engan bíða.

Skoða...

41.
Ríman

Grætur nú hin göfga frú
geymir frænings vallar
boga tók sinn frá bauga Linn
burt og örvar allar.

Skoða...

42.
Ríman

Góðlegt ess hefur geymir hers
og gylltan söðul með reiða
falda Rist nam fylgja tvist
fram á skóginn breiða.

Skoða...

43.
Ríman

Herrann burt með heiður og kurt
hleypti á skóginn víða
spjóta Týr er spakur og hýr
sparir þá ekki að ríða.

Skoða...

44.
Ríman

Auðnu sterkur út á merkur
öðling ferðum skundar
kóngsins niðurinn kemur ei viður
kappann neinn til fundar.

Skoða...

45.
Ríman

Fleina Týr nam fugla og dýr
furðu oft að skjóta
þó eru mein á marga grein
hann má þess ekki að njóta.

Skoða...

46.
Ríman

Epli og hnetur sem innir letur
af eikum frá ég hann hendi
randa viður röskur og sviður
rauna nógra kenndi.

Skoða...

47.
Ríman

Fær nú hungur fylkir ungur
fári spenntur á skógi
öðlings hlýtur arfi nýtur
illt af drengja rógi.

Skoða...

48.
Ríman

Syngur þrátt með sæmdar mátt
sveigir fofnis stétta
hann biður sér Krist með blíðri list
að bæta angrið þetta.

Skoða...

49.
Ríman

Mörk var stór þar mætur fór
meiðir öglis fitja
dverga fann sá dáðir vann
í dýru rjóðri að sitja.

Skoða...

50.
Ríman

Fýsist garpur framur og snarpur
að finna örva rjóða
tvennar var sem tjáði ég þar
tylftir þessara þjóða.

Skoða...

51.
Ríman

Gerist nú móður og geysi hljóður
greiðir nöðru palla
sér þá þegn með sæmdar megn
sitja að kosti alla.

Skoða...

52.
Ríman

Hölda dúkur er harla mjúkur
þeir hafa á milli handa
vella grér einn vínpott sér
vænan hjá þeim standa.

Skoða...

53.
Ríman

Skýri ég það hann skyndi af glað
skreytir frænings síka
hreysti mann er höndla vann
happa gripuna slíka.

Skoða...

54.
Ríman

Setti í skóg með sæmdar plóg
sviptir Fjölnis tjalda
Úri hyggur ógnar styggur
eftir honum að halda.

Skoða...

55.
Ríman

Suðri vann fyrir sæmdar mann
að sínum bróður víkja
grípi ég á sem greina má
garpurinn þessum líka.

Skoða...

56.
Ríman

Siklings nið trúi ég sæmd og frið
svinnum beri að hljóta
ég bið þegn með ágætt megn
allvel þessa að njóta.

Skoða...

57.
Ríman

Vestri hlýtur vísir nýtur
fyrir vænum slíkt að glósa
drykk og vist með dýri list
döglings má nú kjósa.

Skoða...

58.
Ríman

Mun hann í dag með máttar plag
móður sína finna
hungur og stríð þolir harla fríð
Hrundin beðja linna.

Skoða...

59.
Ríman

Sætan klár er sjö hefur ár
setið í myrku ranni
þorna Lín hefur þessa pín
þýðust fjarri sanni.

Skoða...

60.
Ríman

Þaðan á leið að þegninn reið
þungu gleymir stríði
hann tignar Krist með tungu list
tiggja arfinn fríði.

Skoða...

61.
Ríman

Fylkir ríður furðu blíður
fram með brjósti hreinu
kesju Yggur kænn og dyggur
kemur að húsi einu.

Skoða...

62.
Ríman

Öðling kyrr nam engar dyr
á þeim múr að finna
fleina grér að fugl einn sér
fyrðum vil ég það inna.

Skoða...

63.
Ríman

Hljóðið sætt og harla mætt
heyrði mýgir ríta
fugl einn söng yfir falda spöng
fagur sem gull að líta.

Skoða...

64.
Ríman

Fýsti þann er frægðir vann
að fífan skyldi nista
hann réð brátt með heiðurs mátt
á himni uppi að gista.

Skoða...

65.
Ríman

Inn í múr til ítrar frúr
skaut eyðir nöðru fanna
broddurinn kemur og brjóstið nemur
beint á vænum svanna.

Skoða...

66.
Ríman

Siklings þjóð með sárum móð
setti múrinn þröngvan
skarlats láð fékk skeyti náð
og skaða beið af því engan.

Skoða...

67.
Ríman

Lengi ég má ei lifa hér þá
kvað lindin frænings grjóta
vilja mig nú segir vitrust frú
virðar örvum skjóta.

Skoða...

68.
Ríman

Hratt í stað sem heyrði það
hugði þangað stefna
finnur tré sá frægð nam ske
er fyrðar laureo nefna.

Skoða...

69.
Ríman

Tignar mann það telgja vann
tjáð er slíkt í kvæði
buðlung kyrr fékk brotið sér dýr
en brugðið sút og mæði.

Skoða...

70.
Ríman

Kemur í múr til klénnar frúr
kurteis arfi tiggja
orma kind hjá auðar lind
ítri sá hann þar liggja.

Skoða...

71.
Ríman

Öðlings niður einkar fríður
orma vildi skjóta
banna ég það er brúðurin kvað
beiði ofnis grjóta.

Skoða...

72.
Ríman

Kallar sprund með kátri lund
er kappann sér hún þennan
Hugons af drótt segir hringa Þrótt
halur þó ég egi kenna.

Skoða...

73.
Ríman

Ef lifir sá þegn með listar megn
Landrés segi ég hann heita
heiðurs mann þú heilsa þann
hringa lund hinn teita.

Skoða...

74.
Ríman

Darra Týr réð dyggur og skýr
að dylja þessa varla
lauka Gná mig Landrés má
ljós að nafni kalla.

Skoða...

75.
Ríman

Afreks maður réð ansa glaður
ei með fals né pretta
Hugons er kundur hjörva lundur
hringþöll gleðst við þetta.

Skoða...

76.
Ríman

Gakk þú nú kvað göfgust frú
gulls að ríkri Hrundu
brún var þín með beiskri pín
brotin á múr fyrir stundu.

Skoða...

77.
Niðurlag

Fagnar víf með fremdar líf
fylkis nið hinum blíða
Boðnar foss um bauga Hnoss
burt mun verða líða.

Skoða...

Landrés rímur, 7. ríma

næsta ríma >>