Karel

Jóns rímur leiksveins — 1. ríma

— Óþekktur höfundur

Lemmata | Textatengsl
umgjörð ríman

1.
Formáli

Blés á fyrða silki Sjöfn
sætum ástar anda,
því mun ég fýsast Durnis dröfn
dýrri snót að blanda.

Skoða...

2.
Formáli

Mín hafa augun eina séð
Unni grettis landa,
þeirri er allri lista léð
lindi frænings granda.

Skoða...

3.
Formáli

Svo ber ljósust lauka fold
langt af öllum fljóðum,
sem þá dreift er dökkri mold
dals hjá vagna slóðum.

Skoða...

4.
Formáli

Linns er hár á landa Eir
líkast hlýrnis hjóli,
liðast það allt sem lækir þeir
er leika úr nöðru bóli.

Skoða...

5.
Formáli

Láti björk sín brúna hjól
baugs á eitthvað skína,
þá er það líkt sem leiftur af sól
og logi með geisla sína.

Skoða...

6.
Formáli

Drósar verður ei drengjum innt
dygð til sinna láta,
hörundið mjúkt og harla lint
heitt í allan máta.

Skoða...

7.
Formáli

Hefur sá mesta heimsins náð
er hennar elsku kennir,
löngu það allt þó liðið sé áður,
er líneik örmum spennir.

Skoða...

8.
Formáli

Skepnan hvor ef skarlats grund
skýr vill nærri ganga,
ber þá lykt af frúinnar fund
að fyllist ilms og anga.

Skoða...

9.
Formáli

Hár sem átti haukar tveir
höldum urðu að angri,
mig hafa festan fuglar þeir
fyrr með hugsan langri.

Skoða...

10.
Formáli

Mitt tekur hjarta ástar eldur
allmjög sundur brenna,
drósar fæ ég ei dygð að heldur,
drjúg því sorg mun spenna.

Skoða...

11.
Formáli

Fastlega vill mig flæðár rein
ferskum örmum spenna
yndis hót og afmors grein
allt tók saman að renna.

Skoða...

12.
Formáli

Fríða má ég ei falda lind
finna þó ég vilda,
hef ég ást í Ímu vind
enn á refla Hildi.

Skoða...

13.
Formáli

Ýtum fengust örlög stríð,
ei var hægt að forða,
þess hafa goldið geysi fríð
garpur og hringa skorða.

Skoða...

14.
Formáli

Rénar mér fyrir refla þöll
rækt og ástin heita,
skal ég því helst í hljóða höll
hefta girndar sveita.

Skoða...

15.
Ríman

Friggjar tára fleygi þundur
fyrir Danmörk nam ráða,
einn var herrans ættar lundur
úlfi gjarn til bráða.

Skoða...

16.
Ríman

Stillis son var sterkur og vænn
studdur af listum öllum,
hverjum betur á hesti kænn
hringa lundi snjöllum.

Skoða...

17.
Ríman

Því var líkast hörund og hár
hringa njóts að líta,
sem þar glóaði Gefnar tár
greypt yfir lilju hvíta.

Skoða...

18.
Ríman

Jón hefur vanist við hjálta hlýr
hlífar brots af móði,
skíða ferð og skjóta dýr
og skemmta sér á flóði.

Skoða...

19.
Ríman

Kóngurinn býst þá veislu við
og velur til drengi þýða,
ræsir vill sinn röskva nið
riddara nafni prýða.

Skoða...

20.
Ríman

Drengir sóttu dreifi máls
Dumbs á nefndri stundu,
hver var hreytir bylgju báls
búinn með ofnis grundu.

Skoða...

21.
Ríman

Jón var leiddur í háva höll
huldur vænu pelli,
glóar það allt með grafnings völl
og greipar hvítu svelli.

Skoða...

22.
Ríman

Skatnar gera með skjóma sól
skrýða arminn hreina,
logar hún öll sem linna ból
lögð með fjölda steina.

Skoða...

23.
Ríman

Þeim var hrotta jörð ei jafn
Jón sem bar í hendi,
ræsir gaf þá riddara nafn
Rögnis orða sendi.

Skoða...

24.
Ríman

Þar var söðlað þriflegt ess,
því skal Jón út ríða,
lýðir hafa ei líka þess
lítið í heimi víða.

Skoða...

25.
Ríman

Strengdi síðan sterkan eið
stýrir Hrungnis skíða:
„hvergi skal mín heftast leið,
hvert er ég vil ríða".

Skoða...

26.
Ríman

Riddarinn sprang á reiðar dýr,
hann réð sitt spjót að þrífa,
garpur þegar frá gumnum snýr
gjarn á skemmtan vífa.

Skoða...

27.
Ríman

Essið flýtir ferð í nóg
fimt með Jón að renna,
spyrnir við og springur á skóg,
sporarnir síðu kenna.

Skoða...

28.
Ríman

Branda hvessi með bitla vargur
breiða mörk nam stíga,
viðurinn gerði geysi margur
grams að brúnum hníga.

Skoða...

29.
Ríman

Má fyrir skýrum skjalda lund
skógur ei ferðir stemma,
kemur þá vells á víða grund
vimur um morgun snemma.

Skoða...

30.
Ríman

Halurinn lítur háfa borg
hulda sterkum múrum,
glóar hún öll af grettis torg
og Gefnar fögrum skúrum.

Skoða...

31.
Ríman

Voru á porti vænar dyr
varðar linna leiði,
en fyrir innan ekki kyrr
Jörmungandur hinn reiði.

Skoða...

32.
Ríman

Garpurinn lítur grimman orm
og girnist fram að ríða,
djarfur að vekja darra storm
dals við fiskinn stríða.

Skoða...

33.
Ríman

Því var líkast þetta undur,
þá tók naður að amra,
sem þar hristi björg í sundur
eða brim við stóra hamra.

Skoða...

34.
Ríman

Grettis opnast góma naust,
gaus úr fossinn strangi,
ferleg þótti frænings raust
fold var öll á gangi.

Skoða...

35.
Ríman

Kappinn átti knálegt spjót
og keyrði í ormsins hjarta,
ofnir blés svo eitri í mót,
alla láð gerði svarta.

Skoða...

36.
Ríman

Eitrið hefur ei afl til þess
öðling lífs að synja,
riddarans drapst þar dýrlegt ess,
drafnar skjöldur og brynja.

Skoða...

37.
Ríman

Þessari borg réð þengill ríkur,
það vil ég fyrðum skýra,
vísir fannst þar varla slíkur
virða átti hann dýra.

Skoða...

38.
Ríman

Árla stofnar langan leik
lofðungs drótt hin snarpa,
tiggi upp í turna veik
með trausta sína garpa.

Skoða...

39.
Ríman

Ýtar gleðja þengil þann,
þeim nam gleði að vaxa,
niflung spyr, hver naðurinn þann
nistir gýgjar Faxa.

Skoða...

40.
Ríman

Lífið missti Þjóttu þvengur
þá nam gnýr að falla,
kappinn heim til hallar gengur
að hitta garpa snjalla.

Skoða...

41.
Ríman

Vísir gengur garp á mót
glaður með sína lýði,
heilsar fyrri bylgju brjót
bríkar trölls með prýði.

Skoða...

42.
Ríman

Það mun framlegt frægðar verk
fyrnast aldrei í heimi,
meðan að heil er hölda kverk
og hnígur að löndum geimi.

Skoða...

43.
Ríman

Leiddi gramur í háva höll
hreyti fofnis skíða,
milding hirðin mektar öll
og margs kyns veraldar blíða.

Skoða...

44.
Ríman

Vísir setti seima Njörð
sér til hægri handar,
húsið prýðir hagleg gjörð
og hreinir fofnis brandar.

Skoða...

45.
Ríman

Öðling biður þá alla drótt
Jóni sæmdir veita,
„þeim skal höfuð af hálsi skjótt
er honum vill styggðar leita".

Skoða...

46.
Ríman

Hilmis kvon í höllina gekk
og heilsar vænum stilli,
þar með kvaddi hún þennan rekk,
þar var skammt í milli.

Skoða...

47.
Ríman

Settist niður hjá siklings sprund,
sú var skrýdd með baugum,
silkið huldi hvarma grund,
hrundu tár af augum.

Skoða...

48.
Ríman

Fyrir brúði komu bragnar tveir,
báru kyrtla græna,
augað höfðu annað þeir
og ásján harla væna.

Skoða...

49.
Ríman

Þeim lá diskur um hauka hrauður
og höfuð á eitt af manni,
sá var lestir löngu dauður
lauks er sýtti svanni.

Skoða...

50.
Ríman

Stóðu þeir fyrir bauga brík
báðir stund mjög langa,
sárlega grætur sætan rík,
síðan í burtu ganga.

Skoða...

51.
Ríman

„Komi hér dygðug dóttir mín,
dögling talar við rekka,
nú skal grafnings grundar Lín
gefa oss sjálf að drekka".

Skoða...

52.
Ríman

Kappar fundu kæru brátt
og kvöddu jómfrú fríða
„bú þig Dellings deilu gátt
döglings höll að prýða".

Skoða...

53.
Ríman

Guðvef klæddist gullhlaðs Rist
og göfgum orma slóðum,
gengur svo með gleði og list
grund fyrir sínum fljóðum.

Skoða...

54.
Ríman

Frú nam hitta ferskar dyr,
fríður er þessi svanni,
var því líkt sem leiftur af hyr
léki í kóngsins ranni.

Skoða...

55.
Ríman

Þengil kvaddi þorna grund,
þar með alla drengi,
ferðin horfði fögur á sprund,
fyrr sá slíka engi.

Skoða...

56.
Ríman

Af gulli tekur hún glæsta skál
og gefur á vínið skæra,
ristill gerði Rínar bál
ríkum kóngi að færa.

Skoða...

57.
Ríman

Hilmir kennir horna sund,
hafa þeir vör svo vota,
ýtum skenkir auðar grund,
svo alla hirð gerir káta.

Skoða...

58.
Niðurlag

Gekk að Jóni geðleg frú
og gaf honum vínið hvíta;
þar mun ég hætta hróðri nú,
hann náir sprund að líta.

Skoða...

Jóns rímur leiksveins, 1. ríma

næsta ríma >>