Karel

Geðraunir — 11. ríma

— Óþekktur höfundur

Lemmata | Textatengsl
umgjörð ríman

1.
Formáli

Fróðan ætla ég Fundings bát
fram að setja
þeygi gerir mig þjóðin kát
þessa að letja.

Skoða...

2.
Formáli

Hörmulegt var hann hristi í sundur
hróðrar báru
áður en greinist fyrða fundur
er frægir voru.

Skoða...

3.
Ríman

Garpar komu í Grikkland þeir
er gullskorð sendi
fljótlega Hringur og falda Eir
fyrða kenndi.

Skoða...

4.
Ríman

Frétti Hringur og falda gátt
af ferðum Tryggva
sendimenn þeir sögðu fátt
og setti hryggva.

Skoða...

5.
Ríman

Vísir mælti víst eruð þér
í svörunum seinir
þér skuluð inna einum mér
allar greinir.

Skoða...

6.
Ríman

Skatnar gera sem skjöldung bauð
með skýru spjalli
sögðu þá með sút og nauð
af siklings falli.

Skoða...

7.
Ríman

Veglegt treysti vífið þér
fyrir vingan forna
til þess mest að tjá fyrir sér
hin tiginborna.

Skoða...

8.
Ríman

Ræsir sagðist fremdar fylldur
fús að efna
ég skal bæði boðinn og skyldur
bragnings hefna.

Skoða...

9.
Ríman

Síðan réð hann svartri voð
að sveipa klæði
ræsir gekk að finna fljóð
og fékk hún mæði.

Skoða...

10.
Ríman

Bráðlega spurði bauga Lín
sem brjóst má kenna
hvað segir buðlung breynni þín
um búning þennan.

Skoða...

11.
Ríman

Tigins munum vér Tryggva dauða
tjá fyrir sprundi
brúði setti bleika og rauða
en brjóstið stundi.

Skoða...

12.
Ríman

Yður mun eigi dylja dælt
er dögling sagði
auðgrund gat þá ekki mælt
að öðru bragði.

Skoða...

13.
Ríman

Ágæt brúðurin að né drakk
aldrei síðan
hitt er sagt að hringþöll sprakk
fyrir harminn stríðan.

Skoða...

14.
Ríman

Svo var öðlings ástin sterk
við auðar Þrúði
aldrei skildi á orð né verk
jöfur og brúði.

Skoða...

15.
Ríman

Hér fyrir þagnar þjóðin öll
og þar með tiggi
síðan frá ég að hirð í höll
með harmi liggi.

Skoða...

16.
Ríman

Þegar að harmur af ræsi renn
hann réð svo greina
lengi vita hér lofðungs menn
til ljótra meina.

Skoða...

17.
Ríman

Auðar Nár var útferð ger
með allan blóma
ýtum gefur hann orma sker
við ærinn sóma.

Skoða...

18.
Ríman

Stillir bað þá sterka menn
til strandar ganga
færðu upp segl og féll í vind
við för svo langa.

Skoða...

19.
Ríman

Nú mun lýsast lofðungs kraftr
við leyfða bragna
svo kemur hann í Saxland aftur
að seggir fagna.

Skoða...

20.
Ríman

Bragning gengur á Brynhildar fund
en blíður er svanni
vilji þér nokkuð gullhlaðs grundin
giftast manni.

Skoða...

21.
Ríman

Mælti þetta menja Gná
en meinin þverra
getur það hver er girnist á
minn góði herra.

Skoða...

22.
Ríman

Gleðinnar er mér genginn dægru
og gerir mig hryggva
nema þú heitir hilmir frægur
að hefna Tryggva.

Skoða...

23.
Ríman

Dreptu Eirek darra Þundur
og drengi flesta
má þá síðan menja lundur
mig vel festa.

Skoða...

24.
Ríman

Standa skal ég kvað stála Þundur
á sterkum orðum
man ég það glöggt við menja lundur
mæltum forðum.

Skoða...

25.
Ríman

Vífið sagði virða og skeiður
vera til reiða
auð og sæmd og allan heiður
er orð kann beiða.

Skoða...

26.
Ríman

Milding hefur á mörgu völ
um mengið svinna
vill hann enga eiga dvöl
Eirek finna.

Skoða...

27.
Ríman

Þegnar búa til þrettán skeiður
og þriflegt mengi
sérlega var þá sikling reiður
og sefaði engi.

Skoða...

28.
Ríman

Eirek hafði ekki spurt
til öðlings ferða
herjaði þegar hann hljóp í burt
sem hermt un verða.

Skoða...

29.
Ríman

Úti liggur Eireks þjóð
í Eyrarsundi
greinum brátt ef gefst til hljóð
af geira fundi.

Skoða...

30.
Ríman

Eirek lítur öðlings þjóð
með ólmri þykkju
kóngsins gall við klukku hljóð
er kom frá drykkju.

Skoða...

31.
Ríman

Garpurinn kvaddi gumna stýri
góðum orðum
keisari varstu kappinn dýri
fremstur forðum.

Skoða...

32.
Ríman

Þér mun engi lofðung líkur
lifandi í heimi
hér með ertu ræsir ríkur
að rauðum seimi.

Skoða...

33.
Ríman

Gramsson muntu oss grimmur og reiður
af geira hjaldri
milding býð ég mestan heiður
málma Baldri.

Skoða...

34.
Ríman

Fullar hefur ég fimmtán skeiður
Fofnis sveita
sikling ger fyrir sjálfs þíns heiður
og sátt ei neita.

Skoða...

35.
Ríman

Stillir skaltu ei stofna þér
til stórra nauða
bræðralag vil ég bjóða þér
og blómann rauða.

Skoða...

36.
Ríman

Þú hefur gert við gumna svik
kvað geymi sverða
tryggðrofi þinn hefur tældan mig
sem tjáð mun verða.

Skoða...

37.
Ríman

Sikling hefur þú svikið og fellt
sem þér trúði
Eirek hefur þú oftlega hrellt
öðlings brúði.

Skoða...

38.
Ríman

Bræðralag hef ég bundið fast
við buðlung þennan
því skal hjör í heila past
á höldum renna.

Skoða...

39.
Ríman

Buðlung kveðst ei birta allt
hvað bæri á milli
hefur þú spurt að sprundið sprakk
fyrir ríkan stilli.

Skoða...

40.
Ríman

Þó engi væri önnur sök
við Eirek illa
grimmleg skyldi geira skök
griðunum spilla.

Skoða...

41.
Ríman

Verra kýs þú vísir þér
kvað vigra bendir
flokkur sá sem fylgir mér
fleina sendir.

Skoða...

42.
Ríman

Af Kúrlandi hef ég kappa tólf
er kunna að skeina
seggir þessir senda kólf
en sjaldan kveina.

Skoða...

43.
Ríman

Rekkar mínir rjóða fal
og rómu heyja
svo er að heyra hölda tal
sem hundar geyja.

Skoða...

44.
Ríman

Sterkir menn þeir standa fast
í stála hjaldri
bragnar æsa brodda kast
en brynjast aldrei.

Skoða...

45.
Ríman

Milding segi að móðurinn vex
af mínum heitum
hér hef ég buðlung bræður sex
af Blálands sveitum.

Skoða...

46.
Ríman

Ýtar veita engan frið
óvinum mínum
traustir rífa tiggja lið
með tönnum sínum.

Skoða...

47.
Ríman

Þeir belja upp í branda þátt
sem birnir sveltir
rétt sem veini vargar hátt
eða villigeltir

Skoða...

48.
Ríman

Seggir vorir súpa blóð
en sjóða aldrei
drengir eyða döglings þjóð
með dökkum galdri.

Skoða...

49.
Ríman

Stillir segir að standi fátt
við sterkum mönnum
nagla sinna neyta þrátt
og nísta tönnum.

Skoða...

50.
Ríman

Kappar mínir kosta megn
en klumbur hnýja
drepa svo margan döglings þegn
en dróttir flýja.

Skoða...

51.
Ríman

Vísir segi ég að vínið nóg
til vífsins bjarta
ef þig fýsir fleina róg
við flokkinn svarta.

Skoða...

52.
Ríman

Ef buðlung æsir branda þraut
með brögnum sínum
Hringur kemst ei heill á braut
úr höndum mínum.

Skoða...

53.
Ríman

Þengill hafði þagað um stund
og þjóðin snjalla
allir heyrðu á eina lund
Eirek spjalla.

Skoða...

54.
Ríman

Ekki gefum vér ansa á mót
orðum þínum
rekkar mínir rjóða spjót
með rammleik sínum.

Skoða...

55.
Ríman

Nóga segir þú dáð og dug
í drengjum þínum
skrafar þú ekki skræfan hug
úr skötnum mínum.

Skoða...

56.
Ríman

Tel ég það rétt sem tóma baun
þú tekur úr skógi
gefa þeir aldrei góða raun
í geira rógi.

Skoða...

57.
Ríman

Rekkar ætla að rýfa grið
á rúmu lægi
garpar Eireks grenja við
svo glymur í ægi.

Skoða...

58.
Ríman

Seggir veita sjóla lið
með sverðum breiðum
berserkirnir bregða við
svo brakar í skeiðum.

Skoða...

59.
Niðurlag

Ef brúðurin vill af bestings mögur
bragsmíð kaupa
Týrs skal allur tanna lögur
úr tunnu hlaupa.

Skoða...

Geðraunir, 11. ríma

næsta ríma >>