Karel

Háttatal — 2. ríma

— Sveinbjörn Beinteinsson

Lemmata | Textatengsl
umgjörð ríman

51.
Formáli

Ef að tími vildi vinnast
verður nóg til braga.
Skal þá fyrst í máli minnast
margra góðra daga.

Skoða...

52.
Ríman

Sumardagur sólarfagur
söngvaraddir vakti
samdist bragur, hugur hagur
háttaþræði rakti.

Skoða...

53.
Ríman

Ljósar myndir, ljúfast yndi,
líf í æðum glæða.
Mitt varð lyndi fleygt, sem fyndi
fögnuð gæða-kvæða.

Skoða...

54.
Ríman

Ljóð á vör að léttum svörum
léku, spör á trega.
Hættuför með hróðri snörum
heppnast örugglega.

Skoða...

55.
Ríman

Foldar angan ferðalangi
færði unun góða.
Nam ég lönd á norðurströndum
nýrri tíðar ljóða.

Skoða...

56.
Ríman

Grösug hlíð, með gagn og prýði,
gleði bjó mér nóga
þá var bjart hjá brekkuskarti,
blómskrúð hló í móa.

Skoða...

57.
Ríman

Þar ég mærð í málið færði
menntir lærði að vanda.
Fornir þættir, fagrir hættir
frjálsan kættu anda.

Skoða...

58.
Ríman

Kom þá haust og hlíða prýðin
hvarf í fannir anna.
Mátti stundum stríða hríðin
stefin þannig banna.

Skoða...

59.
Ríman

Þegar aftur undan klaka
andans hlíðar leysast,
lífsins krafta læt ég vaka
ljóð úr skorðum geysast.

Skoða...

60.
Ríman

Eigi kvíðir ungur hugur.
Enn mun hríðin dvína.
Ver í stríði stefjadugur
stuðlaprýði sína.

Skoða...

61.
Ríman

Kvæða létu þrotinn þáttinn
þreyttar hendur falla,
glæða skyldi hróðrar háttinn
hyggjan vizkusnjalla.

Skoða...

62.
Ríman

Heyra vildi sannar sögur
sveitin glaðra þegna.
Meira gildi fræði fögur
fengu rímsins vegna.

Skoða...

63.
Ríman

Mætur granni frera-fjalla
flytur sögu nýta.
Lætur þannig orðsnilld alla
óðar-lögum hlíta:

Skoða...

64.
Ríman

Unnu forðum löndin lýðir
lengi sunnan farnir.
Runnu norður straumar stríðir,
stukku þunnar varnir.

Skoða...

65.
Ríman

Víðar lendur áttu endur
ýmsar vaskar þjóðir.
Stríðar hendur felldu fjendur,
fagrar vörðu slóðir.

Skoða...

66.
Ríman

Norðar héruð ágæt eru
yndir blíðu kafin.
Storðar verin góðu greru
grænni prýði vafin.

Skoða...

67.
Ríman

Norður lengi mjakast mengi.
Minnkar gróður óðum.
Skorður þrengri virðist vengi
vöskum bjóða þjóðum.

Skoða...

68.
Ríman

Veldur flótta dreifðra drótta
dirfsku gnóttin stinna.
Heldur þótti auka ótta
ægur þróttur hinna.

Skoða...

69.
Ríman

Sættir betur margir meta.
Mildast hretin geira.
Ættir vanda bitnar blandast.
Byggist landið meira.

Skoða...

70.
Ríman

Bíða mærðir, foldin fanna
fríða geymir hætti.
Blíða heyra sveitin svanna
síðar bragi ætti.

Skoða...

Háttatal, 2. ríma

næsta ríma >>