Karel

Rímur af Andra jarli — 14. ríma

Lemmata | Textatengsl
umgjörð ríman

1.
Formáli

Á Andra rímur endahnút
einhver reka skyldi,
og skálds með vímur œra út,
af honum Grími boðnar lút.

Skoða...

2.
Formáli

Skáld ef vildi leggja lið
ljóðum hér vantandi,
yrði snilldar orða klið,
at fordildar bragar smið.

Skoða...

3.
Formáli

Skáldin nýju – veit eg – vart
vilja um þetta efni,
sýnast fríast óðar art,
eða drýgja mærðar skart.

Skoða...

4.
Formáli

Trölls að vanda tíðir þær
trú’ jeg vart þeim þyki,
það er standi þeirra fjær,
því að andinn hærra nær.

Skoða...

5.
Formáli

Nú vill enginn ýta hér
Andra fjölga rímum,
jeg til fenginn var, því ver,
að vesæll drengur til þess er.

Skoða...

6.
Formáli

Efnis dregið orða prjál,
öldum kann ei sýna,
þótt eg hnegi brag í brjál,
bjagast eigi heilagt mál.

Skoða...

7.
Formáli

Mín ei hjalast mærðin hög,
menn skal enga hnjóða,
viðris sala vantar lög,
vanda skal ei kvæðin mjög.

Skoða...

8.
Formáli

Klasturs bætt þó bjóði hér
brögnum kvœða smíði,
ekki í hœttu hundrað er,
hróðrar þvætting fyrir mér.

Skoða...

9.
Formáli

Mynda’ eg djarfan mönnum óð,
með gáleysi stöku,
kífs um starfa kynja þjóð,
kveða þarf í jötunmóð.

Skoða...

10.
Formáli

Ef að segja satt skal lýð,
svona því á stendur,
vers um hnegja virða stríð,
verð eg feginn drifa tíð.

Skoða...

11.
Formáli

Það er von að valla hér
vísna söngur láti,
því margs konar böl frá ber,
bifurs sona drykkju mér.

Skoða...

12.
Formáli

Bið eg gefni guðvefjar,
góð ei ljóð forsmái,
fram þó stefni mönduls mar,
minn að efni sögunnar.

Skoða...

13.
Formáli

Er min bón, að öldin svinn
undir syngi meðan,
birtu lóna bólm eg minn,
berserks tóna pistilinn.

Skoða...

14.
Ríman

Áður hróður bilun bar,
bragnar þagni’ og hlýði,
sem Andra-móðir unnin var,
og á glóðum brunnin þar.

Skoða...

15.
Ríman

Höldar kanna helli þá,
hrúguðu drjúgu gjaldi,
fundu rann í bergið blá,
brutu’ upp þann, og inn þar gá.

Skoða...

16.
Ríman

Fofnis bólið fundu þar,
í flýtir líta meyju,
sat á stóli gullhlaðs gná,
gnóðar sólu fegri’ að sjá.

Skoða...

17.
Ríman

Sáran ekka baugskorð bar,
en býður lýðum þokka,
strengd með hlekkjum hörðu var
hún við bekkinn niður þar.

Skoða...

18.
Ríman

Hjuggu rekkar fjötur frá
falda valdri linu,
Högni gekk að nistis ná,
nafni þekku spyr að þá.

Skoða...

19.
Ríman

Brosleit varð þó bæri móð,
blíð kvaðst Fríður heita,
Kænugarða konungs jóð,
Kolbeins harða, nefnist fljóð.

Skoða...

20.
Ríman

Spurði óbrelldur Helgi bert,
hýra víra nönnu:
„hverju veldur að þú ert,
angri seld og böndum hert?“

Skoða...

21.
Ríman

Kæran svarar kurteislig:
„kellan, mella Andra,
með hamfari hreyfði sig,
og hingað snarast flutti mig.

Skoða...

22.
Ríman

Blóti fyllda bríslan óð
bauð mér auð í mægðum,
það ei vildi’ eg þrungin móð,
Þrándar skyldi' eg. verða fljóð.

Skoða...

23.
Ríman

Ei mun spillast aðferð sú,
ekkert blekkir skessu,
til þess vill mér nauðga nú,
neyðin kvillar sinnu bú.

Skoða...

24.
Ríman

Helgi bráður hjal gaf til,
hels þig frelsum dróma;
þó með dáðum það áskil,
þínum ráða kosti vil.

Skoða...

25.
Ríman

Óttast þú ei skemmdar skauð,
skrafaði stafur vopna,
hann er flúinn hels í nauð,
hans er nú og mellan dauð.

Skoða...

26.
Ríman

Hans ættbaðma höggin stinn
hafa kafið niður,
hlýan faðma fær ei þinn
flötinn mjaðma nýsprottinn.

Skoða...

27.
Ríman

Gríðar valdi frelsuð frá,
fríast því skal lýsar
yðar valdi vil eg á,
vera, falda sagði gná.

Skoða...

28.
Ríman

Brynjuð þjóðin skjót með skil,
skeiðaði leiðir burtu,
meður fljóð og unnar yl,
ofan tróðu strandar til.

Skoða...

29.
Ríman

Burtu hresstir búast þá,
bragnar gagn-auðugir;
strax landfestum lausa frá,
lægis hesta boðar slá.

Skoða...

30.
Ríman

Vindur hraðla flutti far
fram á glamma strindi,
súða vaðlar suðu þar,
sungu kaðlar vísundar.

Skoða...

31.
Ríman

Aldrei gerir öldin bið,
unz að grunnsæ kenna,
mastra hérum lífað lið,
lenti skerin Elfar við.

Skoða...

32.
Ríman

Lýðir slingir litu í svip
ljóta þrjóta fyrir,
sex vikinga voru skip,
vön að þinga fjárins grip.

Skoða...

33.
Ríman

Sóttu í glett að sveitinne,
sagðir Agða makar;
Högni fréttir, hver þar sé?
hrumnir grettur ansaðe:

Skoða...

34.
Ríman

Eg um græði yfirboð
á og Þráinn heiti;
meður skæðir viðris voð,
við erum bræður þrir á gnoð.

Skoða...

35.
Ríman

Hildargjörnu heimsálfur,
hlýrar dýrir kanna,
jafnir að vörn sem jeg sjálfur,
Jötunbjörn og Finuálfur.

Skoða...

36.
Ríman

Við órýrir styrs við stjá,
stífu kífi ráðum,
Kolbeins hlýra kalla má,
Kænu– stýrir –garði sá.

Skoða...

37.
Ríman

Þaðan fljótt á mastra mar,
mætrar sætu leitum;
brott um nótt úr beði þar
buðlungs dóttur stolið var.

Skoða...

38.
Ríman

En, hvaða nafnið hefir þú?
halur galar trylldi,
nú skal hafna friði’ og frú,
ef felur drafnar loga brú.

Skoða...

39.
Ríman

Hirðir branda hraustur tér:
hér á veri síla,
son Héranda Högna sér,
hlökk er banda geymd hjá mér.

Skoða...

40.
Ríman

Minn fóstbróðir frækni hér,
félgar Helgi vígum,
hárs sá glóðir hallar ber,
hlífa þjóðum valla fer.

Skoða...

41.
Ríman

Herrauð sérð og hlýra minn,
í hildar, gildan, voðum,
þér mun verða þungleikinn,
þinn og skerða heiðurinn.

Skoða...

42.
Ríman

Hirti vengis einum á,
unnar sunnu bjóður,
hafði drengi hitt um lá,
hraustu mengi réði sá.

Skoða...

43.
Ríman

Gamanið stirðnar görpum hjá,
grimmdar dimmdi’ að eli,
berserkirnir belja þá,
beima fyrnar röddin há.

Skoða...

44.
Ríman

Eggjaði Högni eptir það,
ýta nýta sína,
skjóma gögnum skundið að,
skyrtur rögnis slíta bað.

Skoða...

45.
Ríman

Sér í þrengdu geira grip,
göndlar höndla dúka,
saman tengdu skatnar skip,
skotum slengdu, rétt í svip.

Skoða...

46.
Ríman

Geirs áföllin gripu fjer,
gnísti víst í málmi,
bifast höllin humra fer,
hrína tröll og berserker.

Skoða...

47.
Ríman

Skemmdist þjóð af skotvopnum,
skjálfa gjálfurs klettar:
hraustur vóð í harðneskjum,
herinn blóð á þiljunum.

Skoða...

48.
Ríman

Þráinn kalla þrunginn fer:
„þið á liði vinnið!“
heiptin svall um hyggju sker,
hömuðust allir bræðurner.

Skoða...

49.
Ríman

Grenja kargir megni meir,
mörg við björgin sungu,
eins og vargar urðu þeir,
undra margur fyrir þeim deyr.

Skoða...

51.
Ríman

Mörgum dauðum fleygði fri,
fólinn ból á hvala,
ógna kauðinn orgar því,
er sótrauður framan í.

Skoða...

52.
Ríman

Stóð við téðum hrum ei hót,
hölda fjöldi mennskur:
Högni veður honum mót,
hrottann með í axlarfót.

Skoða...

53.
Ríman

Hildar rökkur elið á,
æða bræði meður,
blossi hrökkur fleinum frá,
fólkið stökkur undan þá.

Skoða...

54.
Ríman

Hver vill granda hinum þar,
hrottar spotta skyldi,
í hverju bandi braka var,
bifaðist land, ókyrrðist mar.

Skoða...

55.
Ríman

Börðust óðir, gjörði gný
geira þeyrinn strangur,
svitinn blóðið blandast í,
bifurs glóðin roðnar því.

Skoða...

56.
Ríman

Hjálmar skerast höggin við,
harðar skarðast brynjur;
Högni sér, að svo búið,
sízt má vera branda klið.

Skoða...

57.
Ríman

Meður afli bæsings blað
beitir hneita reiddi,
klýfur hafla höggið það,
hrökk að nafla– fjöðrin stað.

Skoða...

58.
Ríman

Búknum garnir féllu frá,
felur helið krapta,
eptir þarna látinn lá,
líksöng arnir hófu þá.

Skoða...

59.
Ríman

Helga varnir meta má,
mæki frækinn reiddi,
Jötunbjarnar byrðing þá,
blossa tjarnar grér hljóp á.

Skoða...

60.
Ríman

Sízt að gætti sér merkur,
svarta parta lýði,
fleins í slætti fjer-sterkur,
fýra mætti berserkur.

Skoða...

61.
Ríman

Helga skeinir geirs við gný,
getum hét sá Brandur,
atti fleinsins oddi því,
inn að beini lærið í.

Skoða...

62.
Ríman

Sverða tregðu sízt fær þént,
síðan fríður glæstum
Helgi bregður hjör af mennt,
höggur flegðu nið í tvennt.

Skoða...

64.
Ríman

Samt á móti fanti fer,
fleina reynir harði,
lagði hótin hörð sem ber,
hans með spjóti kverk under.

Skoða...

65.
Ríman

Inn í barkann oddur smjó,
og út um þrútinn hnakka,
en við snarkar andar þró,
af því harki fólinn dó.

Skoða...

66.
Ríman

Hafs á jóinn hneig blóðtjörn,
hrikinn bliknar síðan,
svelnir stóri sviptur vörn,
svona fór hann Jötunbjörn.

Skoða...

67.
Ríman

Aðsókn gjörir brims á bekk,
bófum grófu hinum,
hroðið knörinn Helgi fékk,
heljar förin margur gekk.

Skoða...

68.
Ríman

Rögnis bjálfum búk-vafinn,
byrstur hrissti núna,
skók Finnálfur fleininn sinn,
fanturinn sjálfi ramm-aukinn.

Skoða...

69.
Ríman

Þungt blés viður þrælmennið,
þrýstinn gnísti tönnum,
skrýmnir biður skálka lið:
„Sköglar hviðu herðið þið!"

Skoða...

70.
Ríman

Bitur nöðru blóðs hríðen,
brast á hastarlega,
litast fjöðrin sára senn,
svita löðrum atast menn.

Skoða...

71.
Formáli

Gullu andar talin tól,
tregast jeg því ljóðin
fullur vanda galinn gól,
gullin banda valin sól.

Skoða...

Rímur af Andra jarli, 14. ríma

næsta ríma >>