Karel

Rímur af bókinni Rut — 1. ríma

— Einar Sigurðsson

Lemmata | Textatengsl
umgjörð ríman

1.
Ríman

Mig lystir mest að ljóða óð af lærdóms greinum
náms af brunni næsta hreinum
og næmum kenna lærisveinum.

Skoða...

2.
Ríman

Heilög ritning hjartað manns kann helst að fræða,
diktan sú er dýrleg ræða,
svo dragist af henni efnið kvæða.

Skoða...

3.
Ríman

Nú vil eg birta börnum Guðs í bragarins hætti
Rut sem Bóas ráðið bætti
þó réttinn til þess varla ætti.

Skoða...

4.
Ríman

Á dögunum þeim, sem dómarar stýrðu Drottins lýði,
óár var svo efldist kvíði,
Elímelek landið flýði.

Skoða...

5.
Ríman

Naemí var nefnd hans kvon og niðjar tveir;
af því kveikist mærðin meir;
Mahlón og Kiljón nefnast þeir.

Skoða...

6.
Ríman

Elímelek æðstur var af Júða slekti;
í Betlehem sinn bústað þekkti,
í burtu þaðan þó óár hnekkti.

Skoða...

7.
Ríman

Í Móabs land hann setti sig og síðan deyði
en Naemí með niðjum þreyði,
nökkuð hnigin af æskuskeiði.

Skoða...

8.
Ríman

Báða gifti hún synina sín og síðan missti;
Rut og Silfa sæmdin gisti,
þær sonar konur að elska lysti.

Skoða...

9.
Ríman

Sonar konum sagði víf hvað síst má dylja,
heim í lönd sig halda vilja
þó hörmung þætti við þær skilja.

Skoða...

10.
Ríman

Í Betlehem er nú batnað ár, kvað blíður svanni;
það hef eg frétt með fullum sanni,
því fari þið vel og giftist manni.

Skoða...

11.
Ríman

Mágkonur hennar mæltu þá af mjúkum vilja:
Þér skal fylgja falda þilja
fegin og aldrei við þig skilja.

Skoða...

12.
Ríman

Það er ei ráð, kvað þriflegt víf, þið þarfnist sæða;
ei má eg synina aftur fæða
ykkur að fá sem lög vor ræða.

Skoða...

13.
Ríman

Þeim framliðnu þið hafið unnt með þýðleik hreinum
svo innilega í öllum greinum
yður mun Drottinn svipta meinum.

Skoða...

14.
Ríman

Silfa kvaddi sæmdar víf þó sorgin spenni;
ristill trú eg rauna kenni;
Rut kvaðst mundi fylgja henni.

Skoða...

15.
Ríman

Þinn einka Guð er einninn minn, hvörs ei má dylja,
og dyggðugt fólk, kvað dúka þilja,
dauðinn einn má okkur skilja.

Skoða...

16.
Ríman

Naemí lét reynda Rut nú ráða að sinni;
Betlehem trú eg þær báðar finni;
borgarmúgurinn gleðst þar inni.

Skoða...

17.
Ríman

Bóas hét einn borgarmann sem byggði þar;
af Júðakvísl sá ættstór var
og Elímelek skyldur nær.

Skoða...

18.
Ríman

Bóas átti aura nægð og akra sáði;
voldugur nóg með vísdóms ráði
að verkamönnum sjálfur gáði.

Skoða...

19.
Ríman

Hún kom þá heim er kappar létu kornskurð vinna
og með henni Rut, sú möversk kvinna
sem mildur Guð lét blessan finna.

Skoða...

20.
Ríman

Allir gjörðu að aumka þær og aðstoð veita;
Naemí vill nafni breyta,
nú kvaðst mega Mara heita.

Skoða...

21.
Ríman

Mara heiti eg mædd í sút, kvað menja þilja;
gengið er það Guðs að vilja,
gjörði hann mig við allt að skilja.

Skoða...

22.
Ríman

Við mágkonu sína mælti Rut, sú möversk kvinna:
Eg vil okkar fæðslu finna
og fara þar að sem byggmenn vinna.

Skoða...

23.
Ríman

Naemí bað naumu gulls í náðum sofna;
út gekk Rut á akurinn jafna
og upp tók það sem sveinar hafna.

Skoða...

24.
Ríman

Bóas átti akurinn þann og enn kom þar;
kveðja hans sú kurteis var,
kornskurðarmenn vanda svar.

Skoða...

25.
Ríman

Yður sé Drottinn ávallt með, kvað eðla mann;
allir svöruðu á minn sann
að einn Guð skyldi blessa hann.

Skoða...

26.
Ríman

Fyrirmanns sveina frétti hann að um falda brú,
hann leit Rut þar hjá þeim nú,
hvaðan að væri stúlka sú.

Skoða...

27.
Ríman

Það er hin mæta, möversk Rut að maðurinn sagði,
henni eg til leyfis lagði
að lesa það félli af klyfja bragði.

Skoða...

28.
Ríman

Bóas talar við bauga ná af blíðleik hreinum:
Tín þú á þessum akri einum
óflekkuð af mínum sveinum.

Skoða...

29.
Ríman

Með þernum mínum þú skalt einninn þiggja náðir;
merki eg þína dyggð og dáðir,
drykknum vil eg að líka ráðir.

Skoða...

30.
Ríman

Féll þá Rut til fóta hans og fögnuð kenndi:
Hvaðan kom mér, kvað heiðurs kvendi,
heill og náð af þinni hendi.

Skoða...

31.
Ríman

Mælti Bóas: Mér er það ljóst, hin mæta kvinna,
þú flýðir óðal frænda þinna
og fylgdir móður bræðra minna.

Skoða...

32.
Ríman

Mágkonu þinni mestu sýndir manndómsprýði
en þekktir ekki þessa lýði;
þér mun Drottinn launa um síðir.

Skoða...

33.
Ríman

Ísraels Guð mun ærna blessan yfir þig senda
því til hans þú vildir venda,
hans vængja skjól þér dugir til enda.

Skoða...

34.
Ríman

Bóas þá til borða gekk og bauð til svanna;
veik hún sér til verkamanna,
virðing þá og æru sanna.

Skoða...

35.
Ríman

Bóas sendi bauga ná sinn besta rétt;
axin steikt, hún er þá mett,
allt mun falla starfið létt.

Skoða...

36.
Ríman

Akurmönnum Bóas bauð, sem birtir kvæði,
að sjá svo til að nökkru næði
nauman gulls það eftir stæði.

Skoða...

37.
Ríman

Gætið ekki grannt að því, kvað geymir sverða,
þó afsóp kunni eftir að verða;
eignast skal það þorna gerða.

Skoða...

38.
Ríman

Frómi herra, fljóðið kvað, eg fátæk kvinna
ei er líki þerna þinna
þessa náð af yður að finna.

Skoða...

39.
Ríman

Fullan mælir fékk með bygg sú fróma kvinna;
kunni hún allt að korni vinna,
um kvöldið fór til húsa sinna.

Skoða...

40.
Ríman

Mágkonu sinni sýndi hún allt og sagði bæði
þau sem að Bóas gjörði gæði,
gaf henni leifar af því fæði.

Skoða...

41.
Ríman

Naemí var næsta glöð og neytti fæðu;
hér næst frá eg hún hóf svo ræðu:
Himna Guð þig svipti mæðu.

Skoða...

42.
Ríman

Bóas er míns bóndans fræga bróðir næsta;
að honum lýtur erfðin hæsta,
auðnu hefur þú fengið stærsta.

Skoða...

43.
Ríman

Að þú komst á akurinn hans og orðlofs beiddir,
umsjón slíka yfir þig leiddir,
hjá öllu vondu rykti sneiddir.

Skoða...

44.
Ríman

Víktu að þeim akri oft, kvað eldri kvinna;
fyrst ljúfmennið þér lofar að vinna
láti Guð þig blessan finna.

Skoða...

45.
Ríman

Sjálfur bauð hann, sagði Rut, mér sómann þenna
að sækja föng til sinna kvenna;
síðan gjörði hún þangað renna.

Skoða...

46.
Ríman

Fólki Bóas fylgdi Rut og fékk ei minna
þörf á starfi hin þýða kvinna
þar til korn var búið að vinna.

Skoða...

47.
Ríman

Mágkonu sína hitti hún og henni færði;
á vinnu sinni vífið nærði;
vel sé þeim sem þrifnað lærði.

Skoða...

48.
Ríman

Hjartans dyggð er heillin mest sem hér má finna;
miskunn hlýtur möversk kvinna,
mun svo verða rímu að linna.

Skoða...

Rímur af bókinni Rut, 1. ríma

næsta ríma >>