Karel

Gríms rímur og Hjálmars — 3. ríma

— Óþekktur höfundur

Lemmata | Textatengsl
umgjörð ríman

1.
Formáli

Af fræða strönd skal Frosta björninn fríði renna,
Viðris bjór með vörum kenna,
vilji þér nokkuð bjórinn þennan?

Skoða...

2.
Formáli

Mansöng kann ég minnst að bjóða menja Hildi,
þó skal færa Fjölnis gildi,
fyrða sveit ef hlýða vildi.

Skoða...

3.
Ríman

Hárek tekur að hylja þjóð með hörðu stáli,
hjálmar brynjur Hrungnis máli,
hildar skýja snörpu báli.

Skoða...

4.
Ríman

Bragning hefur af Bjarma landi búna þegna,
stinna skjöldu af stáli dregna,
stríðið mun þeim ekki vegna.

Skoða...

5.
Ríman

Gengur þegar hin grimma þjóð til græðis skíða,
dvelur nú ekki dróttin fríða
drafnar fílum burt að ríða.

Skoða...

6.
Ríman

Blikuðu skildir borðum á með björtum steinum,
seglin voru á Rævils reinum
rauð og blá með voðum hreinum.

Skoða...

7.
Ríman

Hárek tók að herða þjóð með heiftar stríði:
„kólgu brjóti knörrinn fríði,
kappinn engi annars bíði."

Skoða...

8.
Ríman

Allir undu seglin senn að siklings ráði,
vindurinn þegar að vaxa náði
velta tók um húfu láði.

Skoða...

9.
Ríman

Því var líkust lýða ferð sem leiftrið flýgur,
barðið hverja báru smýgur,
branda gleypti ægis gýgur.

Skoða...

10.
Ríman

Seggir leggja að svenskri jörðu sunda hröfnum,
þar mun lýðurinn stinga stöfnum
strengja vals í djúpum höfnum.

Skoða...

11.
Ríman

Bjarmar létu bræddan streng af borði renna,
gildir fleinar grunna kenna,
garpar náðu hjálma að spenna.

Skoða...

12.
Ríman

Hárek eggjar herlið sitt hildi að reisa:
„nú skal bál og benja eisa
bæði senn um landið geisa."

Skoða...

13.
Ríman

Trauður var eigi tiggja her að tækist róma,
lögin sat ekki langa dóma,
lífi týndu menn og sóma.

Skoða...

14.
Ríman

Sviðnar viða hin svenska fold en seggir falla,
heyrði langt að lúðrar gjalla,
laufinn klýfur hyggju stalla.

Skoða...

15.
Ríman

Jarlinn frétti járna sveim jöfurs í landi,
stillir býður með sterkum brandi
steypa vill hann þessu grandi.

Skoða...

16.
Ríman

Stefnir að sér þræl og þegn um þengils veldi,
lýðurinn prýddist Lóðurs eldi,
lífið margur ýta seldi.

Skoða...

17.
Ríman

Saman kom her en sverðin náðu seggi að sníða,
Bölverks tjald og brynju fríða,
bragnar þeyttu lúðra víða.

Skoða...

18.
Ríman

Fífur rífa fyrða ótt að fleina hreggi,
brandurinn sníður bein og leggi,
bar það allt til heljar seggi.

Skoða...

19.
Ríman

Grunda nefni ég garpinn þann er geysti hildi,
sá kann brjóta skarð í skildi
og skæðum vargi að auka gildi.

Skoða...

20.
Ríman

Hertogadæmið hélt hann eitt af Háreks veldi,
fús að beita benja eldi,
bragna líf í dauðann seldi.

Skoða...

21.
Ríman

Gnauðar valur er Grundi óð í gegnum sveitir,
blóðgir lágu búkar heitir;
bræddir urðu vargar teitir.

Skoða...

22.
Ríman

Jarlinn geystist Grunda á mót af grimmd og reiði,
Eirekur hnígur að örva seiði
undan Grunda hringa meiði.

Skoða...

23.
Ríman

Það sá drótt að dögling hnígur dauður í hildi,
ferðin réð að fleygja skildi,
flýði hver sá lífið vildi.

Skoða...

24.
Ríman

Drengir vöktu darra regn en dróttir flýja,
glymur var hár til hildar skýja,
hrottar tóku skjöldu að lýja.

Skoða...

25.
Ríman

Skundar þjóð á skóga í braut úr skjalda leiki,
lýður var þar víða á reiki,
völlu þakti nárinn bleiki.

Skoða...

26.
Ríman

Hlífði ekki Högna voð né hjálmar skyggðir,
herinn tók að hreinsa byggðir,
Bjarmar sýndu litlar dygðir.

Skoða...

27.
Ríman

Bráðlega spyr kóngurinn Karl um kappa dauða,
fallið jarls og fossinn rauða,
fyrðum aflar stórra nauða.

Skoða...

28.
Ríman

Hertoginn fylgir Hárek einn er heitir Grundi,
einkar snar að fleina fundi,
fránum vegur hann hjalta lundi.

Skoða...

29.
Ríman

Heyrði Grímur og hlustar til hvað hirðin sagði,
stangar knífi en stillir sagði,
stáli klæðist her að bragði.

Skoða...

30.
Niðurlag

Grenjar lúður en garpar tóku Grímnis klæði;
frúrnar báru fasta mæði;
falla læt ég að sinni kvæði.

Skoða...

Gríms rímur og Hjálmars, 3. ríma

næsta ríma >>