Karel

Persíus rímur — 1. ríma

— Guðmundur Andrésson

Lemmata | Textatengsl
umgjörð ríman

1.
Ríman

Öllum sé þeim óskað góðs
er óði hlýða mínum,
kveiking orða kveður hljóðs
af kunningjunum mínum.

Skoða...

2.
Ríman

Reiðubúinn ræðst eg til
rímnavers að semja,
mættu hlotnast hróðrar skil
hörpu Sónar temja.

Skoða...

3.
Ríman

Skemmta öðrum og svo mér,
ef einhvör vildi heyra,
hugur og vilji einatt er,
en öngvan hlutinn meira.

Skoða...

4.
Ríman

Öðru megin mælsku skort
má eg hjá mér finna,
en annars vegar yndið kort
og einveru fásinna.

Skoða...

5.
Ríman

Hvað skal þeim að dilla dátt
sem drifinn er burt frá mengi,
hvörsu sem hann hljóðar hátt
heyrir til hans engi.

Skoða...

6.
Ríman

Til að sýna mannvits mót
mærð á fætur reisi
og með stuttri bragarbót
bekkinn skálda leysi.

Skoða...

7.
Ríman

Hér má letruð ljóðakorn
lesa á kveri mínu,
þjóðin kallar fræði forn,
fyrr voru á látínu.

Skoða...

8.
Ríman

Hlýði til hvör sem heyra kann
og hefur ei skemmtan betri,
en njóti hvör er nema kann
nytsama grein úr letri.

Skoða...

9.
Ríman

Acrisíus öðling réð
utan á Grikkja láði,
dóttur átti drottning með,
hún Danae heita náði.

Skoða...

10.
Ríman

Sú var drósin dægileg,
drengi má það tæla,
mælskustuttur strax verð eg
stórum vænleik halda.

Skoða...

11.
Ríman

Bar hún þó af brúða ferð
sem brennda gull af eiri
eða perlan pardus verð
af potta rauðum leiri.

Skoða...

12.
Ríman

Fylkir hafði fengið spá,
fæddist sveinn af sprundi
sem sinn afa fjöri frá
fella og ríkjum mundi.

Skoða...

13.
Ríman

Í læstum turni lukti mær,
lét úr málmi smíðast,
so enginn skyldi afmors fær
auðar gefni þýðast.

Skoða...

14.
Ríman

Danae sat öll dægur ein
þó dögling stundum kæmi.
Setur hann fyrir silkirein
sauma og annað næmi.

Skoða...

15.
Ríman

Umgang hefur enginn þar
utan sjálfur tiggi,
því ekki neinum unnt þess var
inni hjá meyju byggi.

Skoða...

16.
Ríman

Hilmir þykist heldur traust
hafa um sætu búið,
ætlar að lifa uggalaust,
en upp á hitt mun snúið.

Skoða...

17.
Ríman

Fyrir að spyrna fráleitt er
forlög Adams barna.
Eður hvörninn lukkast lofðung hér
lagnaðinum að varna?

Skoða...

18.
Ríman

Kóngsins mær í koparturn
kreppist utan ferða,
margir fá af meyju spurn,
mun þar raun á verða.

Skoða...

19.
Ríman

Einn dag situr æskilín
undir hússins glugga,
sólin mitt í suðri skín,
sá þar enginn skugga.

Skoða...

20.
Ríman

Úr lofti inn um ljórann datt
líkast daggar regni,
draup í kjöltu gullið glatt,
gleðst því svanninn fegni.

Skoða...

21.
Ríman

Hyggur hún slíka himnagjöf
hafi sér guðinn senda,
breiðist undir utan töf
oturs verðið brennda.

Skoða...

22.
Ríman

Fyrri ei veit til frúin þar
en flæðar bríminn skæri
að karlmanni orðinn var
og allvel gengur næri.

Skoða...

23.
Ríman

Mærin lét þar meydóminn,
móðurnafnið keypti,
í gyllinregni rétt um sinn
ræsir út sér steypti.

Skoða...

24.
Ríman

Eftir níu mána mund
mærin þegar að bragði
fæddi son á sömu stund,
svein á brjóstið lagði.

Skoða...

25.
Ríman

Nú sem þengill þangað er
þegar kominn að vitja,
undrast frú með augum sér
undir barni sitja.

Skoða...

26.
Ríman

Kemur að honum stans og styggð
með stóru ofsa sinni:
„Hvaðan kemur bölvuð blygð
byrjuð dóttur minni?

Skoða...

27.
Ríman

Bana hef eg heitið þér
happalausu vífi,
ef þú brygðir útaf hér
erlegu hreinlífi.

Skoða...

28.
Ríman

Sé eg hvorki vill né vel
vöktun örugg duga
né forboð mitt, því fáheyrð vél
fengu það yfirbuga.

Skoða...

29.
Ríman

En hvorki skal sá hóru son
yfir höfði mínu standa,
né fleiri barna verða von
af vefju góins landa.„

Skoða...

30.
Ríman

Hilmir leiddi hringþöll út,
hélt hún á sínu jóði,
fetar ofan að fiska lút
fylltur grimmd og móði.

Skoða...

31.
Ríman

Er hún þá rétt sem lítið lamb
leóns með hrammi dregin,
sitt þó stærir dýrið dramb,
digurt bógna megin.

Skoða...

32.
Ríman

Snótin vill afsaka sig,
sér væri ekki að kenna,
orðum með áminnilig
mýkja vill ofsa þenna.

Skoða...

33.
Ríman

Faðirinn væri sá að svein
sem að er hærri mektar,
kunni nokkra klóka grein,
kóngur eður stærri slektar.

Skoða...

34.
Ríman

Byrgir hann allan bænastað,
btðin ein skal ráða,
víkur brotnum báti að
með barnsmóðurina þjáða.

Skoða...

35.
Ríman

Ofan í þetta ferjuflak
fleygðist svanninn hýri,
út á opinn æginn rak,
árar brast og stýri.

Skoða...

36.
Ríman

Rétt af landi stormur stóð,
stillir vill so kjósa,
undan spennir fagra fljóð,
firrtist strönd og ósa.

Skoða...

37.
Ríman

Þengill horfði á þangað til
þau bar á víðinn bláa,
sýndist ofan í svartan hyl
sökkva ferjan hláa.

Skoða...

38.
Ríman

Kvað þar hefði kafnað spá
konstra norn er sagði,
sem þau vondu ósköp á
öðlings forlög lagði.

Skoða...

39.
Ríman

Kænuhróf með kvendi hrekst,
kafna ekki náði,
til bjargar alltjafnt eitthvað leggst
ófeigum að ráði.

Skoða...

40.
Ríman

Bylgju köfin kannar drós,
kvíddi við að deyja,
ein þar fyllti, önnur jós
aldan, mátti segja.

Skoða...

41.
Ríman

Barni hélt hún hvað á gengur,
hvort mun æpa meira.
Sem eg ekki um svannann lengur,
við söguna kemur fleira.

Skoða...

42.
Ríman

Framar greina fyrst eg hlýt,
frá Danae reika,
Júpíter hét kóngur í Krít,
kunni margt að leika.

Skoða...

43.
Ríman

Megtugasti í miðjum heim
milding um það leyti
talinn var að tign og seim,
títt er vífi hans heiti.

Skoða...

44.
Ríman

Fjölvitugur á konstra kyn,
kynngi og missýningar,
marglátt fróður á meistara dyn
með álrúnir slyngar.

Skoða...

45.
Ríman

Eftirlits þá ellin vann
aldurinn leyfa honum,
heiðnir frá eg héldi hann
hæstan af guðonum.

Skoða...

46.
Ríman

Einn plánetinn og svo er
af hans nafni heitinn,
fagur og vænn sem vitum vér,
vænstur um stjörnu reitinn.

Skoða...

47.
Ríman

Sá var fylkir faðir að svein
fyrrgreindum í ríki,
bólað hefur með baugarein,
brugðist gulls í líki.

Skoða...

48.
Ríman

Tiggi hefur talið til
tíma þann er hún skyldi
ala barn með eðlis skil,
aftur hverfa vildi.

Skoða...

49.
Ríman

Uggði hann að græðgi grams
granda mundi svanna,
setur upp faldinn siglu gamms,
siglir um leiðir hranna.

Skoða...

50.
Ríman

Var það ekki vonum fjær,
víst sér hetjan búna,
Grikklands megingeimi glær
gín yfir barn og frúna.

Skoða...

51.
Ríman

Júpíter í sjóvolk sárt
sækja vífið náði,
berast lét með barnið klárt
og brúði að eyjar láði.

Skoða...

52.
Ríman

Serifus hét útey ein
er hún nam að lenda,
dularklæðum kóngurenn
kæru gjörði í venda.

Skoða...

53.
Ríman

Hvarf hann burtu þar frá þeim,
þorði ei með fíki
færa barn og frillu heim
fyrir konuríki.

Skoða...

54.
Ríman

Því Júnó drottning stolt og stygg
straffar Jóvis klæki
ef það vissi falda Frigg
fram hjá sér hann tæki.

Skoða...

55.
Ríman

Danae fjármann finna réð,
fullvel þóttist veiða,
brúði tók og barnið með,
beinan veitti greiða.

Skoða...

56.
Ríman

Þótti vænt um þorna Lín,
þenkti eignast brúði,
eins og báðum augum sín
unni menja Þrúði.

Skoða...

57.
Ríman

Vífið öllu veik á frest,
verst með soddan hætti,
vanmáttug og lasin lést
lífinu síðan hætti.

Skoða...

58.
Ríman

Fróni þessu einn ræsir réð,
reikar hann um stundir
einn dag liði ýta með
út um þorp og grundir.

Skoða...

59.
Ríman

Sér hann skammt frá sínum veg,
sat við hirðirs leyni
Danae heldur dægileg,
dillaði ungum sveini.

Skoða...

60.
Ríman

Leist honum vel á lauka hlíð,
lagleg sýndist kæri,
ávarpar með orðin blíð
auðþöll hvör hún væri.

Skoða...

61.
Ríman

Lengi var hún til þess trauð
telja nafn og ættir,
lofðung gleðst og gullskorð bauð
greiða tryggð og sættir.

Skoða...

62.
Ríman

Þá kóngurinn veit hvað kæran er
kyngóð, dýr í haldi,
hefur frúna heim með sér
hirðirs burt úr valdi.

Skoða...

63.
Ríman

Sér að giftast sætu bað,
sæmdir vann að bjóða,
vannst um síðir þengil það
þorns var föstnuð tróða.

Skoða...

64.
Ríman

Pílumnus hét kóngur kænn,
kenndur að sínu nafni,
stillir bæði sterkur og vænn,
stoltra herra jafni.

Skoða...

65.
Ríman

Ólst þar upp hinn ungi mann
sem áður vann eg skýra.
Persíus kallar hoffólk hann
hans og móðirin dýra.

Skoða...

66.
Ríman

Fegurð hans og frábærleik
flestir mundu kjósa
en mín er of dauf mærðar kveik
það mynduglega að glósa.

Skoða...

67.
Ríman

Kinnin rjóð sem rósin dýr,
rétt var munnur í lagi,
ennið fríða, augun hýr
eins og geislann sæi.

Skoða...

68.
Ríman

Hörundið bjart sem hvíta mjöll,
hárið gulli skærra,
sköpun hans og skikkun öll
skilning gengur hærra.

Skoða...

69.
Ríman

Danae ól við buðlung börn
beint á tímans færi.
Þaug voru prúð á prísinn gjörn
þó Persíus langt af bæri.

Skoða...

70.
Ríman

Persíus ólst þar upp með sann,
sem áður vann eg skýra,
til íþrótta ýmsra kann,
er allra vinur dýra.

Skoða...

71.
Ríman

Stjúpsinnað bar gramur geð,
grómt um sveininn uggði,
á ýmsar þrautir eggja réð
sem aldrei vinnast hugði.

Skoða...

72.
Ríman

So var sveinninn sigursæll
sóknir strangar heyja,
heim kom jafnan heill og sæll,
hlotnaðist ekki að deyja.

Skoða...

73.
Ríman

Um síðir hugðist sjóli bert
seggnum fjörráð spinna.
„Þá eð fyrsta frægur ert
ef fer þú Gorgon vinna.„

Skoða...

74.
Ríman

Svo kom til að sveinninn fór
í sókn við ógnar gríður,
líka vannst það laufa Þór,
lukkaðist ekki að síður.

Skoða...

75.
Ríman

Danae hefur feigð um flúð,
fóstri heldur sínu,
það mun kóngi í þanka búð
þyngri afla pínu.

Skoða...

76.
Ríman

Feðrunum gengur stundum stíft
stúlkunum hjúskap spara.
Áform þeirra ei fær hlíft
eigi hitt fram að fara.

Skoða...

77.
Ríman

Reiki heldur ræðan brutt
en ráðist að því kýma.
Þanninn hverfur stirð og stutt
stefjum blönduð ríma."

Skoða...

Persíus rímur, 1. ríma

næsta ríma >>