Karel

Sveins rímur Múkssonar — 6. ríma (Skothent. Refhvörf 6.–11. erindi)

— Kolbeinn Grímsson

Lemmata | Textatengsl
umgjörð ríman

1.
Ríman

Menning eykur Nýráðs knör
að nagga úr hrófi köldu;
burðaveikur sá með svör
sezt í Fjölnirs öldu.

Skoða...

2.
Ríman

Ljóðamenni er lyst nú fast
leiða að einu sæti
margt það tvennt, sem ólíkast
óðurinn fundið gæti.

Skoða...

3.
Ríman

Einn er hringur ekki mjór,
Ýtar mega það sanna,
bragða slyngur, brigðu stór,
búinn með ljósið hranna.

Skoða...

4.
Ríman

Hring þann einir höfðingjar
á hauka ströndum bera,
glósa óseinir gleðinnar par,
glatt mun hjartað vera.

Skoða...

5.
Ríman

Náttúru hans um námsins gil
nokkuð í óðar smíði
rétt til sanns eg reikna vil.
Rita brjótar hlýði.

Skoða...

6.
Ríman

Boginn réttur, bjúgur beinn,
bundinn, laus að láta,
þungur léttur, þveginn óhreinn,
þíður, freðinn úr máta.

Skoða...

7.
Ríman

Glóandi dimmur, glaður óhýr,
grætur og hlær að bragði,
þýður grimmur, þústinn hlýr,
þögull, en margt þó sagði.

Skoða...

8.
Ríman

Studdur hrundinn, stendur og gár,
sterkur, veikur löngum,
týndur fundinn, trúr sem flár,
tryggur og hollur öngum.

Skoða...

9.
Ríman

Stuttur langur, stífinn trauður,
stolinn, frjáls hann eigir,
lygn og strangur, lifandi dauður,
lyginn, satt þó segir.

Skoða...

10.
Ríman

Upp og niður öruggur ragur
er og var um sveitir,
synjar biður, siðugur gagur,
svartur, birtu veitir.

Skoða...

11.
Ríman

Kaldur heitur, kátur hljóður,
kerinn, svarinn úr dómi,
horaður feitur, heimskur fróður,
heitir skugga ljómi.

Skoða...

12.
Ríman

Þessi heimur þýðist mér
þeim muni punktum valda;
mjög hans keimur margur er;
mun þess nokkur gjalda.

Skoða...

13.
Ríman

Hofgarðs þjóð og heimsins börn
hafa hér margs kyns kæti,
aðrir móð og alla spörn
af því meðurlæti.

Skoða...

14.
Ríman

Vist mér þykir veraldar síður
vafinn í bragða belti;
á augabragði upp og niður
er sem hjólið vel.

Skoða...

15.
Ríman

Mærðar bagan mansöngs dvin,
mælsku þrýtur kjarnann;
veit eg sagan væntir min,
vitja eg hennar gjarnan.

Skoða...

16.
Ríman

Austra hléð og orða krans
áður eg burtu seldi,
þar Lútus réð og hirðin hans
herja á Grikkja veldi.

Skoða...

17.
Ríman

Margan þjón sá málma grér
mæddi illri beiðni;
við Grikkja frón með grimmdarher
gramurinn kom hinn heiðni.

Skoða...

18.
Ríman

Hafsúðirnar hilmirs menn
hrannar festum bundu,
herbúðirnar settu senn
á Sviðris hringa hrundu.

Skoða...

19.
Ríman

Mílna tveggja markað svið
mildings búðir stóðu.
Tiggi eggja tók þá lið
að týna lyndi góðu.

Skoða...

20.
Ríman

Hirðir branda hraður til slíks
hers orustu krafði,
allra handa vélar vígs
vondur hilmir hafði.

Skoða...

21.
Ríman

Sjóli marga í sinni ferð
seggi trausta hafði;
blámenn karga, bitu ei sverð,
beimur í rómu krafði.

Skoða...

22.
Ríman

Lýðir renna láðið á,
en lofðung eggjar fyrða
að eyða og brenna allt hvað ná
og öngvum hlífa hirða.

Skoða...

23.
Ríman

Grikkja lýði grimmleg þrá
gjörði kæti að lóga,
eldinn flýði eignum frá
út á merkur skóga.

Skoða...

24.
Ríman

Fróns um strindi fólkið renn
og fyrða uppi hafði,
sönn tíðindin sögðu senn
og sárra hefnda krafði.

Skoða...

25.
Ríman

Greindu þeir, að heiðinn hundur
harla margur væri,
geysta meir en glóandi tundur
grimmd í huganum bæri.

Skoða...

26.
Ríman

Mórus fer og múksins son
með ákafa stríðan
og allur her um Óðins kvon
út að hafinu síðan.

Skoða...

27.
Ríman

Ferðum léttu fróns um bing
á fögru engi einu,
tjöldin settu hers í hring
Hárs á falda reinu.

Skoða...

28.
Ríman

Öðru megin vatnið vítt
vallar pláts það brynndi,
á hinn veginn fjallið frítt
með fögru hlíðar strindi.

Skoða...

29.
Ríman

Þykkur skógur á þriðja veg
þrengdi um plátsið stranga,
so hjörva rógur mátti mjeg
mest á einn veg ganga.

Skoða...

30.
Ríman

Ein dagleið en ekki meir
er nú þeirra á milli.
Spurði heiðinn falda. Freyr,
að fyrir þeir stríddu stilli.

Skoða...

31.
Ríman

Herrann stæltur herlið allt
heimta á stefnu réði,
hilmir mælti hátt og snjallt,
við hölda þannin téði:

Skoða...

32.
Ríman

„Herrum góðum vitnast víst,
því vær erum hingað farnir;
Grikkja þjóðum þyrmi sízt
þegnar hreystigjarnir.

Skoða...

33.
Ríman

Myrðum, deyðum, brennum brátt
borgir, múr og stræti,
fyrðum eyðum senn án sátt,
sorgar skúr svo mæti.

Skoða...

34.
Ríman

Sá skal mesta veiga viður
virðing af mér hljóta
sem nú flesta feiga niður
fellir í gusti spjóta.

Skoða...

35.
Ríman

Hvör sem Svein og Mórus með
megnar lífi að svipta,
auðar rein með ótal féð
eg skal honum gipta.

Skoða...

36.
Ríman

Systir mín er sæmdarbót,
svanna fæstra jafni,
kyrtla Lín hin kvinta snót
Kleópatra að nafni.“

Skoða...

37.
Ríman

Kóngur einn af Kordus grund
kynjaður heyrði þetta;
ekki seinn á öðlings fund
anaði hirðir pretta.

Skoða...

38.
Ríman

Stærri fenginn stáls við kafl
stóð ei nokkur slíkur,
vissi enginn öðlings afl,
er hann af galdri ríkur.

Skoða...

39.
Ríman

Gerðar allar beztar bar
búnar linna stéttum
nöðru valla njótur snar
níðings fylldur prettum.

Skoða...

40.
Ríman

Hans var hestur huldur gerð
hundrað punda neyti,
kom sá beztur kóngs í ferð
Kursaría að heiti.

Skoða...

41.
Ríman

Sverðið hans að Sviptir hét
Sviðris fylgdi spöngum,
rétt til sanns og greint það get,
gafst í hlífum öngum.

Skoða...

42.
Ríman

Illsku klandur sat til sanns
segg um hyggju breiða;
enginn brandur holdið hans
í heiminum kunni sneiða.

Skoða...

43.
Ríman

Mestur þuss í málma dans
magnaður vildi æða,
Klímákus er heiti hans,
við hilmir réð svo ræða:

Skoða...

44.
Ríman

„Eg hefi hlýtt á orðin þín,
eyðir jötna letra;
heyri eg lítt að hræðslan dvín
í hreysi vizku setra.

Skoða...

45.
Ríman

Strengja heit með stoltan vigur
stillir vil eg til náða,
vígs á reit að vinna sigur
og vega þá þegna báða.

Skoða...

46.
Ríman

Orðin mín um hyggju hjól
heyra mátt og læra:
Þegar skín hin þriðja sól,
þér skal eg höfuðin færa:

Skoða...

47.
Ríman

Ellegar detta dauður víst
á dreyravelli rauðum,
vel þó þetta vari mig sízt
eg vinni ei sigur á kauðum.

Skoða...

48.
Ríman

En ef dey fyrir eggjum nú
og ýtar þeir mér sinna,
herja ei skalt hirða þú
á hjálma brjóta stinna.“

Skoða...

49.
Ríman

Létti af slíku lofðungs nauð
og ljóst nam þakka heiti;
fólki ríku fylkir bauð
að fylgja odda beiti:

Skoða...

50.
Ríman

„Haf svo marga að herverki
hölda sem þér líkar,
blámenn karga og berserki,
blökkumenn, þjóðir ríkar.“

Skoða...

51.
Ríman

Allir valdir voru þar
verstir í herför sanna;
seggir taldir sátu á mar
sextíu þúsund manna.

Skoða...

52.
Ríman

Riðu þeir á rekka fund
og ræna lífi hétu;
öðrum meir um Ýggjar sprund
yfir sér þessir létu.

Skoða...

53.
Ríman

Mórus þeir og múksins son
morgun þennan ganga
einir tveir um Óðins kon
upp á fjallið stranga.

Skoða...

54.
Ríman

Roði stór um himin há
hneigði að viða storðum.
Málma Þór svo mælti þá,
múksins son, með orðum:

Skoða...

55.
Ríman

„Hvörju sinnir roðinn rauði?“
Rekknum andsvör greiðast,
Mórus innir manna dauði
muni þar eftir leiðast.

Skoða...

56.
Ríman

Lýðir sjá um landa heim
lagði reyki stóra;
ýtar gá að undrum þeim
ennis stórum ljóra.

Skoða...

57.
Ríman

Samdi beggja garpa grun
greitt um hyggju spennu,
að reykinn leggja ramman mun
reita lands af brennu.

Skoða...

58.
Ríman

Mórus svara menntafríður
múksins arfa náði,
„Þar mun fara Lútus lýður
lyndisheiftar bráði.

Skoða...

59.
Ríman

Því mun ráð að halda heim
og hitta okkar fyrða,
mest með dáð í móti þeim
magna rómu stirða.“

Skoða...

60.
Ríman

Norðra falda njótar tveir
nýta liðsemd höfðu;
heim til tjalda héldu þeir
og her í orustu kröfðu.

Skoða...

61.
Ríman

Hirðar þeyta horn um stund
Hrímnis fótastalla,
seggi teita saman á grund
sína heimtu alla.

Skoða...

62.
Ríman

Seggir tjáðu sínum lýð
senn muni kostur að herja,
alla báðu Hárs í hríð
hilmirs frón að verja.

Skoða...

63.
Ríman

Hvör það heyrði hilmirs boð
halur á torgi breiðu
um sig reyrði Viðrix voð
og voru þegar til reiðu.

Skoða...

64.
Ríman

Hjálmum bræddir runnar ranns
og Rögnis huldir skrúðum,
hringum klæddir brjótar brands
og breiðum Ullar súðum.

Skoða...

65.
Ríman

Berlings elda bar hvör drengur
búinn að mæta vígum,
Sviðris felda, spjót og spengur
spenntar nöðru stígum.

Skoða...

66.
Ríman

Höfuðbendur lýða ljóst
lukta hjálma eina
báru rendur, Hrumnirs hrjóst,
og hrævar gyllta teina.

Skoða...

67.
Ríman

Eyðar silkja odda hjörs
áttu að mæta hríðum;
meiðar fylkja móins körs
mengi á velli víðum.

Skoða...

68.
Ríman

Fylkingarnar fólks þar stár
festu að bragði skemmstu,
hreystigjarnar kempur knár
keru í þá enu fremstu.

Skoða...

69.
Ríman

En þeir skyldu laust við Hið
láta ei umsjón bresta;
kappar vildu koma þar við,
er krefði þörfin mesta.

Skoða...

70.
Ríman

Jötuns báru fótafrón
frægir riddarar báðir,
tjöldin skáru Týrs í spón
og töldu ei vörgum bráðir.

Skoða...

71.
Ríman

Mórus tér við múksson þá:
„Minnstu, elsku bróðir,
hugsast mér að hilmir sá
hafa mun ýmsar þjóðir.

Skoða...

72.
Ríman

Marga bíta munu ei sverð
af Makons þrælum leiðum.
Eg vil flýta okkar ferð
út að skógi breiðum.

Skoða...

73.
Ríman

Kylfur höggva sæmdir seim
og settum spöngum vefja,
lemja skröggva ljóst með þeim,
ef laufar bitinu tefja.“

Skoða...

74.
Ríman

Ráðin vóru þessi þekk
þýðum múksins arfa.
Sextíu fóru með siðugum rekk
soddan verk að starfa.

Skoða...

75.
Ríman

Búnir þegar brátt í stað
beint með kylfur margar.
Ótallegar æddu að
ýtum þjóðir kargar.

Skoða...

76.
Ríman

Herinn keyrði hulinn með stál
að hirðum bjartra geira;
enginn heyrði annars mál
fyrir ópi og hljóðum þeira.

Skoða...

77.
Ríman

Heiðinn gramur herða réð
hugina sinna þjóða,
fítónssamur fékk svo téð
fullur heiftarmóða:

Skoða...

78.
Ríman

„Þér megið nú að sönnu sjá,
sviptir nöðru stræta,
þjóðin sú er furðu fá
fjölda vorum að mæta.

Skoða...

79.
Ríman

Harla trauð og hjartadeig,
hérunum líkust örgum,
hún mun blauð í bragði feig
brytjuð verða vörgum.“

Skoða...

80.
Ríman

Allir hétu þengil því
þegnum vekja dreyra,
illa létu, grimman gný
gjörla mátti heyra.

Skoða...

81.
Ríman

Skýrust þjóðin skothending
Skrýmnirs kalla minni;
fræðaljóðin fá ending
fyrst að þessu sinni.

Skoða...

Sveins rímur Múkssonar, 6. ríma

næsta ríma >>