Karel

Herburts rímur — 2. ríma

— Óþekktur höfundur

Lemmata | Textatengsl
umgjörð ríman

1.
Formáli

Því er ég svelldur, að sorgin veldur
sárum harmi og löngum;
kvenna hatur og heimsins klatur
hægt mun verða engum.

Skoða...

2.
Formáli

Byggir hér í brjósti mér
Berlings æski nunna;
fálka þá, er Fjölnir á,
flestir nefna kunna.

Skoða...

3.
Formáli

Svo má brjóst af beiskum þjóst
brenna af elsku reitum,
sem sá lundur, að logar sem tundur
og liggur í eldi heitum.

Skoða...

4.
Formáli

Engi veit, hvað ástin heit
yndis portið brennir
nátt og dag með nauða slag,
nema sá einn að kennir.

Skoða...

5.
Formáli

Líkams harmur leiður og armur
lýðum kann að granda;
safinn er beiskur og sorgar meiskur,
saman skal þessu blanda.

Skoða...

6.
Formáli

Mansöngs orð af menja skorð
mun ég ei lengur verka;
kalla ég betur að kynnist letur
og kveða um Þiðrek sterka.

Skoða...

7.
Ríman

Yður skal tjá, að tiggi sá
talar við Herburt fríða;
„ein er frú sú ég vil nú
elska kært með blíða.“

Skoða...

8.
Ríman

„Sé hún svo skær og skötnum kær,
sköpuð í prýði miðja,
hennar feður og meyna meður
mægðar skulu þér biðja.“

Skoða...

9.
Ríman

„Virðist þér, að vænlegt er,
vífi hælt úr máta;
biður ég þá í burtu að gá
og bónorð standa láta.“

Skoða...

10.
Ríman

Riddarinn fer með ræsis her
hratt er Þiðrek sendi;
báru hestur í Bretland vestur
bar þá skjótt af hendi.

Skoða...

11.
Ríman

Fóru brátt við frægð og mátt
fram til Artus hallar;
kvaddi gram, sá kurtir nam,
og kóngsins hetjur allar.

Skoða...

12.
Ríman

Þekkur og þýður þengill býður
Þiðreks görpum snjöllum;
sextíu manns þeir sigldu af Frans
og sátu í Artus höllum.

Skoða...

13.
Ríman

Hálfan vetur og heldur betur
hristir sat þar ríta;
enga stund má ágætt sprund
afreks garpar líta.

Skoða...

14.
Ríman

Það hef ég spurt, hann sendi á burt
sína kappa dýra:
„þér skuluð brátt á þennan hátt
Þiðrek kóngi skýra.“

Skoða...

15.
Ríman

Höldar þeir með hvassan geir
heim til Þiðreks venda;
fleiri menn vill fylkir enn
frúnni ekki senda.

Skoða...

16.
Ríman

Hilmir fann, að Herburt kann
hofmanns listir allar;
þengill mætur þegninn lætur
þjóna innan hallar.

Skoða...

17.
Ríman

Dvaldist halur í döglings sal
og dylst fyrir vænum svanna;
nú er hann einn og engi sveinn
eftir Þiðreks manna.

Skoða...

18.
Ríman

Glæstur múr og geysi trúr
geymdi fljóðið hvíta;
hér fyrir brann í brjósti hann,
brúði mátti ei líta.

Skoða...

19.
Ríman

Kristindóm með kurt og blóm
kóngurinn Artus rækir:
kemur sú tíð, að falda fríð
fram til kirkju sækir.

Skoða...

20.
Ríman

Hér af rís enn hæsti prís,
hver mann kunni að beiða;
menja þöll af mætri höll
í musterið skyldi leiða.

Skoða...

21.
Ríman

Frammi þar, sem fljóðið var,
fjórir jarlar gengu;
völdu þá með vella Ná,
er virðulegasta fengu.

Skoða...

22.
Ríman

Greifar tveir með gullhlaðs Eir
ganga næst í ræðum;
hugsa rétt um hofmanns stétt
að halda upp frúinnar klæðum.

Skoða...

23.
Ríman

Fugla kyn með fagran dyn
fljúga þar yfir henni;
sett er til um seima Bil,
svo sólin eigi brenni.

Skoða...

24.
Ríman

Múgurinn slíkur í musterið víkur
mætum guðvef slungið;
skelfur í torg, en brakar í borg,
bæði er hringt og sungið.

Skoða...

25.
Ríman

Stóllinn gylltur, steinum fylltur,
stóð í kirkju miðri;
hann var prýddur og pelli skrýddur,
og pilarar undir niðri.

Skoða...

26.
Ríman

Munkar tólf í musteris hvolf
mætum fylgja brúðum;
þar var í kring um þennan hring
þykkt af riddurum prúðum.

Skoða...

27.
Ríman

Herburt tér í hjarta sér
hæversku þeirra manna:
hann angrar það í annan stað,
að aldrei leit hann svanna.

Skoða...

28.
Ríman

Múka þjóð, hjá meyju stóð,
mátti slíku valda;
standa ávallt hjá stólnum allt,
stinnum kertum halda.

Skoða...

29.
Ríman

Hans er von að hyggju frón
harma nógra kenni;
sætan tók að syngja á bók
og sá nú aldrei af henni.

Skoða...

30.
Ríman

Lyddur þær, er lágu nær,
leiðar Herburt urðu;
starði hann á stólinn þann,
er stóð hjá kirkju hurðu.

Skoða...

31.
Ríman

Hetjan góð hjá hurðu stóð
og hyggur að frúinnar sessi;
þau munu brögð síðar sögð,
er seggurinn stofnar þessi.

Skoða...

32.
Ríman

Falda Gná var fús að sjá
fleygir snarpra sverða;
leynipar það lék hann þar,
lítt mun til þess verða.

Skoða...

33.
Ríman

Kappinn bar í kirkju þar
kyndugt frá ég það þætti
völskur tvær og voru þær
víst með klókum hætti.

Skoða...

34.
Ríman

Grálynt dýr, að garpurinn býr,
glóar sem silfrið hvíta;
illsku fús var önnur mús
jafnt sem gull að líta.

Skoða...

35.
Ríman

Þetta dýr lét þorna Týr
þegar um gólfið skoppa;
glóaði hár með Gefnar tár,
gylltur er hali og snoppa.

Skoða...

36.
Ríman

Skaust að þar, sem skugginn var,
og skoppaði stólinn undir;
seima Bil mun sjá þar til,
sem sungið hefur um stundir.

Skoða...

37.
Ríman

Loksins tók að líta af bók
listar svanninn fríði;
brúðurin hýr sá brögðótt dýr
og brosir að þessu smíði.

Skoða...

38.
Ríman

Riddarinn brá við refla Ná
rjóðum ennis líma;
leikur fast um lífsins past
logandi elsku íma.

Skoða...

39.
Niðurlag

Mælskan þverr, og það er nú verr
að þylja fleira af henni;
Þundar Níl um þrætu stíl
þoli ég ei lengur að renni.

Skoða...

Herburts rímur, 2. ríma

næsta ríma >>