Karel

Skógar-Krists rímur — 1. ríma

— Rögnvaldur blindi

Lemmata | Textatengsl
umgjörð ríman

1.
Formáli

Forðum átta ég fræða kver
fálega neytta ég þessa
en nú stoðar það ekki mér
upp er ég gefinn að versa.

Skoða...

2.
Formáli

Minnið dofnar mælskan þverr
mjög er ég seinn að skælda
enda veit ég ei nær er
óðar brotnuð snælda.

Skoða...

3.
Formáli

Mjókkar líka mærðar ól
máls í hjóli snjöllu,
geysilega gömlu tól
gangast fyrir í öllu.

Skoða...

4.
Formáli

Mér hefur ellin markað stinn,
mörg er um kollinn hæra.
Hvítnar skegg en hrukkar skinn,
hold vill kláðinn særa.

Skoða...

5.
Formáli

Hár af mínu höfði hrynur,
hef ég nú fengið skalla.
Í öllum gerist ég orðum linur
óðum tennur falla.

Skoða...

6.
Formáli

Svefninn verður síst um nætur
svo sem hann var til forna.
Kreppast hendur og kólna fætur,
kann þeim lítt að orna.

Skoða...

7.
Formáli

Boginn stend ég því brögnum hjá
búkurinn firrist magni
en mér koma sem allir sjá
augun minnst að gagni.

Skoða...

8.
Formáli

Borinn gefur þau brögð af sér
að brúðir fælast allar.
Hvín fyrir brjósti hnálega mér,
hryð ég sem gamlir kallar.

Skoða...

9.
Formáli

Röddin skelfur en ræmast hljóð,
rokin er kvæða snilldi.
Get ég því ei hinni göfugu þjóð
gamnað þó ég vilda.

Skoða...

10.
Formáli

Hvers kyns frygð og mærðar malt
mitt svo gerir að þorna.
Sé ég ei fyrir nær sækir allt
sá sem léði til forna.

Skoða...

11.
Formáli

Vinina fækka, verð ég einn
veikur í raun að standa
þar til Kristur af himnum hreinn
hefur mig burt úr vanda.

Skoða...

12.
Formáli

Fyrir það get ég ei frygðugt vers
framið um auðar gefni.
Nennta ég ekki að neyta þess
þá nóg voru til þess efni.

Skoða...

13.
Formáli

Mín var lund í mörgu treg
mæta skemmtun inna.
Litlar sögurnar lærði ég
en lét ég mér fátt til hinna.

Skoða...

14.
Formáli

Því er sú eftir ein hjá mér
að öllum hlýða bæri.
Þessa skylda ég þylja hér
ef þegjanda fólkið væri.

Skoða...

15.
Ríman

Þetta ágætt ævintýr
er ekki logið að neinu
því ritningin, skötnum skýr,
skrifast af efni hreinu.

Skoða...

16.
Ríman

Bónda einum birti ég frá,
bjó hann í Þýskalandi.
Mæta fékk hann menja ná,
milda af nöðru sandi.

Skoða...

17.
Ríman

Gamall var þessi og glaður í mát
og geymir visku nýta
en hans hústrú yfrið kát
ung og væn að líta.

Skoða...

18.
Ríman

Breytni minnst og bóndans sið
bauga ræktar nanna.
Auðgrund sá því alllítt við
orði vondra manna.

Skoða...

19.
Ríman

Bragnar hafa og bókin merk
birt það eyrum mínum
að þau héldi ungan klerk
einn á garði sínum.

Skoða...

20.
Ríman

Vel féll þessi vífi í geð
og vissi bóndinn þetta
en það frétt né aldrei séð
auðþöll muni sig pretta.

Skoða...

21.
Ríman

Grunar það einatt geira þoll
en gat ei spurt hið rétta
að þau muni sér ekki holl,
allt var kyrrt um þetta.

Skoða...

22.
Ríman

Einhvern dag þann allt var plóg
að efla staðarins mengi
bóndinn veik á breiðan skóg
og bragna með honum engi.

Skoða...

23.
Ríman

Réttan veginn í rjóðrið eitt
reikar halurinn svinni
þar sem fyrir var bjargið breitt
og byggði einn dvergur inni.

Skoða...

24.
Ríman

Hann var ekki heima þá
halurinn kemur að bergi.
Er þar bóndinn úti hjá
uns hann mætir dvergi.

Skoða...

25.
Ríman

Vestri heilsar vopna meið
og vill í steininn ganga.
Bóndinn honum þá bannar leið
og býst til dverg að fanga.

Skoða...

26.
Ríman

Virgull svarar og var þá hljóður,
vígður af inni sínu:
Hverju býsnar, bóndinn góður,
ber mig út af mínu.

Skoða...

27.
Ríman

Það vil ég sverja þegar þú vilt
og þó fyrir hugsun mína
grand hef ég hvorki gert þér illt
né girnst á eigu þína.

Skoða...

28.
Ríman

Vill þó steininn verja mér
veitir gulls hins rauða?
Því mun allt mitt hyskið hér
hljóta af sult og dauða.

Skoða...

29.
Ríman

Bóndinn svarar og blíðkar sig
bardaga manni deigum:
Ei skal kompán kúga þig,
kaupskap vil ég við eigum.

Skoða...

30.
Ríman

Þú skalt halda þennan stein
þinn í friði og náðum
en þú ger með ekki mein,
allt að mínum ráðum.

Skoða...

31.
Ríman

Skil ég þú gerir mér skikkju og stól
skapað að minni eggju.
Brjá skal rétt sem birti sól
burt af hvoru tveggju.

Skoða...

32.
Ríman

Hver sem kemur í kápu þá,
kostaðu þar til, granni,
lýðum öllum lítist sá
líkari engli en manni.

Skoða...

33.
Ríman

Þegar gersemin gjaldast mér
gerð með skartið ljósa
lykja skal ég þá, litur minn, þér
laun sem þú vilt kjósa.

Skoða...

34.
Ríman

Svaraði hinn og gerðist gild
gleði í visku landi:
Þú skalt öðlast þína vild,
þetta er engi vandi.

Skoða...

35.
Ríman

Kaupa nú með kærleiks plag
kátir og þannig skilja
en áttu finnast ákveðinn dag
eftir bóndans vilja.

Skoða...

36.
Ríman

Bóndinn þá til bæjarins snýr
búskap sinn að rækja
uns að hraustur hjálma týr
heim skal dverginn sækja.

Skoða...

37.
Ríman

Heiman fór og varð ei valt
vopna lundurinn fróði,
finnur dverg og fékk það allt
sem fyrr var greint í óði.

Skoða...

38.
Ríman

Bóndinn gaf honum brýni og hein,
bæði stór að líku,
en dvergurinn upp með hlátri hrein
harla feginn af slíku.

Skoða...

39.
Ríman

Nú fer heim af hljóði hann
og hirðir gripina báða,
sína hústrú síðan fann
og segir við lindi þráða.

Skoða...

40.
Ríman

Þú skalt fara á þykkvan skóg,
þorna lindin fríða,
okkur að sækja eplin nóg
en ég mun heiman ríða.

Skoða...

41.
Ríman

Héðan af skaltu hringa reim
hvern dag skóginn plægja
þar til ég kem, þorngrund, heim,
þá mun fullvel nægja.

Skoða...

42.
Ríman

Bóndinn segir hvar bauga ná
best mun epla að leita,
síðan skilur við sætu þá
sviftir ofnis reita.

Skoða...

43.
Ríman

Hér næst frá ég hann heiman ríður
en hústrúin fer til skógar
sækja eplin seima fríður
svinn og plómur nógar.

Skoða...

44.
Ríman

Þar með hefur hún þennan sið
þá hún ei skóginn tínir
kæran leikur klerkinn við
og kærleik allan sýnir.

Skoða...

45.
Ríman

Brátt kom dagur sá bóndinn heim
brúði lofaði að ríða.
Sukk var þá ekki síst með þeim
sætu og klerknum fríða.

Skoða...

46.
Ríman

Fer hún þá út á fagran skóg
og fyllir bóndans vilja.
Eplin tekur og aldin nóg
annað bauga þilja.

Skoða...

47.
Ríman

En þegar búin var bæjarins til
birg af nöðru tóli
sér hjá veginum seima bil
sitja mann á stóli.

Skoða...

48.
Ríman

Þessi virtist, það vil ég tjá,
þöllu linna síka
eins og sagt er englum frá,
aldrei sá hún hans líka.

Skoða...

49.
Ríman

Frúin var þá með feltri södd
framar en hér um ræðast,
en hann mælti mjúkri rödd:
Mig þarftu ekki hræðast.

Skoða...

50.
Ríman

Bittu um miskunn, brúðurin, þér,
betra er öllum þetta.
Kann vera nú sé kostur hér
klækjunum burt að fletta.

Skoða...

51.
Ríman

Hver ertu, sagði hryggileg,
af hjartans mjúkum vilja.
Gjarnsamlegana girnumst ég
gæsku þína að skilja.

Skoða...

52.
Ríman

Þú mátt, syndug þorna rist,
þungum stödd í voða,
sjá hér upp á sjálfan Krist
sendan þér til góða.

Skoða...

53.
Ríman

Nú þó ég vilda næra þig
og nógri miskunn gæddi
kæran skalt ei kalla mig
Krist þann María fæddi.

Skoða...

54.
Ríman

Sendur er ég af sönnum Krist,
sætan má það skilja,
þeim sem ráfa í röngu fyrst
og rétta hag sinn vilja.

Skoða...

55.
Ríman

Einsetumönnum er sá kraftur
af mér gefinn að þiggja.
Vísa ég þeim til vegarins aftur
að viltir á skógum liggja.

Skoða...

56.
Ríman

Því mega menn og þorna ristur,
þær sem ég gjöri að náða,
skilja ég heiti Skógarkristur,
skipaður þeim að ráða.

Skoða...

57.
Ríman

Blessaður sért þú, brúðurin kvað,
býsna dýr í verði,
féll hans síðan fótum að
og fyrir sér krossinn gerði.

Skoða...

58.
Ríman

Fræddu mig á því, faðirinn dýr,
fæstir trúi ég það þekki,
hvar þeim stundum blessaður býr
þú blífur á himnum ekki.

Skoða...

59.
Ríman

Konunni ansar Kristur þá:
Komast að slíku færri,
hér er í skóginum hellir sá
húsunum þínum nærri.

Skoða...

60.
Ríman

Virðar mega því vor og haust,
vetur og sumarið heita
sækja þangað sjálfs míns traust
og sinnar hjálpar leita.

Skoða...

61.
Ríman

Bý ég því nærri bónda og þér,
brúðurin má það skilja,
einatt gerir sá odda grér
eftir mínum vilja.

Skoða...

62.
Ríman

Einnig gerir þú oss í vil
en ekki er líkt um þetta.
Því hef ég ætlað, þorna bil,
þinni byrði að létta.

Skoða...

63.
Ríman

Veit ég þín eru verkin ljót,
víf, með nokkrum hætti.
Þau skal forðast, þrifleg snót,
þýð, svo hjálpast mætti.

Skoða...

64.
Ríman

Og er nú best að betra þig,
bauga lindin fríða,
ellegar fær þú auðnu svig,
ekki er langt að bíða.

Skoða...

65.
Ríman

Þá svarar enn hin þrifna snót
og þó með slíkum hætti:
Hver er til þessa, blessaður, bót
að bjargast sálin mætti.

Skoða...

66.
Ríman

Ef þú vilt þér ágætleg
auðar fylgi blíðan
skaltu fara að skrifta þig
skjótt og iðrast síðan.

Skoða...

67.
Ríman

Mun þá hjálpast menþöll blíð
meður fráhvarfi synda.
Það er mitt traust, kvað þorna hlíð,
þú megir og leysa og binda.

Skoða...

68.
Ríman

Vinna mun ég á syndum sigur
snart með ráði þínu
ef þú, faðirinn elskulegur,
athæfi hlýðir mínu.

Skoða...

69.
Ríman

Skógar mælti Kristur kyrr
komdu þá, sprundið fríða,
en aldrei hef ég veitt það annarri fyrr
eyrna skrift að hlýða.

Skoða...

70.
Niðurlag

Skorðan gekk til skriftarföður
Skógarkrist við eyra.
Týrs skal falla tanna lögur,
taki hann þeir sem heyra.

Skoða...

Skógar-Krists rímur, 1. ríma

næsta ríma >>