Karel

Filipó rímur — 3. ríma

— Óþekktur höfundur

Lemmata | Textatengsl
umgjörð ríman

1.
Formáli

Flýgur af strengjum fræða ör,
en fólkið þagni!
Filipó greinir fljóði svör
í ferskum vagni.

Skoða...

2.
Ríman

„Lítt mun gott til lækna hér
að leysa grand;
því vil ég, fljóðið, fylgja þér
í föður þíns land."

Skoða...

3.
Ríman

„Það er mér, herra, hættu vant
að hjálpa þig;
sannan heiðurinn set ég í pant
og sjálfa mig."

Skoða...

4.
Ríman

„Vil ég þér eigi veita blygð,
hin væna frú!
ég legg mig upp á yðra dygð
með æru og trú."

Skoða...

5.
Ríman

Drósin geymir darra meið
með dygðar valdi;
fljóðið gengur fram á leið
að föður síns tjaldi.

Skoða...

6.
Ríman

Milding geymir meyjan hvít
með mekt og prýði;
Blávus heldur burt af Krít
með búna lýði.

Skoða...

7.
Ríman

Jafnan þessi kurteis kæri
kóngsson gleður;
engi viss, Filipó færi
frúnni meður.

Skoða...

8.
Ríman

Milding sjálf og hin mæta þjóð
og múgurinn flestur,
það hef ég spurt, þeir spenntu voð
í Spania vestur.

Skoða...

9.
Ríman

Mengið gengur á móti þeim
og margir bragnar;
koma þeir svo til hallar heim,
að hirðin fagnar.

Skoða...

10.
Ríman

Silki tjaldið svanninn á
hinn sæmdar mildi;
það mátti engi augum sjá,
nema auðgrund vildi.

Skoða...

11.
Ríman

Töfrar fylgja tjaldi því,
sem talaðir minna;
fríðan geymir Filipó í
hin fræga kvinna.

Skoða...

12.
Ríman

„Friggja heitir fóstra mín
kvað fríður svanni
hún skal, gramsson, geyma þín
í góðu ranni."

Skoða...

13.
Ríman

Reinald kóngur og refla gátt
með rausnar starf
fengu sorg á flestan hátt,
að Filipó hvarf.

Skoða...

14.
Ríman

Angrar þetta auðgan nú
og einn veg snauðan;
herrann sjálf og hæversk frú
þau hugðu hann dauðan.

Skoða...

15.
Ríman

Hálfan mánuð leita lætur
lýðurinn svinni;
kemur sá engi kappinn mætur,
að kóngsson finni.

Skoða...

16.
Ríman

Vestur í Spania varð hann græddur
og vel til reika;
þegar vill öðling eigi hræddur
úti leika.

Skoða...

17.
Ríman

Bannar þetta bauga skúr
með bragða skildi;
hann komst aldrei húsi úr
nema hlaðgrund vildi.

Skoða...

18.
Ríman

Spania heldur sjóli sá
með sæmd og prýði;
það skal heldur í hróðri tjá,
er hryggir lýði.

Skoða...

19.
Ríman

Öðling sjálfur um eina stund
og ýtar frægir
horfa út á humra grund,
er hreggið lægir.

Skoða...

20.
Ríman

Sigldi af hafinu, og sá til hátt
sextíu skeiða,
sá mun ætla bragning brátt
að brenna og meiða.

Skoða...

21.
Ríman

Kóngurinn er þar kominn við land,
er Kastor hét;
tiggi stígur trylldur á sand
og tjalda lét.

Skoða...

22.
Ríman

Aldrei varð með sverði sár
sá sjóli hinn ríki;
hann var átta álna hár
og jötuns í líki.

Skoða...

23.
Ríman

Blóði lætur hann blanda þrátt
byrlað vín;
étur hann æ sem hrafnar hrátt
með höldum sín.

Skoða...

24.
Ríman

Kóngurinn Blávus kappa sendi
Kastor finna;
bauð þeim sátt af siklings hendi
sjóla inna.

Skoða...

25.
Ríman

Felix hét sá frægðar drengur,
að fyrir þeim var;
inn í tjaldið öðlings gengur
og erindin bar.

Skoða...

26.
Ríman

Bauga Týr fyrir borðið sté
og bragna gladdi;
studdi niður stoltar kné
og stilli kvaddi.

Skoða...

27.
Ríman

Vísir spurði vaskan mann
að veldi og nafni;
Kastor kveðst að heiti hann,
herra jafni.

Skoða...

28.
Ríman

„Herra sá, er heiðurinn styður
í heimi öllum,
veislu býður, vísir, yður
með virðum snjöllum."

Skoða...

29.
Ríman

„Seg það heim í samri stund
með seggi þína:
koma skal ég á kóngsins fund
með kappa mína."

Skoða...

30.
Ríman

„Lofðungs dóttir ljós og rjóð,
er Lilja heitir
þetta ætla ég faðma fljóð,
ef fræðgin veitir."

Skoða...

31.
Ríman

„Þegar á morgun þreyti ég stríð
og þegnar allir;
tek ég á burtu bauga hlíð
og brenni ég hallir."

Skoða...

33.
Ríman

Sendimaðurinn síðan rann
fyrir sjóla heim;
erindi kóngsins innir hann
fyrir öllum þeim.

Skoða...

34.
Ríman

„Kastor þessi, að kominn er hér,
kóngur að veldi,
bardaga vill hann bjóða þér
og bruna með eldi;"

Skoða...

35.
Ríman

„nema þér giftið dögling dýrum
dóttur þína;
þá mun heftast höldum skýrum
hatur og pína."

Skoða...

36.
Ríman

Blávus talaði brögnum hjá
og bendi vigur:
„hversu fríður er herra sá
eða hofmannlegur?"

Skoða...

37.
Ríman

„En svo hans er hold sem lík
með hverju beini,
sem þar væri borið á bik
með brennisteini."

Skoða...

38.
Ríman

„Gramur er digur og geysi hár
að garpurinn kvað
hann er svartur en hálfur blár;
ég hugða að."

Skoða...

39.
Ríman

Vaskur svaraði vella grér
og vildi ei þegja:
„hann er að öllu hálfu verr,
en ég kann segja."

Skoða...

40.
Ríman

„Maklegra væri hann missti líf
að mælti tiggi
fyrr en honum hið fagra víf
í faðmi liggi."

Skoða...

41.
Ríman

Boð eru send en blásinn lúður
af brögnum hátt;
herinn dreif til hilmis prúður
harla brátt.

Skoða...

42.
Ríman

Nú var tíminn nógu stuttur
í nauðum slíkum;
því varð eigi flokkurinn fluttur
að fylki ríkum.

Skoða...

43.
Ríman

Blávus út af borginni ríður
og bragna sveitir;
kemur á móti kóngurinn stríður,
er Kastor heitir.

Skoða...

44.
Ríman

Virðar tóku að vopnast brátt
á völlum þar;
segja skal fyrst af seima gátt,
að sorgir bar.

Skoða...

45.
Ríman

Gekk að Filipó gullhlaðs grund,
sú græddan vann;
með tárum grætur tignar sprund
og talar við hann.

Skoða...

46.
Ríman

„Lífgjöf áttu að launa mér
að Lilja kvað
nú vil ég heimta hana að þér
og hafa í stað."

Skoða...

47.
Ríman

„Faðir minn ætlar brodda blik
við blámann heyja;
hörmulega það hryggir mig,
ef hann skal deyja."

Skoða...

48.
Ríman

„Gleðjast mun þá garpur og snót
kvað göfgust frú
ríð þú þessum risa á mót
og reyn þig nú!"

Skoða...

49.
Ríman

Filipó var nú fús til þess
að frelsa stilli;
leitt var þangað listugt ess
að laufa spilli.

Skoða...

50.
Ríman

Stillis arfinn stökk á bak
með stoltar lífi;
Herjans tók hann hallar þak
af horsku vífi.

Skoða...

51.
Ríman

Veik að Filipó gullhlaðs grund
og gaf honum drekka;
hann minntist þá við mektugt sprund
og missti ekka.

Skoða...

52.
Ríman

Aldrei bar hann þá eina sorg
fyrir jungfrúr líf;
gramsson ríður glaður af borg,
en gráta víf.

Skoða...

53.
Ríman

Filipó ríður fram á grund,
þar fylkt var seggjum;
hér mun vaxa heiftar lund
með hvorum tveggjum.

Skoða...

54.
Ríman

Leit hann upp á lofðungs makt
um litla hríð;
eigi höfðu virðar vakt
með vopnum stríð.

Skoða...

55.
Ríman

Vaskur talaði virðum hjá,
svo vel má skilja:
„kónginn ætla ég Kastor sjá,
ef kappar vilja."

Skoða...

56.
Niðurlag

Riddara sveitin rúmið gaf
að ríða um völlu;
hér skal fífan fljúga í kaf
með fræði öllu.

Skoða...

Filipó rímur, 3. ríma

næsta ríma >>