Karel

Þrymlur — 3. ríma

— Óþekktur höfundur

Lemmata | Textatengsl
umgjörð ríman

1.
Formáli

Þar skal brátt hin þriðja mærð
þegna sveit af afli færð.
Loptur greiddi lýðum svör
löngum þótti hann slyngur við för.

Skoða...

2.
Ríman

»Ekki svaf hún um átján dægur
Óðins talaði þrællinn slægur
svo var hún hingað Freyja fús
fari nú menn og tjaldið hús«.

Skoða...

3.
Ríman

Síðan settist brúður á bekk,
Baugi allt til veislu fékk;
bar hún af flestum brúðum stærð
býsna digur og allvel hærð.

Skoða...

4.
Ríman

Loptur svaf hjá lauka rein,
leist hún vera sem þernan ein;
tröllin frá ég að tóku upp borð,
talaði brúðurin ekki orð.

Skoða...

5.
Ríman

Allir skipuðust jötnar tólf
öðru megin við hallar gólf,
hlaupa upp með heimsku á bekk,
hefur sá verr að fyrir þeim gekk.

Skoða...

6.
Ríman

Þar var Surtur, Haki og Hrymur,
höfðinginn var jötna Þrymur,
Sörkvir, Móði, Geitir og Glámur,
Grímnir, Brúsi, Dofri og Ámur.

Skoða...

7.
Ríman

Ei var þeirra flokkurinn fríður;
Fála kom þar inn og Gríður,
Hlökk og Syrpa, Gjálp og Greip,
geysilegt var þeirra sveip.

Skoða...

8.
Ríman

Komu á borðið bryttrog stór,
brúðir sátu upp hjá Þór;
jaxlar veittu jötnum lið,
engi hafði hnífinn við.

Skoða...

9.
Ríman

Börðust þeir með býsnum svo,
blóðið dreif um alla þá,
knútum var þar kastað oft,
komu stundum hnefar á loft.

Skoða...

10.
Ríman

Uxa frá ég að æti brúður,
ekki var þeirra leikurinn prúður,
lagði hún að sér laxa tólf
og lét þó aldrei bein á gólf.

Skoða...

11.
Ríman

Undra taka nú jötna sveit,
át og drykk að brúðar leit,
»fljóð er orðið furðu gert«
flagðið talaði þannig hvert.

Skoða...

12.
Ríman

Loptur heyrði ljótan kurr,
»lengi svaraði Nála bur
hvað kann verða hverju líkt;
hafi þér skamm er talið um slíkt.

Skoða...

13.
Ríman

Fastað hefur hún fjórtán nætur,
Freyja sjálf og halurinn mætur,
drósin hvorki drakk né át;
drjúgmjög er hún nú orðin kát«.

Skoða...

14.
Ríman

»Fáumst vér eigi í forsi nú,
furðu ill er skemmtan sú,
Brúsi talaði bragða-forn
beri þér inn hið mikla horn«.

Skoða...

15.
Ríman

Kom sá inn, er krásar mat,
og kennir þegar, hvar brúðurin sat,
hafði á sér höfuðin þrjú;
hræddir mundu flestir nú.

Skoða...

16.
Ríman

Furðu var það hornið hátt,
er Hafli tók við einkar brátt;
byrlara þeim, er Baugi gaf,
brúðurin drakk í einu af.

Skoða...

17.
Ríman

Krásar þegar að komu til,
kenna réð þær menja Bil;
seggir tóku að segja í senn:
»sáld af mjöðinum drakk hún enn«.

Skoða...

18.
Ríman

Kallar Þrymur á kappa sín:
»komi þér fram í helli mín;
mæli þér að móðir vor
meyju færi Gefnar tár«.

Skoða...

19.
Ríman

Kerling þessi kemur í höll,
knýtt er hún og bömluð öll,
hafði hún vetur um hundrað þrenn;
hvergi var hún þó bognuð enn.

Skoða...

20.
Ríman

»Syrpa ég vil senda þig,
sækja skaltu hamar fyrir mig
niður í jarðar neðsta part«;
nú mun verða leikið margt.

Skoða...

21.
Ríman

Hvergi gátu hamarinn fært
hundrað manns, þó til sé hrært;
Keila setti upp kryppu bein,
kerling gat þó borið hann ein.

Skoða...

22.
Ríman

Hamarinn kom í höllina stór,
hvort mun nokkuð gleðjast Þór?
mærin þrífur Mjöllni viður;
margir drápu skeggi niður.

Skoða...

23.
Ríman

Sundur í miðju borðin brýtur,
brauð og vín um gólfið hrýtur,
jötnum versnar heldur í hug,
hjartað þeirra er komið á flug.

Skoða...

24.
Ríman

Braut hann í sundur í Beslu hrygg,
brúðurin féll þar eigi dygg,
síðan lemur hann tröllin tólf,
tennur hrjóta um hallar gólf.

Skoða...

25.
Ríman

Æsilegur var Ásaþórr,
upp mun reiddur hamarinn stór,
setti hann niður á Sauðungs kinn,
sökk hann þegar í hausinn inn.

Skoða...

26.
Ríman

Pústrað hefur hann pilta Rymur,
prettum var leikinn skálkurinn Þrymur,
hann fékk högg það hausinn tók,
höfuðið fast með afli skók.

Skoða...

27.
Niðurlag

Þrymlur heiti þetta spil;
þannig gekk um hamarinn til;
eignist sá, sem óðar biður,
ekki skal þeim kasta niður.

Skoða...

Þrymlur, 3. ríma