Karel

Ektors rímur — 8. ríma

— Óþekktur höfundur

Lemmata | Textatengsl
umgjörð ríman

1.
Formáli

Mín er lyst í Leiknar gust
ljósri að færa Sónar must
bauga rein með blíðu grein
bætir þau hin gömlu mein.

Skoða...

2.
Formáli

Hringa skorð með hæversk orð
heimtir þrátt að víga Njörð
hefti lið þó löng sé bið
leita skal ég um síðir við.

Skoða...

3.
Formáli

Undra ég hitt að fljóðið frítt
freistar lags við kvæðið mitt
bragurinn stirður í brjósti hirður
af brúðum mun hann þó lítils virður.

Skoða...

4.
Formáli

Hætti ég þar til Herjans far
herra góður í kastala var
stála bör að stýrði ör
stirðleg þótti bræðra för.

Skoða...

5.
Ríman

Trancival með tiginn hal
talaði þá sem heyrast skal
finnum þann hinn færa mann
er frækna bræður í kífi vann.

Skoða...

6.
Ríman

Fylgið mér kvað fleina grér
ferskir bræður um landið hér
reynum mátt við riddarann brátt
rofna skal þá Fjölnis gátt.

Skoða...

7.
Ríman

Bauga njót með blíðu hót
bræður gáfu andsvör skjót
okkur lund við laufa fund
lystir enn á þennan fund.

Skoða...

8.
Ríman

Hlaupa á glað með heift í stað
hreysti menn sem kóngsson bað
ríða þá með brandinn blá
borgar múgurinn rekka sá.

Skoða...

9.
Ríman

Kappinn skæður kennir bræður
klagar af mörgum ægis glæður
leit nú þar þann ljóma bar
lindar álf á stoltum mar.

Skoða...

10.
Ríman

Hans er bráður gæsku gráður
garpinn leit hann aldrei áður
fýstist reiður fleina meiður
fast að lægja riddarans heiður.

Skoða...

11.
Ríman

Sprang á jó og sporunum hjó
sparir ei glammi unda sjó
blakkurinn rann með buðlungs mann
búinn í stríð og riddarann fann.

Skoða...

12.
Ríman

Þessum gegn með grimdar megn
gjarn að vekja benja regn
röskum hal með reyndar fal
riddarinn góður Trancival.

Skoða...

13.
Ríman

Rekkar þeir eru reyndir tveir
ríðast að með stæltum geir
brotna stengur en bugnir gengur
bifaðist hvorgi í söðli drengur.

Skoða...

14.
Ríman

Rennast hjá sem harðast má
hestar þeir en kóngsson þá
fálka kleif í fjörni þreif
fleina Týr að jörðu sveif.

Skoða...

15.
Ríman

Hölknir sprang þá honum í fang
og hafði illan fóta gang
lestust bein fyrir lindar hrein
Lurector fékk dauða mein.

Skoða...

16.
Ríman

Tigin þjóð í turnum stóð
tiggi sjálfur og kóngsins jóð
reiðin svall fyrir ræsis fall
ræsi þeim í sinnu hall.

Skoða...

17.
Ríman

Hilmir dýr að halnum snýr
hundrað manns til rómu býr
rekkinn þann sem riddarann vann
ræna skulum vér lífi hann.

Skoða...

18.
Ríman

Þessi her að fyrðum fer
friðurinn nú með öllu þver
buðlungs nið að brustu grið
bræður veittu ágætt lið.

Skoða...

19.
Ríman

Íman hörð var eigi spörð
ýtar kljúfa hrumþvengs jörð
bragnings mund við brodda fund
brytjar margan auðar lund.

Skoða...

20.
Ríman

Fálu mar þeir fylldu þar
Fjölnis tundur búka skar
ylgjar börn eru átu gjörn
unda megu þau drekka tjörn.

Skoða...

21.
Ríman

Blíður og mætur bragna lætur
bæði missa hendur og fætur
hringa Týr en hjörva gnýr
harðlega nú við margan býr.

Skoða...

22.
Ríman

Ljónið fimt við lýði grimmt
laufa élið gerðist dimmt
blakka og menn enn blóðið renn
bæði sló til heljar senn.

Skoða...

23.
Ríman

Féll á jörð fyrir málma Njörð
mildings þjóðin eigi spörð
en sá ekur er áður var sekur
unda flæði mörgum vekur.

Skoða...

24.
Ríman

Öðlings þjóð að eftir stóð
öll var bæði sár og móð
flýðu þeir með fránan geir
fjörutíu en ekki meir.

Skoða...

25.
Ríman

Eftir ríður eigi að síður
öðlings sonur og flokkurinn fríður
hefur þá tal við hilmi í sal
hreysti maðurinn Trancival.

Skoða...

26.
Ríman

Riddarinn brýður bragning þýður
borgar fylgir þessu lýður
að ganga á hand með gylldan brand
gjarna styrki ég yðvart land.

Skoða...

27.
Ríman

Rétt í stað vill þiggja það
þengill ríkur drengnum að
trausta bræður tiggi skæður
tekur í sátt því kóngsson ræður.

Skoða...

28.
Ríman

Kemur sér brátt í kærleiks mátt
kappinn hittir menja gátt
kóng mær dygg þann kesju Ygg
kæran heldur í Fenju glygg.

Skoða...

29.
Ríman

Engi mann það undra kann
jungfrú talar við riddarann þann
ætla ég part með afmors art
einn veg taka þau bæði snart.

Skoða...

30.
Ríman

Í ríkið kemur sá rómu fremur
ræsir þann er skjöldu lemur
Tírus fer með trylldan her
tignar maður af Líbía er.

Skoða...

31.
Ríman

Vill hann fá þá veiga Ná
vænust mátti í ríki sjá
eyða land og auka grand
öglis ræna dýrum sand.

Skoða...

32.
Ríman

Lést þar fyrr við laufa styr
Lurector sem ei var kyrr
riddari sá var ræsi frá
rekkar vilja hefndum ná.

Skoða...

33.
Ríman

Herrann svinnur hreysti vinnur
hundrað skipa en eigi minnur
þangað hélt en fólk var fellt
fylkir hefur ei reiði melt.

Skoða...

34.
Ríman

Hér kom næst með hoffólk stærst
herra Tírus óttast fæst
fylking setur sem fljótast getur
flokkurinn allur þessa hvetur.

Skoða...

35.
Ríman

Þessi er trylldur og töfrum fylldur
tiggja er hann þó nokkuð skyldur
hindrar fátt við hjörva þátt
hann er risi að eðli og mátt.

Skoða...

36.
Ríman

Fylkir lands er frægðin vannst
fjölda lætur safna manns
herinn knár með brynjur blár
búinn var þegar í eggja fár.

Skoða...

37.
Ríman

Stillis drótt með stálið mjótt
stefndi í móti Tírus fljótt
horna gangur harður og langur
hlakkar valur til bráða svangur.

Skoða...

38.
Ríman

Media gramur á menntir framur
milding þótti í rómu tamur
fylkja lætur fylkir mætur
fræknu liði en kvendið grætur.

Skoða...

39.
Ríman

Stóð þar fyrstur í stríðið lystur
stillis arfinn reiður og byrstur
vopn hans öll við geira göll
glóuðu rétt sem handar mjöll.

Skoða...

40.
Ríman

Aðra hlið sá engan frið
ýtum býður ef kemst svo við
ljónið stóð hjá stála rjóð
stórum byrstur á heiðna þjóð.

Skoða...

42.
Ríman

Trylldir menn af Tíró enn
tóku að grenja allir senn
illur lýður ekki þýður
ýtum þegar til rómu býður.

Skoða...

43.
Ríman

Skothríð brast á skötnum fast
skjöldinn klýfur glaðél hvasst
öldin fellur en undin svellur
álmurinn víða í fylking gellur.

Skoða...

44.
Ríman

Blámenn fram í brodda glam
brögnum veittu unda sam
sóttu hart en sverðið bjart
sundur klýfur fólkið margt.

Skoða...

45.
Ríman

Þetta leit að laufinn beit
lofðungs arfi staðarins sveit
málma ýr í móti snýr
margur féll þá stála Týr.

Skoða...

46.
Ríman

Brytjar sundur Berlings tundur
bragna hvern svo þótti undur
valköst hleður sá vífin gleður
veittist mörgum Heljar beður.

Skoða...

47.
Ríman

Felldu þeir með fránan geir
fyrða marga bræður tveir
fekkst ei mak við fleina skak
fylking Tíro gekk á bak.

Skoða...

48.
Ríman

Ljónið drap við geira gap
gildlegt fékkst þar manna tap
hesta og menn sem heyrið enn
herra Tírus alla senn.

Skoða...

49.
Ríman

Dýrið fann sá fyrða kann
ferlega sníða heila rann
Atrimón hann felldi á frón
flokkum menn við geira tjón.

Skoða...

50.
Ríman

Engi stóð við örva rjóð
ylgurin drakk hið varma blóð
Leiknar ver af lýðum ber
ljónið honum á móti fer.

Skoða...

51.
Ríman

Dára eggur dýrið leggur
dvelst þá ekki hinn heiðni seggur
halanum slær sem harðast fær
hrottinn missti spjótið nær.

Skoða...

52.
Ríman

Dýrið rann á dólginn þann
drjúgum hrapaði illsku mann
sem óðast getur því engi letur
öflgar klær í bringu setur.

Skoða...

53.
Ríman

Góma kníf í garpsins líf
grimmlega rekur að fleina dríf
hrottinn knár er kenndi sár
kunni að hamast við snertu fár.

Skoða...

54.
Ríman

Hrygginn fékk með hauka bekk
hundólf tekið og að fram gekk
glímdu þá en gumnar sá
gripnir stígur jörð til knjá.

Skoða...

55.
Ríman

Hremmdust fast en hryggurinn brast
hlaut þá ljónið dauða fast
Agrimón fékk ævi tjón
undan féll á Grýtings kvon.

Skoða...

56.
Ríman

Hér næst ríður harla fríður
herra kóngsson byrstur og stríður
lét á mar þann merkið bar
mættust þeir í kífi þar.

Skoða...

57.
Ríman

Gaflak rekur sá gönla vekur
gilda hríð en allvel tekur
framan í kvið á fleina við
fékk hann lítil heljar bið.

Skoða...

58.
Ríman

Tírus leit á sína sveit
svall í brjósti reiðin heit
hetjan sú með hrumþvengs brú
hitti í stríði kóngsson nú.

Skoða...

59.
Ríman

Þengill hjó með sóma svo
sýndist eigi eggin sljó
essið brá sér undan þá
ei kom höggið riddarann á.

Skoða...

60.
Ríman

Skrými hlaut en skjölldung laut
skjótt mun Tírus koma í þraut
að hlaupa grund en grenjar und
gramur hélt þá með sterkri mund.

Skoða...

61.
Ríman

Kempan dygg á kóngsins hrygg
karsklega hjó með brennu Ygg
búkinn sneið á bauga meið
bragning sneri á heljar leið.

Skoða...

62.
Ríman

Vísis fall með virðum svall
var þá nóg í hernum kall
ræsis her en róman þverr
rann til skipa sem mátti hver.

Skoða...

63.
Ríman

Hljóð á skeiður herinn reiður
höldum var þá byrinn greiður
sigldu heim um saltan geim
sagt er ekki meira af þeim.

Skoða...

64.
Ríman

Hilmir snýr til hallar dýr
harmur og tregi í burtu flýr
sæmdar mann er sigurinn vann
sveitin gjörvöll lofaði hann.

Skoða...

65.
Ríman

Blíðkast víf er brotin var hlíf
burt er horfið gjörvallt kíf
skýrðar mann að skemmu fann
skjöldungs arfa jungfrú ann.

Skoða...

66.
Ríman

Bónorð sitt við fljóðið frítt
fylkir tók því varla strítt
hefur nú brátt við heiðurs mátt
höldar lofuðu menja gátt.

Skoða...

67.
Ríman

Hryggð var svipt en hringa nift
hilmis arfa var þá gift
gladddist lýður garpurinn þýður
grábaks teiga mörgum býður.

Skoða...

68.
Ríman

Vínið gleður virða meður
veitist mörgum nöðru beður
brullaups gjörð við bauga Njörð
bíða lætur kempan hörð.

Skoða...

69.
Ríman

Dvaldist sá nú hilmi hjá
höldum veitir orma snjá
uns að heim frá herra þeim
halurinn býst með rauðan seim.

Skoða...

70.
Niðurlag

Taura raftur í Tyrkland aftur
trúi ég að þeim sé heiðurinn skaptur
vendir nú frá vella brú
viggjar raustin falli sú.

Skoða...

Ektors rímur, 8. ríma

næsta ríma >>