Karel

Pontus rímur — 8. ríma

— Magnús Jónsson, Pétur Einarsson, Ólafur Halldórsson

Lemmata | Textatengsl
umgjörð ríman

1.
Formáli

Eg finn nú, að öngum gast
óðurinn sá eg felldi,
því skal Bölverks belginn fast
blása að slokknum eldi.

Skoða...

2.
Formáli

Vilji nærast neisti sá,
nokkra jungfrú verma
hrindi í burt úr hjarta þrá,
en huginn af kæti ferma.

Skoða...

3.
Formáli

Sérhvört er það steypir eður styður,
stynja sárt eða dilla,
byggja upp eða brjóta niður,
blessa eður mæla illa.

Skoða...

4.
Formáli

Bið eg mitt heyra meyjar mál,
mansöng læt eg rigna;
mætti hjörtun hörð sem stál
í hróðrar eldi digna.

Skoða...

5.
Formáli

Yfir stár nú óárs tíð,
æski eg bót á seinni,
mitt vill ekki mansöngs smíð
meyju þóknast neinni.

Skoða...

6.
Formáli

Á mínum óð er engin hind,
enn þó við megi sæma;
hatur og elska eruð bæði blind
beint um nokkuð dæma.

Skoða...

7.
Formáli

Jafnan að mér þankast það,
því er eg hér við bundinn,
að ekki finni einhvör að,
aldri mun sá fundinn.

Skoða...

8.
Formáli

Mig þó kunni menntin nú
og mælsku hér til bresta,
viljann tak fyrir verkið, frú,
og virð so til hins bezta.

Skoða...

9.
Formáli

Ber að líða mey við mann,
þó misgáningur blekki,
þar sem vöndur véla kann
að vísu finnast ekki.

Skoða...

10.
Formáli

Þó í vísum víki frá
vegi skálda sönnum
vilji góður virðast á
vel fyrir öllum mönnum.

Skoða...

11.
Formáli

Lystir áfram lengra skeið
loksins mig að renna,
so eg finni fyrri leið
flokkinn auka þenna.

Skoða...

12.
Ríman

Rímu frá eg fyrri gekk
er fundi lýkur ströngum,
þar sem kóngsson frægur fékk
fylli vargi svöngum.

Skoða...

13.
Ríman

Pontus segir sigurinn sinn
sjálfum guði að kenna;
kom hann fús í kirkju inn
og kraup fyrir heiðurinn þenna.

Skoða...

14.
Ríman

Þakkar guði í þessum stað
þá sem mjúkast kunni;
um meira styrk að blíður bað
bæði af hjarta og munni.

Skoða...

15.
Ríman

Í fyrstu offrar fylkir fríður
fórnir sínar allar,
stígur á bak og burtu ríður
að boða lið til hallar.

Skoða...

16.
Ríman

Pontus strax að gengur greitt
að göfugum hnekkir styrjar;
kveðjur fékk hann kærar veitt
kóngi sem honum byrjar.

Skoða...

17.
Ríman

Kóngur segir af kátum móð
við kappann gylltra hlífa,
að hann muni verja hoska þjóð
og heiðna burtu drífa.

Skoða...

18.
Ríman

Meðan að eykur köppum kurr
um kosti að velja sára,
ljósa hitti lofðungs bur
lindi Drúpnirs tára.

Skoða...

19.
Ríman

Strax að kom í kvenna lið
kveitir Fýris sáða,
vænan kvöddu vísirs nið
vefjur silkiþráða.

Skoða...

20.
Ríman

Allar báðu að óskum hans
ævin skyldi anga,
kváð; ei slíkan ljóma lands
sem lestir harðra spanga.

Skoða...

21.
Ríman

„Fremd og heiður, fegurð og kurt,
fæðu að veita hrafni,
hvar sem höfum um heiminn spurt,
hans finnist ekki jafni.“

Skoða...

22.
Ríman

Vær skulum láta liljur gulls
lundinn sverða prísa,
meðan gjörum grein til fulls
á grimmu stríði að lýsa.

Skoða...

23.
Ríman

Kóngur biður, að herra hvör
hans til fundar sæki;
hvör það heyrði hringa bör
og hilmirs boðskap ræki.

Skoða...

24.
Ríman

Til hallar kóngs að fjöldi fer
fljótt að leyfi gefnu;
síðan leiddi hoskan her
hann á ráða stefnu.

Skoða...

25.
Ríman

Biður þá gefa beztu ráð
brátt í slíkum vanda:
„So vér fangum frið og náð
og frelsan vorra landa.“

Skoða...

26.
Ríman

Flestum byggði hræðsla í hug
sig héldu meir en feiga;
öllum tók að aka í bug
ergi hjartans deiga.

Skoða...

27.
Ríman

Pontus þagði herrum hjá,
er hræðslan tók að stanza;
enginn kunni kappi þá
kóngi neinu að anza.

Skoða...

28.
Ríman

Kóngur biður buðlungs nið
beztu ráð að kenna,
segir: „Þess mun þurfa við,
ef þjóðir hlífar spenna.“

Skoða...

29.
Ríman

Pontus segist skynja skil
skjótra kosta tveggja:
„Þó eg sé ærið ungur til
öðrum ráð að leggja,

Skoða...

30.
Ríman

eg er fús á fylkirs boð
að fylla af öllum mætti,
svinnum veita sanna stoð
og segja, hvað mér þætti.“

Skoða...

31.
Ríman

„Náðugi herra, hlýði þér,“
kvað hilmirs sonurinn dýri,
„virðið ei til illsku mér,
þó ófrótt ráð eg skýri.

Skoða...

32.
Ríman

Hræðist aldi heiðna drótt,
þó hafi þeir ótal þegna;
guð kann sigri skipta skjótt,
skulu því allir gegna.

Skoða...

33.
Ríman

Viljann ekki vantar hann
að vernda sína í friði,
þeirra fjölda fella kann
með fáum af voru liði.

Skoða...

34.
Ríman

Börnum sínum guð mun gagn
gjöra til meiri þarfa,
hjálp að veita, hreysti og magn,
hvað sem skulu starfa.

Skoða...

35.
Ríman

Kristna alla kemur það við,
krenkist trúin ella;
þeim er oss skylt að leggja lið
og lýðinn heiðna fella.

Skoða...

36.
Ríman

Ef það litist yðar náð
og svo þeim hér standa,
skal það mitt hið skjóta ráð
að skrifa til allra landa.

Skoða...

37.
Ríman

Hér með biðja um hjálp og stoð
herra og första alla;
látið ganga bráðast boð
til borgar saman að kalla.

Skoða...

38.
Ríman

Látið fæðu færa í slot,
að fjöldi megi þar gista,
svo enginn spyrji þaðan þrot
þeirra neinna vista.“

Skoða...

39.
Ríman

Sitt réð enda síðan tal
svinnur fæðir ylgja;
þá vill flestallt þegna val
þessu ráði fylgja.

Skoða...

40.
Ríman

Hilmir lætur hernum brátt
í herför þessa bjóða;
dubba sig til dag og nátt
í dreyra sverðin rjóða.

Skoða...

41.
Ríman

Ýtar heyrðu um eina stund
örva drífu boðna;
herinn þeysti á hilmirs fund
með hjálma gulli roðna.

Skoða...

42.
Ríman

Til Vanis kemur múgi manns
er mátti orðlof þiggja;
enginn dirfðist innan lands
eftir heima liggja.

Skoða...

43.
Ríman

Æptu börn og mæður, menn,
meyjar kvöldust sorgum;
turnar hljóða, en tygjast senn,
tæmdist hús í borgum.

Skoða...

44.
Ríman

Kóngur spyr um langa leið
til liðs, sem von á átti;
hann á móti hernum reið
og höndlar bezt sem mátti.

Skoða...

45.
Ríman

Þeim hann fylgdi strax í stað
stoltar náðir þiggja;
hér ber fleira höndum að
en hæfi í kyrrðum liggja.

Skoða...

46.
Ríman

Þúsund fjögur þá voru send
þegna heiðna telja;
þegar för er þessi end,
þenkja ekki að dvelja.

Skoða...

47.
Ríman

Þá var skipt í fjóra fæst
flokka hernum öllum;
þar má líta ljómann glæst
með lið á grænum völlum.

Skoða...

48.
Ríman

Flokki einn með fagran geir
fylkir stjórna vildi;
gram skulu fylgja greifar tveir,
gylltum prýddir skildi.

Skoða...

49.
Ríman

Öruggir með eggjar blár
áttu að stýra borgum;
þessir kunna ei forðast fár
né firra hjartað sorgum.

Skoða...

50.
Ríman

León stýrði og Avel enn,
urnis þaktir svelli,
þeir skulu hjálpa hreystimenn
hnignum kóngi af elli.

Skoða...

51.
Ríman

Öðrum flokki Ragnar réð
og Rollant af Toll hinn fríði,
Galle af Victor var þeim með,
vanir í hörðu stríði;

Skoða...

52.
Ríman

Pontus, sá sem prýddi skraut
og prís til allra dáða;
með honum sjálfur Herlant hlaut
hinum þriðja ráða.

Skoða...

53.
Ríman

Vilhjálm af Roskis var þeim nær,
sem velti heiðnum mörgum;
Andri af Lator frækinn fær
fylli soltnum vörgum.

Skoða...

54.
Ríman

Guðfreyr af Leysing, listarmann,
laufa kann að beita,
Lénarð af Meyland líka hann
að lauga í Fófnirs sveita.

Skoða...

55.
Ríman

Enginn vissi í veröld senn
vera þeirra nóta;
í stríði lærðu stoltar menn
stöng í skjöldu að brjóta.

Skoða...

56.
Ríman

Herför var sú heiman gjörð,
höfðu útreið snöggva;
þessir fýsast þurra jörð
þussa tárum döggva.

Skoða...

57.
Ríman

Jörðin skalf, en skriðna fjöll,
skógar kvíða og grundir,
grétu ský, en tárast tröll,
tók í björgum undir.

Skoða...

58.
Ríman

Grenjar vargur, grætur blauður,
guðinn styrjar blakkar,
sortnar sól, en dragnar dauður,
dísir myrkurs flakka.

Skoða...

59.
Ríman

Þar næst ríða rökkur og dag,
rétta nótt og morgna;
hestar áttu illsku plag,
aldri af sveita þorna.

Skoða...

60.
Ríman

Öðling sér um eina nátt
að þeim ríða marga
rétta leið með rausnar mátt
riddara þeim að bjarga.

Skoða...

61.
Ríman

Höfðu þessir hundruð þrenn,
á hestum ekki seinir;
valla sáust vænni menn
vopnum skrýðast neinir.

Skoða...

62.
Ríman

Reinall af Selle riddari einn
og Róðbert af Campaigni,
Hans af Pólín, heyrði ei neinn
hans hjarta í stríði digni.

Skoða...

63.
Ríman

Kóngur gleðst, er kenndi þá,
kvaddi hýru máli;
þeir munu hefnast heiðnum á
og hörðu beita stáli.

Skoða...

64.
Ríman

Að morgni kóngur mælti hátt;
máttu allir heyra:
„Vér höfum lið það vænsta brátt
að vekja heiðnum dreyra.

Skoða...

65.
Ríman

Stendur vor hin tigna trú
með trausti yðar handa;
sýnið dáð og dugnað nú
með drengskap vorra landa!

Skoða...

66.
Ríman

Haldið yðar fylking fast,
farið svo vopnum beita,
utan þurfi oss með hast
aðra liðsemd veita.“

Skoða...

67.
Ríman

Pontus býður svinnum svör
sín í þessu rækja;
á alla skyldi heiðna hvör
heim á óvart sækja.

Skoða...

68.
Ríman

„Annars munum vér ekki grand
í öðrum ráðum finna;
þeir munu bæði lýði og land
loks um síðir vinna.“

Skoða...

69.
Ríman

Þetta öllum þótti ráð,
þá var fylkt á grundu;
landsmenn höfðu litla náð,
lítt við hag sinn undu.

Skoða...

70.
Ríman

Tunglið skein, en veður er vænt,
vellir þaktir tjöldum;
af hestagný að hauðrið grænt
hafs var líkast öldum.

Skoða...

71.
Ríman

Þar með stóðu þeirra tjöld
þykkt um völlu alla;
heyrði þá fyrir helgihöld
horn fyrir eyrum gjalla.

Skoða...

72.
Ríman

Heiðnir vakna um síðir seint,
sveitin út réð ganga;
hjartað skalf, en búkurinn beint
brauzt um stund so langa.

Skoða...

73.
Ríman

Varð á þeirra veizlu spjöll,
víl í hug sér töldu;
síðan heiðna sveitin öll
sig í myrkrum földu.

Skoða...

74.
Ríman

Hlaupa um síð í Hrumnings voð,
hljóða trumbur margar;
fýsast þá í þetta boð
að þeysa allir vargar.

Skoða...

75.
Ríman

Eyðir vendi orma skers
einn fyrir fólki snjöllu;
flokkum renndi fjöldi hers
fram á græna völlu.

Skoða...

76.
Ríman

Pontus kóngsson kvaddi hljóðs
kappa sveit á grundu;
„Efni birti eg öllum góðs
yður á sömu stundu.

Skoða...

77.
Ríman

Vér erum hér, sem vel má sjá,
hjá vorum kóngi og herra;
kosti tvo skal telja þá;
týnið hvörugum þeirra.

Skoða...

78.
Ríman

Á guð þér setjið trú og traust,
en trautt á liðsmenn marga;
ótæpt mun hann efalaust
öllum sínum bjarga.

Skoða...

79.
Ríman

Það annað skulu þér ást til fjár
úr yðar hjarta keyra;
hugsa framar held eg skárr
heiðnum vekja dreyra.

Skoða...

80.
Ríman

Fólkið leysum fangað vér
frá alls kyns sorg og mæði;
aðallinn hefur allur hér
af þeim mat og klæði.

Skoða...

81.
Ríman

Vér skulum slást fyrir vora trú
og voga á hættu stranga;
öllum mun oss ætlan sú
að ósk og vilja ganga.

Skoða...

82.
Ríman

Öngum vinnst þann nokkurn neinn
niður með öllu kefja,
sem ætlar drottinn dýr og hreinn
dásamliga að hefja.

Skoða...

83.
Ríman

Í nafni guðs skal nýtur hvör
nokkrar frægðir byrja;
látum heiðnum högg óspör,
so heimurinn megi það spyrja.

Skoða...

84.
Ríman

Ríðum fram og herðum hug;
hvör skal annan eggja;
múgurinn fylgi, merkja flug
þá mun af spjótum leggja.“

Skoða...

85.
Ríman

Vökvast blóð, en valurinn hleðst,
vænir skildir klofna,
vargur gól, en vítin neðst
veizlu heiðnum stofna.

Skoða...

86.
Ríman

Hér mun verða á bragnum brot;
ber hann öllum rækja;
vara haft og vísna þrot
vill að höndum sækja.

Skoða...

87.
Ríman

Tak að þér og burtu ber
blindast orða sálda;
í hróðrar ver að hnekkt er mér
hinna fyrri skálda.

Skoða...

88.
Niðurlag

Jungfrú kennd til kvæða vend,
eg kann ei bregða vanda;
nú er end og átta send
yður frá mér til handa.

Skoða...

Pontus rímur, 8. ríma

næsta ríma >>