Karel

Síraks rímur — 10. ríma

— Jón Bjarnason

Lemmata | Textatengsl
umgjörð ríman

1.
Ríman

Mærðar val með tállaust tal
tíunda hér byrja skal,
náðar hyr svo nú sem fyr
námi bið eg að opni dyr.

Skoða...

2.
Ríman

Ei skal þjóð né ærlegt fljóð
auka sér af slíku móð
þó hér sé sagt um heift og makt
hvörri frú sem til er lagt.

Skoða...

Tuttugasti og fimmti kapituli.

3.
Ríman

Vítt um jörð eru vítin hörð
til viðvörunar augljós gjörð
en lyndis dyggð er langt frá styggð
og lof sitt hefur í hvörri byggð.

Skoða...

4.
Ríman

Þrennt eg tel og þjóðum fel
er þóknast Guði og mönnum vel,
svo sem ber ef sætlegt er
samlyndi með bræðrum hér.

Skoða...

5.
Ríman

Annað títt er einka frítt,
ef náungar elskast blítt,
og ef fast fyrir utan last
allvel hjónin forlíkast.

Skoða...

6.
Ríman

Þrennt er víst mér þóknast síst,
með þurftugum ef drambið brýst,
ef ríkur lemur og lygi semur
og leiður karl ef hórdóm fremur.

Skoða...

7.
Ríman

Ef ungur tefur og að sér hefur
engin föng þá færið gefur,
hvað mun fá eða finna sá
fellur þegar að ellin á?

Skoða...

8.
Ríman

Virðast má það vegsemd há
að viskufull sé höfuðin grá,
öldruð þjóð í fræðum fróð,
fremd er herrum skynsemd góð.

Skoða...

9.
Ríman

Helst er skart og heiðursart
hafi þeir gömlu forsótt margt,
óttinn ber á herrann hér
höfuðkóróna slíkum er.

Skoða...

10.
Ríman

Nákvæmir að nefnast hér
níu hlutir loflegir.
Þessa best í þanka fest,
þann tíunda prísa eg mest.

Skoða...

11.
Ríman

Garpur nýtur er gæfan lýtur
og gleði af sínum börnum hlýtur,
hinn er sá á heppni þá
að hans óvinir féllu frá.

Skoða...

12.
Ríman

Heillin sú er hvörjum trú
hyggna að eiga ektafrú,
auðar rein ef orðin nein
öngvum lætur vinna mein.

Skoða...

13.
Ríman

Ekkert hvarf né iðju starf
óþekkum sá veita þarf,
vel sælan og virði eg þann
vin sem á sér trúfastan.

Skoða...

14.
Ríman

Vel þeim fer sem sómann sér
setnings maður og forsjáll er,
líka sá sem lærir þá
leiðrétting sem þiggja að fá.

Skoða...

15.
Ríman

Mjög er dýr sá mannvits skýr
með hvörjum að viskan býr,
góðan mann og guðhræddan
greindra fyrr eg æðstan fann.

Skoða...

16.
Ríman

Öllu hér því æðri er
ótti Guðs sem skynjum vér,
sá við hann sig halda kann
hvörjum skulum vér líkja þann?

Skoða...

17.
Ríman

Angursgrein er engin ein
önnur meiri en hjartans mein
og konunni hjá er klókskaps þrá,
svo kanntu öngvan stærra sjá.

Skoða...

18.
Ríman

Umsát rík er engin slík
öfundsjúks að manns sé lík,
né hefndar ráð um hyggju láð
sem heiftarmanns ef væri dáð.

Skoða...

19.
Ríman

Hvörgi er slægð í höfði vægð
höggormsins sem véla nægð,
konunnar heit í hyggju reit
heift er meiri en margur veit.

Skoða...

20.
Ríman

Halurinn vís sér heldur kýs
að hafa þar vist er ljónið rís
og eiturs sjá þann gamminn grá
en grimmri konu að búa hjá.

Skoða...

21.
Ríman

Illskurót þá ertir snót
andlitsprýðin verður ljót,
lyndið kátt og bragðið brátt
breytist um á verstan hátt.

Skoða...

22.
Ríman

Hennar mann fyrir háttinn þann
hneyksli löngum blygða kann,
brigsl og vítur af brúði hlýtur,
brjóstið jafnan angrið slítur.

Skoða...

23.
Ríman

Illsku göll í heimsins höll
hjá hennar heift eru lítil öll,
af því má sú auðar ná
óguðrækins hefndir fá.

Skoða...

24.
Ríman

Andlit bjart og brúðarskart
blekkja lát þig ekki snart,
þó þér ein sú geðjist grein
girnst ei fyrir þá lauka rein.

Skoða...

26.
Ríman

Auðþöll kann sú auðgar mann
orðstór vera og forsmá hann,
dapur og hljóður, hjartamóður
af hennar illsku er þegninn góður.

Skoða...

27.
Ríman

Ektavíf, sem eflir kíf
en aldrei gleður mannsins líf,
orkar greitt að allt sem eitt
angrar hann og verður leitt.

Skoða...

28.
Ríman

Syndin þver í heiminn hér
af henni til vor komin er,
þar fyrir neyð á lífsins leið
líðum vér og strangan deyð.

Skoða...

29.
Ríman

Vatnsins rein að vinni ei mein
varnar hvör á marga grein,
minnstu hinn að hrundin svinn
hafi ei allan vilja sinn.

Skoða...

30.
Ríman

Mönnum hjá sæll er sá
sem dyggðuga kvinnu á,
hans auðnu val og ára tal
af því tvefalt verða skal.

Skoða...

Tuttugasti og sjötti kapituli.

31.
Ríman

Frómur mann þá frúnni ann,
forstöðu sú góða kann,
fagnaðar fans er rótin ranns
og rósamt gjörir hún lífið hans.

Skoða...

32.
Ríman

Dregla brík í dyggðum rík,
dýrmæt gáfa reiknast slík,
fær sá það sem fyrr eg kvað
er föðurnum hæsta lýtur að.

Skoða...

33.
Ríman

Hvört sem féð eða fátækt með
fellur þessum manni í geð,
samt er maður í huggun hraður,
hér fyrir sæll og jafnan glaður.

Skoða...

34.
Ríman

Upptök móðs og eyðing góðs
úthellingin saklauss blóðs,
þetta margt er þrauta hart
þungbærra en dauðans art.

Skoða...

35.
Ríman

Af því fæst þó angrið stærst
ef auðþöll grimm á aðra slæst,
vandlætir og brigsli ber
báðum hvað sem gegnir ver.

Skoða...

36.
Ríman

Eins fer þá eð einhvör á
illri konu að búa hjá,
sem yxn í mó er arðinn dró
öðru hvört í móti þó

Skoða...

37.
Ríman

Drukkinn svanni er dárlegt bann,
dylja ei sín lýti kann,
ef lauslátt er lyndið kátt
af lyftum augum merkist brátt.

Skoða...

38.
Ríman

Dóttur snart ef ill er art
óbljúga þú haldir hart,
svo falli ei ver né verði þver
víslega ef sjálfráð er.

Skoða...

39.
Ríman

Ósett títt með andlit frítt
ef um skyggnist og horfir vítt,
sú mun hörð á holdsins gjörð
ef heldur þú ei sterkan vörð.

Skoða...

40.
Ríman

En ef þú með öngri trú
að gætir né geymir frú,
gálauslig þó saurgi sig
síðar lát ei furða þig.

Skoða...

50.
Ríman

Þyrstur, hraður hlaupamaður
hvíld og vatnið þiggur glaður,
svo mun já svanninn sá
segja því hún kann að fá.

Skoða...

51.
Ríman

Menþöll þýð í máli blíð
mann sinn gleður allan tíð,
hennar blygð og dagleg dyggð
drengnum kætir hjartans byggð.

Skoða...

52.
Ríman

Svanna þann er þegja kann
þekka gjöf sér reikni mann,
hegðun góð ef heiðrar fljóð
held eg betra en ægis glóð.

Skoða...

53.
Ríman

Hæversk frú sem heldur trú,
hvör skal manni kærri en sú?
Eignarmund er alla stund
ekkert betra en hreinlíft sprund.

Skoða...

54.
Ríman

Eins sem sól um himna hjól
heimsins lýsir gjörvallt ból,
dyggðahrein svo hrundin ein
húsið prýðir á marga grein.

Skoða...

55.
Ríman

Andlitsfríð sú falda hlíð
fróm sem reynist allan tíð,
lof hún fær og líkist nær
ljóslampa sem þó er skær.

Skoða...

Tuttugasti og sjöundi kapituli.

56.
Ríman

Stöðugt geð og stilling með
stoltri frú ef væri léð,
gjörn á frið með góðan sið
gullstólpa má líkjast við.

Skoða...

57.
Ríman

Tveir hlutir mislíka mér,
móðgun stór hinn þriðji er,
ef stríðsmann nýtur næring þrýtur
neyð um síðir líða hlýtur.

Skoða...

58.
Ríman

Ráðneyti þó förlist fé
foraktað um síðir sé,
til rangrar snúa af réttri trú
reiði Guðs þeim dæmd er nú.

Skoða...

59.
Ríman

Kaupmann sá er krambúð á
kann varla við syndum sjá,
fátækt ströng til fjárins svöng
fýsir mann á verkin röng.

Skoða...

60.
Ríman

Nagli stinnur múrvegg vinnur,
veru á meðal steina finnur,
eins er miður synda siður
seggja í milli er kaupast viður.

Skoða...

61.
Ríman

Kaupmann frekur syndum sekur
sig ef ei til vara tekur,
missir mátt og forðar fátt,
falla mun hans húsið brátt.

Skoða...

62.
Ríman

Sáldið ver þá sigtað er
að saurugt ei með hreinu fer,
áform téð við allra geð
óklárt finnst þó nökkuð með.

Skoða...

63.
Ríman

Leirpott áður en sé máður
ofnsins prófar hitinn bráður,
mótgangs und svo mannsins lund
mótlíkt reynir alla stund.

Skoða...

64.
Ríman

Eins mun tré sem aktað sé
ávöxt nýtan láta í té,
svo til sanns er málið manns
merkið glöggvast hjarta ranns.

Skoða...

65.
Ríman

Öngvan þann þú miklir mann
meðan ei áður heyrðir hann,
öllu gjör mun örvagrér
af orðum sínum kynnast þér.

Skoða...

66.
Ríman

Réttlætið ef venstu við
veitir það þér hjálpar lið,
heiðursvert og vermir bert
sem vænum stakki klæddur sért.

Skoða...

67.
Ríman

Fer svo lag um fugla hag,
þeir fylgjast að með sama slag
og sannleiksdyggð hefur sína byggð
hjá svinnum þeim er geymir tryggð.

Skoða...

68.
Ríman

Eins sem ljónið setur sjón
að sigra bráð og vinna tjón,
svo um síð það syndar níð
svíkur manninn einhvörn tíð.

Skoða...

69.
Ríman

Guðhræddir þeir gefa af sér
gagnsamt tal það heilnæmt er,
apans list hún umbreytist
eins sem tungl í sinni vist.

Skoða...

70.
Ríman

Hugsa þá ert heimskum hjá
hvað tímanum líða má,
hafðu frið hinn hyggna við
heldur dvöl og lengri bið.

Skoða...

71.
Ríman

Vitrum hal er heimskra tal
harla leitt ef líða skal,
orða skemmd og angursemd
illir kalla lyst og fremd.

Skoða...

72.
Ríman

Svardagar og sinnufar
svinnum geðjast ekki par,
við þann hátt og heiftar þrátt
halda menn fyrir eyrum brátt.

Skoða...

73.
Ríman

Drambsamir þá deila hér
dauðastríð þar eftir fer,
forsukt spé og fáryrði
forðast hvör að nærri sé.

Skoða...

74.
Ríman

Leiðast brjál er leyndar mál
ljós að gjöra og vinna tál,
trúnni frá er týndur sá
og tryggvan vin mun aldrei fá.

Skoða...

75.
Ríman

Heill er sú ef heiður og trú
hollum vin að veitir þú,
hvör hann sveik í heimugleik
hér til aldrei aftur veik.

Skoða...

76.
Ríman

Ei fær mætur angurs bætur
óvin sinn sá lausan lætur,
mótlíkt er ef þekkur þér
þinn fulltrúinn burtu fer.

Skoða...

77.
Ríman

Eins sem happ úr hendi slapp
ef haldinn fugl í burtu skrapp,
líka hlaut sá harða þraut
hollan vin sem fældi á braut.

Skoða...

78.
Ríman

Hvað þú strangan herðir gang
á honum ei þó færðu fang,
verjast lét og vareygð hét
sem villidýr er sleppti net.

Skoða...

79.
Ríman

Bót til stár að binda sár
brigslyrði og verða klár,
leynt orð hvört ef ljóst er gjört
lækna mun það öngvum vert.

Skoða...

80.
Ríman

Þunglegt geð er þegni léð
þeim sem bendir augum með,
óvíst er að örvagrér
af því láti víkja sér.

Skoða...

81.
Ríman

Um þig frítt í eyrum blítt
óheill talar en hugsar strítt,
hans orðtak þó ei sé sak
annað finnst í raun á bak.

Skoða...

82.
Ríman

Læst í trú sem lundprúð hjú,
lofar það allt er sagðir þú,
umbreytir þá frá þér fer
flestöllu sem gegnir ver.

Skoða...

83.
Ríman

Ókær mér hann alltíð er,
óvild Guðs og líka ber,
forðist hann sá þekkja kann,
þar með byrg eg ljóða rann.

Skoða...

Síraks rímur, 10. ríma

næsta ríma >>