Karel

Snækóngs rímur — 1. ríma (Ferskeytt )

— Steinunn Finnsdóttir

Lemmata | Textatengsl
umgjörð ríman

1.
Ríman

Því mun fróma þegna þjá
þögn um dægur löngum?
Held ég betra að hrinda þrá
hrings að skemmta spöngum.

Skoða...

2.
Ríman

Girnast þeir af gullaðs Bil
geðfast tryggðar æði,
en vilja það ei þó vinna til
að veita eitt mansöngs kvæði.

Skoða...

3.
Ríman

Höldar sýndu harðlynt geð
í hreystiverkum forðum,
glöddu líka meyjar með
mörgum snilldar orðum.

Skoða...

4.
Ríman

Skemmtan öll í skorðum stóð,
þá skatnar komu til samans;
dæmisögur og dýrleg ljóð
diktuðu oft til gamans.

Skoða...

5.
Ríman

Þó að skemmtun þyki mér
þeirra dæmi að grunda,
dýrari iðju dæmum vér
drottins ótta að stunda.

Skoða...

6.
Ríman

Sízt mun reiðast sólar gramur,
þó synji ég rauna þönkum;
mun hann reynast miskunnsamur
manninum sorgar krönkum.

Skoða...

7.
Ríman

Má so eyða heimsins hryggð
og hörmum tilfallandi
að miðla út af minnis byggð
mærðar orða blandi.

Skoða...

8.
Ríman

Hver, sem litið ljóða starf
les eður heyra kynni,
vani og auki þar, sem þarf,
og þýðing betri finni.

Skoða...

9.
Ríman

Hef ég ei á hróðri gát
haft um ævi langa;
þó skal loksins Litars bát
láta úr nausti ganga.

Skoða...

10.
Ríman

Fyrir Háleygjum réði herrum jafn
sá höldum átti að stýra;
Geir var hans hið göfuga nafn,
það gamlar bækur skýra.

Skoða...

11.
Ríman

Ríkið sitt með rausnar plag
ræsir jók með æru
og sæmdi lýði sérhvern dag
sína af gulli skæru.

Skoða...

12.
Ríman

Einhvern dag að dögling gegn
drakk í sinni höllu,
hratt upp dyrum horskur þegn
hermannlegur að öllu.

Skoða...

13.
Ríman

Maður gekk í ræsirs rann,
rekkum aflar trega;
kónginn síðan komumann
kvaddi sköruglega.

Skoða...

14.
Ríman

Vel hans kveðju vísir tók,
vekja fréttir lysti;
ræsir síðan ræðu jók
við röskvan brodda hristir.

Skoða...

15.
Ríman

Nafnið sagði niflung stáls
njótur orða hraður:
„Sniðugur seggja sneiði ég háls,
Snækóngs sendimaður.

Skoða...

16.
Ríman

Hér er kominn hafnir við
herrann tignar borni;
gefur hann öngum fyrðum frið,
fellir hann þig að morgni.

Skoða...

17.
Ríman

Gylfi anzar geira Týrs
glaður máli þessu:
„Við firðir þori ég flæðar vírs
að fremja odda messu.

Skoða...

18.
Ríman

Hvaðan úr landi er herrann sá,
þú herm með orðum þinum,
er seggi vill með sára ljá
sigra í dauðans pínu?“

Skoða...

19.
Ríman

Milding anzar meiðir brands,
mýkir ræðu dýra:
„Ei kann ég af ættum hans
yður neitt að skýra.

Skoða...

20.
Ríman

Stenzt þeim enginn stillir við
í stála élinu köldu;
bragnar hér á bryggju mið
bundu fákinn öldu.“

Skoða...

21.
Ríman

Buðlung sagði: „Boð ótreg
ber þeim reynir spanga;
með orðum tómum ei mun ég
frá eignum mínum ganga.“

Skoða...

22.
Ríman

Af siklings ranni síðan gekk,
er sagði þessi firni,
fljótlega ofan að flyðru bekk
og fylkirs reiða birni.

Skoða...

23.
Ríman

Gekk fyrir kónginn geira Þór,
greindi allt af létta;
ræsir anzar ráða stór,
raunin vitnar þetta:

Skoða...

24.
Ríman

„Ef sikling vill með sára ljá
sína lýði fría,
ei mun honum þá tefja tjá
tyrfings élið að knýja.

Skoða...

25.
Ríman

Mínir skulu að morgni dags
menn herklæðast allir,
kynnast stýrir kólgu þaks,
kringja borg og hallir.“

Skoða...

26.
Ríman

Athugaði siklings svör
seggja dróttin káta;
eftir megni að ýta dör
öðlings þjóðin játar.—

Skoða...

27.
Ríman

Heim til hallar Hleiðólfs far
hlýtur nú að víkja,
þar sem fyrr með virða var
veitir linna síkja.

Skoða...

28.
Ríman

Hryggur mælti hratt í stað
hirðir grettirs vallar,
—heyra máttu þegnar það
þengils innan hallar—:

Skoða...

29.
Ríman

„Birzt hefur mér boðun kífs,“
buðlung gjörði að inna,
„þar með sneyðing lands og lífs,
lýðs og eigna minna.

Skoða...

30.
Ríman

Samvist vor að sönnu dvín,“
sagði herrann frómi;
„endast mun að morgni mín
megintign og sómi.“

Skoða...

31.
Ríman

Köppum býtti Kraka sáð
krenktur gleðinnar banni,
þénustu og þarfleg ráð
þakkaði hverjum manni.

Skoða...

32.
Ríman

Fyrir gjafir þengil þökk
þegnar allir vanda,
þó hölda brjóstin hryggðin klökk
hertæki til banda.

Skoða...

33.
Ríman

Tiggi ræðu tapar fljótt
og tók þá rósemd hæga.—
Látum hvílast næstu nótt
niflungs mengið fræga.

Skoða...

34.
Ríman

Siklings mengið sást með kurt
svefns af ranni hörfa,
þegar hlýrnis birti burt
bægði jóði Njörva.

Skoða...

35.
Ríman

Þar var enginn kostur á kyrrð
kappa mengi frómu;
beggja kónga bragna hirð
bjó sig þá til rómu.

Skoða...

36.
Ríman

Snækóngur með snarpan geir
snotra þegna knúði;
var sá lystur vopna Freyr
að vekja Héðins brúði.

Skoða...

37.
Ríman

Geirs þá koman gjörðist fljót
görpum móti snjöllum;
seggir beggja sverð og spjót
sendu af hauka fjöllum.

Skoða...

38.
Ríman

Var þá lundin bragna byrst,
og beittu Hildar knífi;
girntist Snæ, að Geir sem fyrst
gengi þar frá lífi.

Skoða...

39.
Ríman

Hrörna serkir Högna jóðs;
höggin þegnum granda;
vekjandi þá vigra flóðs
vo til beggja handa.

Skoða...

40.
Ríman

Og so fleirum eggin beit;
ýtar stálin kenndu,
þar til kænir kífs á reit
kóngar saman renndu.

Skoða...

41.
Ríman

Býsna lengi börðust þeir,
—brotna skildir fríðir,—
þar til spjót í gegnum Geir
ganga hlaut um síðir.

Skoða...

42.
Ríman

Datt af hesti dauður niður;
dvínaði heimsins gengi,
þó stoltum ríkjum stála viður
stýrði vel og lengi.—

Skoða...

43.
Ríman

Þó virðar girnist völdin há
og veraldar hrósun alla,
ekki neitt það megna má,
þá menn vill dauðinn kalla.

Skoða...

44.
Ríman

Dauðinn gefur ei dróttum frest
fyrir dramb né herleg sæti;
held ég því í hófi bezt
að hafa alla kæti.—

Skoða...

45.
Ríman

Mjög þá sýndist mengið hrellt,
er misstu reynir sverða;
lofðung sá, sem lífi hélt,
lézt nú glaður verða.

Skoða...

46.
Ríman

Settist þar á sagðan garð,
seggjum harma borgar;
vonum fyrri vinsæll varð
veitir frænings torgar.

Skoða...

47.
Ríman

Þó að vökun hvarma hjóls
hölda lýsti trega,
veitti greiðir góins bóls
greftran virðuglega. ——

Skoða...

48.
Ríman

Virða fjöldi á velli kífs
voru firrtir anda,
en sú þjóð, sem þar var lífs,
þengil gekk til handa.

Skoða...

49.
Ríman

Seggir fengu af sorgum fró,
sviptir hörðum móði;
höldum sýndist hljóður þó
herrann mannorðs góði.

Skoða...

50.
Ríman

Hugði að því hirðin fríð
hilmir þungan stundi,
sögðu, að þennan sturlan stríð
stilltan þvinga mundi.

Skoða...

51.
Ríman

Var um stund til frétta fæst,
—fæ ég so greint í óði;
buðlung spennti bölið stærst;
bar hann það leynt í hljóði.—

Skoða...

52.
Ríman

Maktin heims og metorð hans
mun þann lítið kæta,
vilji sorgin sama manns
samvizkuna græta.

Skoða...

53.
Ríman

Sögunni má það sanna af,
sá það órétt kallar,
auður öngva gleði gaf
greiðir Fofnirs vallar.—

Skoða...

54.
Ríman

Hermt er til þess hefði lyst
hreystikempur snjallar
þar að þiggja vetrar vist
vísirs innan hallar.

Skoða...

55.
Ríman

„Vel eru komnir,“ vísir tér,
„virðar hér að gista,
ef segja glöggt af sjálfum mér
sumardaginn fyrsta.“

Skoða...

56.
Ríman

Varð þar mörgum vizku stanz
vöskum spjóta runni,
því ættir kóngs né eðli hans
enginn segja kunni.

Skoða...

57.
Ríman

Þar bar margan þengil að
þegn í góðu lagi,
þó nýtir gæti ei njósnað það
neitt um kóngsins hagi.

Skoða...

58.
Ríman

Varð ei á því stanz né stök,
starfsins illa nutu;
urðu að vori launin lök:
lífið missa hlutu.

Skoða...

59.
Ríman

Fékk þar margur fylkir hjá
fjörs þeim tjónið versta;
bragna höfuðin buðlung sá
bauð á múr að festa.—

Skoða...

60.
Ríman

Raddar tein vill ræmin þjá
að ræða um dauða granna;
Golnirs hlýtur góma lá
að geta fleiri manna.

Skoða...

61.
Ríman

Hafs til jafnan hér að auk
höldar sjónir beygðu;
stjórnar hraðan stafna hauk
stillirs þegnar eygðu.

Skoða...

62.
Ríman

Ferða hröð var ferjan ný,
fram nam landi venda;
þeir Háleygja höfnum í
hugðu ekki að lenda.

Skoða...

63.
Ríman

Veðrið hvasst á virða dreif,
j vildi landið spara;
vel og lengi kólgu kleif
klauf þó ranninn þara.

Skoða...

64.
Ríman

Þar kom loks, að þegna lið
þraut so orku mætra,
eigi gátu ausið við
ákefð Ránar dætra.

Skoða...

65.
Ríman

Þrjátíu áttu þessa neyð
þýðir runnar slöngu,
beint þar til að bragna skeið
brast að endilöngu.

Skoða...

66.
Ríman

Grimmdin sjóar góz og auð
greip með valdi hörðu,
en fyrða lið af fjarðar Rauð
flaut að þurri jörðu.

Skoða...

67.
Ríman

Mengið sá, að milding reið
með fylgjandi rekkum;
styrjar efnið stýrði leið
strax að svana brekkum.

Skoða...

68.
Ríman

Virða liðið varla kátt
valt með sjóvar hrönnum;
þýða kveðju þengill brátt
þáði af rauna mönnum.

Skoða...

69.
Ríman

Bauð hjá sér með beztu kjör
buðlung hælis leita;
aftur gáfu sjóla svör,
sögðu vant að neita:

Skoða...

70.
Ríman

„Vorum búnir um vetrar vind
vistar lofan þiggja
nema einn sá hafnar hind
hjá oss gjörði að byggja.“

Skoða...

71.
Ríman

Hilmir spurði: „Hvert ber nafn
horskur bendir geira?“
Sögðu, að hann héti Hrafn,
hans ei vissu fleira.

Skoða...

72.
Ríman

Hýrlundaður hilmir gekk
hrings í móti Njörði;
heimboð veglegt hetjan fékk;
Hrafn að þakka gjörði.

Skoða...

73.
Ríman

Fylkir hinum fley og menn
fékk og svipti vanda;
urðu glaðir, sigldu senn
sinna heim til landa.—

Skoða...

74.
Ríman

Forðum heimskir gripu grugg
geymslu; hending endi;
orðum gleymsku krenktan kugg
Klóðólfs lending sendi.

Skoða...

Snækóngs rímur, 1. ríma

næsta ríma >>