Karel

Svaðilför — 1. ríma

— Árni Jónsson

Lemmata | Textatengsl
umgjörð ríman

1.
Ríman

Vængja særður haukur hrærður,
Hnikars nærður dverga sátt,
draums í lundi bregður blundi
beygður undir raunamátt.

Skoða...

2.
Ríman

Tíðin spillist, tíðin villist,
tíðin illa nálgar sig,
tíð vill hrekja tíðum seka,
tíðin vekja ætti mig.

Skoða...

3.
Ríman

Ég er hrelldur, sorgum seldur
særing veldur eitthvað hart,
angursleginn þó eg þegi,
þankann beygir heldur margt.

Skoða...

4.
Ríman

Stundum dylja harm og hylja
helst eg vilja til þess ber,
þegar kylja beslu bylja
bágt vill þylja fyrir mér.

Skoða...

5.
Ríman

Íss á strindi tals með tindi
tíðum bind eg saman óð,
styggð svo hrindi stillt í lyndi
stúlkan yndislega góð.

Skoða...

6.
Ríman

Ef lystir meira ljóðin heyra,
ljá til eyra þá eg syng,
foldin skýra móins mýra,
mín hálfdýra langhending.

Skoða...

7.
Ríman

Út til flæðar þegnar þræða,
það skal kvæða upphaf fyrst,
sex þeir vóru, sæleið fóru,
siglu jórinn rann af list.

Skoða...

8.
Ríman

Á öðrum degi upp á veginn,
eftir þeyinn Michaels,
Dellings arfa drifu karfa
drengir um þarfa túnið sels.

Skoða...

9.
Ríman

Eyjafjarðar um hring jarðar
odda Njarðar greiddist för,
hrísa grundu hér næst fundu,
höldar undu þar upp knör.

Skoða...

10.
Ríman

Oss nam fagna formann bragna,
flutt er sagna heilsanin,
Alexander ey byggjandi,
ákjósandi vinurinn.

Skoða...

11.
Ríman

Gríms að eyju Gauts af meyju
gumar treyju áttu leið,
vildu rækja tímann tæka
til að sækja fiskiskreið.

Skoða...

12.
Ríman

Léði farið vel í varið,
við ei parið hikaði,
lundi svella linna pella
Loftur á Hellu nafnkenndi.

Skoða...

13.
Ríman

Einn var neyddur bóndi beiddur
blíðu sneyddur til fylgdar,
stags á öndu um úðar blöndu,
af Árskógsströndu þessi var.

Skoða...

14.
Ríman

Málma runnar marnum hlunna
miðvikunnar daginn fyrst
lögðu úr vörum vanir förum,
virðar röru að Látrum yst.

Skoða...

15.
Ríman

Nótt þar eyða, góðan greiða
gjörði heiðursfólkið þýtt,
þaðan halda hlynir skjalda
á hafið kalda, logn var blítt.

Skoða...

16.
Ríman

Átta saman, óx þá gaman,
áraglamur lengi stóð,
vön að stunda veg Kilmunda
var níunda hringa slóð.

Skoða...

17.
Ríman

Kvöldið þetta þægðir spretta,
þrautir létti á yndis hyl,
gílnum stafna úr gaupnum drafna
Gríms lands hafna lögðum við.

Skoða...

18.
Ríman

Margir þangað gjörðu ganga
Gautar spanga og léðu hönd,
fans upp tína, bátnum brýna,
brátt svo dvína þreyttu grönd.

Skoða...

19.
Ríman

Fengu skýlu, hús og hvílu
hlynir pílu á eyjunni,,
síst vér tvílum bænda í býlum,
byljum Grýlu flest að hné.

Skoða...

20.
Ríman

Dyggða blóma léðu ljóma
lindir frómar ósa báls,
veittu þæga hjúkrun hæga
heilla næga runnum stáls.

Skoða...

21.
Ríman

Fiskinn seldu, funa keldu
fleygjar héldu rétt um vog,
hinir pakka í stóra stakka,
stundum þakka fyrir og.

Skoða...

22.
Ríman

Nítján daga sannar saga,
seggir án baga dvöldu þar,
gaf ei leiði um laxa heiði,
ljúfur greiði sýndur var.

Skoða...

23.
Ríman

Bát fram ýta runnar ríta,
reyndu nýta eitt sinn þó,
gotann húna hlóðu búna,
héldu núna út á sjó.

Skoða...

24.
Ríman

Hófst þá vandi á Hísings bandi,
Hræsvelgs andi á móti stóð,
aftur snörum upp að vörum,
því aldan hvör á söxum vóð.

Skoða...

25.
Ríman

Litlu síðar linna hlíðar
lundar hýða fram á skip
skreið of þunga í drífu drunga,
drafnar bungan óx í svip.

Skoða...

26.
Ríman

Eggjuðu margir eigi kargir
Ægis vargi leggja á sund,
nokkrir vildu, frómleik fylgdu,
fresta skyldum því um stund.

Skoða...

27.
Ríman

Að þeirra ráðum, dyggð og dáðum
daprir gáðum allt of seint,
sem oss báðu sitja í náðum,
sinnis bráðum varð því meint.

Skoða...

28.
Ríman

Gríms þá fróni Gýmis ljóni
girtir tjóni lögðum frá,
þriðjudaginn þrauta óvæginn
þokublæjan yfir lá.

Skoða...

29.
Ríman

Stjórnar bandi á strauma landi
stillt að þandi vala kró
Alexander vóx þá vandi
við brúsandi ólgusjó.

Skoða...

30.
Ríman

Frá norðvestri veðrið hvessti,
voga hestinn óðum bar
undan landi sels á sandi,
söng í bandi moðróar.

Skoða...

31.
Ríman

Hálfa mílu um skeljungs skýlu
skorðu fílinn gustur dreif
þar til seinast sjónar steinar
sáu eyna Þórs af leif.

Skoða...

32.
Ríman

Börnin Ránar teygðu tána,
tóku að lána sopa þá,
systir Mána byrgði brána,
bylgju krána skyggði á.

Skoða...

33.
Ríman

Þá drómundi meintum mundi
miðju sundi skriðinn af,
gekk af landi gustar andi,
gylfrótt þandi siglu traf.

Skoða...

34.
Ríman

Aldan velti gjálpar gelti,
gustum hellti á borðin inn,
stóð í austri einn á flaustri
afreks hrausti postulinn.

Skoða...

35.
Ríman

Sumir bleikir sátu veikir,
sútar leikir uxu framt,
hríðin ægðist, byrinn bægðist,
báran lægðist hvergi samt.

Skoða...

36.
Ríman

Bylja sláttum öllum áttum
úr þar máttum gegna nær,
stundum móti straums með róti
stóð svo hót ei komunst vær.

Skoða...

37.
Ríman

Fór að kvölda fyrir hölda,
fleyið nöldrar ganglítið,
heyrðu gotnar brimið brotna
bláa rotna kletta við.

Skoða...

38.
Ríman

Seglið felldum, hlunnum héldum,
hrannir skelldum megnis fast,
smátt þó gengi móðu mengi,
mjög að þrengir bylgjukast.

Skoða...

39.
Ríman

Beittum þangað refnum ranga
rétt á stranga brimhljóðið,
sem að tanga Dvalins dranga
deildi vanga sjónglerið.

Skoða...

40.
Ríman

Geðs í ögra fyrst nam flögra,
fjallið Gjögra mundi það,
kenndum bláa hamra og háa
hvergi þá nær gættum að.

Skoða...

41.
Ríman

Þó um síðir þekktum hlíðir
þegar í hríð svo rofað fær,
innu Njarðar brimi barðar
byggðum fjarðar Hvalvatns nær.

Skoða...

42.
Ríman

Nærri voða brims í boða
bar þá gnoð svo lá við rétt
mundi sökkva í djúpið dökkva
dauðans rökkva þar við klett.

Skoða...

43.
Ríman

Inn á bæði borð úr æði
bylgjan flæðir eins og foss,
tveir þó ausi lasta lausir,
löðrið gaus því meira á oss.

Skoða...

44.
Ríman

Skips forstjóri á skelja kóri
skikkar jórinn ryðja hlunns,
þegnar hlýddu, þyngslum kvíddu,
þorskinn hýdddu í kverkar unns.

Skoða...

45.
Ríman

Fjórir róa kaðla kjóa,
klettum drógu undan þar,
bágt þó gengi brögnum lengi,
bárur hengja geiplurnar.

Skoða...

46.
Ríman

Kusu ei fáir krafta smáir
komast þá til Flateyjar,
þangað beygðum, eitt sinn eygðum,
að því teygðum sjónirnar.

Skoða...

47.
Ríman

Segl upp undum sels á grundum,
síðan fundum kom á skrið,
þar næst kunni einn á unni
ausa hlunna gotann við.

Skoða...

48.
Ríman

Greip oss hríðin, kvöld og kvíðinn,
kom á níða myrkur svart,
skipslengd varla eina alla
áls um palla deildum snart.

Skoða...

49.
Ríman

Sjón á hæðum missti í mæðum
með vandræðum sjóhrakt lið,
seggir um flóa sigla og róa,
suma óar heldur við.

Skoða...

50.
Ríman

En svo lýkur áls um bríkur
undir Víkur höfða tá
dýri ára bægði bára,
byljir Kára settu á.

Skoða...

51.
Ríman

Lengi börðum brims í görðum
birtings jörðu þar á snið,
sáum dauðann opinn auðan
um dimmrauða svartnættið.

Skoða...

52.
Ríman

Staddir í voða brims í boða
bátinn stoða mátti ei grand,
hleyptum, kalda ók oss alda
upp á talda Víkursand.

Skoða...

53.
Ríman

Út vér stukkum, sumir sukkum,
sjóinn drukkum, náðum þó
allir landi, úr því grandi
allsvaldandi guð oss dró.

Skoða...

54.
Ríman

Verur allar hyggju hallar
himna snjallar lofi gram,
sem forðar grandi og feigðar standi,
fjör og líf oss gefa nam.

Skoða...

55.
Ríman

Fyrst ólagið varð óvægið,
voða slagið knörinn fær,
þar næst fyllti, bátnum bylti,
braut og spillti öllu nær.

Skoða...

56.
Ríman

Brims af kliði bergs erfiði
beið Hafliði æviskarð,
heill þó skriði af hafnar miði
hrannar riðið of þungt varð.

Skoða...

57.
Ríman

Af ofurþunga og öldu drunga
innan sprunginn varð til meins,
gaddar nustu, böndin brustu,
bárur lustu súðir eins.

Skoða...

58.
Ríman

Einn að bænum vendi vænum
veg frá grænum karfa sal,
fjórir til hjálpar, flest í dálpar,
fóru að gjálpar víðum dal.

Skoða...

59.
Ríman

Hrófið settum, þunga þéttum
þá af léttum með í bland,
góssi drjúgu hlóðu í hrúgu,
sem hafði súgur fleygt á land.

Skoða...

60.
Ríman

Boðin fríu straums frá stíiu
stefndum níu bænum að.
Allra bestu hjón oss hresstu,
hjúkruðu gestum vel í stað.

Skoða...

61.
Ríman

Eins var blíður bæjar lýður,
bætti stríðið hver sem gat,
hvíld á bekkjum, hægð í rekkjum,
hreyft var þekkum drykk og mat.

Skoða...

62.
Ríman

Daginn eftir urðum tepptir,
ýtar kepptu nokkrir því
burtu þaðan, beygðir skaða,
til Brettingsstaða muggu í.

Skoða...

63.
Ríman

Eins á báðum bæjum tjáðum
býtt var dáðum oss með snilld,
eyddi trega alla vega
elskulega þjóðin mild.

Skoða...

64.
Ríman

Sá sem ræður himna hæðum
hressi í mæðum alla þá,
meinin hættu mest sem bættu
með oss vættu kannske brá.

Skoða...

65.
Ríman

Nætur fjórar nadda Þórar,
nauðir stórar mýktust þó,
hvíldir tóku og hægð sér jóku,
hríðar mókan aldrei dó.

Skoða...

66.
Ríman

Brettingsstaða bóndinn hraður
báru glað oss léði þar,
laugardaginn lögðu væginn
lofðar um sæ til Hríseyjar.

Skoða...

67.
Ríman

Tveimur hrundum Hlés drómundum
af hrísa grundu eftir það,
sigldu höldar, súðin nöldrar,
sunnudagskvöldið Látrum að.

Skoða...

68.
Ríman

Daginn mána refir Ránar
runnu um brána margýgjar,
óx þá svalinn áls um salinn
austur á dalinn Flateyjar.

Skoða...

69.
Ríman

Enn tvær nætur liðið lætur
lúa bætur vaxa sér,
menn og sætur gáfu að gætur,
greiði mætur sýndur er.

Skoða...

70.
Ríman

Í miðri viku karlar kviku
karfa viku fram á stig,
lögs fíl hlóðu í logni góðu,
lægis jóðin bældu sig.

Skoða...

71.
Ríman

Hjá Kjálkanesi kapps með vési
Kári blés á móti þá,
Ránar dætur risu á fætur,
runnu vætur borðin á.

Skoða...

72.
Ríman

Móti stormi Ægis ormi
undir farmi rérum þó,
hraktir að nýju straums við stíu
stundum lágum undir sjó.

Skoða...

73.
Ríman

Um miðnættið þungt þó þætti,
þegna kætti lending góð,
hleðslu af léttum, hlunnvigg settum
við hafnir réttu á eyjar lóð.

Skoða...

74.
Ríman

Frjádag næsta fýsti dæsta
fara á læsta bólmar gjörð,
kvöddum þýðan formann fríðan
fram við skíða Ránar jörð.

Skoða...

75.
Ríman

Gengu á súðir brims um búðir,
bragnar lúðir, get eg þess,
í logni röru, lending kjöru
lofðar í vörum Krossaness.

Skoða...

76.
Ríman

Nótt þar töldu drengir dvöldu
dúr á öldu værðar skjóls,
bættu köldu vífin völdu,
vöfðu tjöldum hvílu bóls.

Skoða...

77.
Ríman

Hver til sinna komst þá kynna,
um klaka stinna jaka grund,
laugardaginn, böls þó baginn
bleika nagi veika lund.

Skoða...

78.
Ríman

Víst í stærri háska hærri
hafa færri komist menn
sem héldu lífi og hrundu kífi,
hvað oss blífi í minni enn.

Skoða...

79.
Ríman

Eflaust bæri, verðugt væri
vort málfæri, líf og önd,
herrann mildi í hæsta gildi
hrópa skyldi um sjó og lönd.

Skoða...

80.
Ríman

Tungur allar himins hallar
hrærist snjallar til með dans,
guðs alvísi göfgi og prísi,
glaðir lýsi verkum hans.

Skoða...

81.
Ríman

Hauðurs nytur hrafna þytur,
hróðrar litur þekkist vart,
önnungs mæði, elfar klææði
orti kvæði þetta og margt.

Skoða...

82.
Ríman

Þulu mála böli brjála
bæla fálu golu sval
síla skála bóla bála
Bilum mála sel og hal.

Skoða...

Svaðilför, 1. ríma