Karel

Bjarka rímur — 7. ríma

— Óþekktur höfundur

Lemmata | Textatengsl
umgjörð ríman

1.
Formáli

Kvinnur svinnar kallsa brátt ég kveði þeim rímur
undan sprundum ég við slímur
ég er svo tregur að vaka um grímur.

Skoða...

2.
Formáli

Manna sannast málin forn í mörgu sinni
samt og jafnt er á snældu minni
snótum þótt ég nokkuð spinni.

Skoða...

3.
Formáli

Rengur strengur rotnar allur á Rögnis karfa
kvinnum innist það til þarfa
og þýðum lýðum hvað skáldin starfa.

Skoða...

4.
Formáli

Enn skal renna hinn sjöundi són af sagnar strengjum
kveikja ljóð af köskum drengjum
kvæðin fróð vér með því lengjum.

Skoða...

5.
Ríman

Fróði hinn góði arfa á er örþing stefna
Ingjald kringum er illt að hefna
annan kann ég Hálfdan nefna.

Skoða...

6.
Ríman

Hálfdan valdi heiðurskvon er hlífar telgi
arfa djarfa Hróar og Helgi
honum þjóna að siglu elgi.

Skoða...

7.
Ríman

Fæddist hræddur Helgi á laun og Hróar hinn snjalli
vandalaust hjá Vífli kalli
virðum stirður á æsku palli.

Skoða...

8.
Ríman

Ingjald vingast ei við menn svo ýtar finni
á báli Hálfdan brenndi inni
brögðin lögð eru slík í minni.

Skoða...

9.
Ríman

Land með brandi lagði und sig sá líkaði þráttið
kvinnan svinnum kappa játti
konungur sonu við henni átti.

Skoða...

10.
Ríman

Arfa djarfa áttu þau við oðin í laugi
Fróði móður Fenris haugi
fær og Hrærek slönganbaugi.

Skoða...

11.
Ríman

Hefnd á vendi Hróar og Helgi Hálfdans síðan
kynda eld og kveikja víðan
kringum Ingjalds sal svo fríðan.

Skoða...

12.
Ríman

Brann og rann þar blíður og framur buðlung síðan
rekkar þekkir ríki víða
rifta og skipta í tíma blíðan.

Skoða...

13.
Ríman

Bræður og mæðu Hróar og Helgi hraktir voru
höldar völdu höggin stóru
hvar sem röskvir kappar fóru.

Skoða...

14.
Ríman

Mætan ætti menja grip það mæltu sveitir
hagleik fagran höldar teitir
hringurinn Ingjalds Svíagrís heitir.

Skoða...

15.
Ríman

Skæðir bræður skiptu með sér skilmings sandi
hvorir voru á hálfu landi
hætt og mætt þó friðurinn standi.

Skoða...

16.
Ríman

Hringur af þingum helst bar þeim til heitra meina
stóð yfir glóða steypir fleina
sterkur merkur fimm og eina.

Skoða...

17.
Ríman

Hrærek fær ei hringinn séð ef Hróar skal forða
þetta mein kemur þeim til orða
um þilju elg á hirti borða.

Skoða...

18.
Ríman

Sýn mér dýnu hrugnis hér að Hrærek sagði
Hróar í kló honum hringinn lagði
honum varð þetta fyrst að bragði.

Skoða...

19.
Ríman

Byrstur fyrst um bylgjurnar þar sem boðarnir hrjóta
örva Týr kvað engan njóta
af æðru bræður í sundur brjóta.

Skoða...

20.
Ríman

Skeiðir reiðir skjótt í sundur og skildu síðan
Hrærek rær úr hömlu tíðan
heim um geim og andast síðan.

Skoða...

21.
Ríman

Faðirinn glaður var Helgi Hrólfs í Hleiðargarði
féll við elli hinn feiknaharði
framur gramur við Saxa barði.

Skoða...

22.
Ríman

Tólf hefur Hrólfur af leyst ár sá erfði drengi
drífur að stríði dólga mengi
duga mun svo ef stýrir lengi.

Skoða...

23.
Ríman

Lýtur að nýtum landið allt af litlum starfa
hrekur og skekur þá Ingjalds arfa
út á þrútinn slóða karfa.

Skoða...

24.
Ríman

Fékk hann rekknum fjórðung lands hinn frægðar gildi
hefur hann það sem Hrólfur vildi
hann er sannur að spekt og mildi.

Skoða...

25.
Ríman

Frétt hef ég rétt að Ingjald átti arfa hinn þriðja
æðstur og stærstur allra niðja
engan dreng mun sátta biðja.

Skoða...

26.
Ríman

Frá ég hann ætti hinn frækna son við frillu sinni
berserk þessi hinn bragða stinni
breiðir skeiður í hafnar minni.

Skoða...

27.
Ríman

Alla kallast drengurinn Danmörk djarfur í fréttum
eiga seigur að erfðum réttum
jörð og hjörð með skógi sléttum.

Skoða...

28.
Ríman

Eisan geisar um Eystrasalt og allt með Gautum
maðurinn glaður í mörgum þrautum
meiðir skeiðir á karfa lautum.

Skoða...

29.
Ríman

Austan traustur Agnar hélt fyrir Jótlands síðu
með dregluð segl og drekana fríðu
drengir strengja höfn hina víðu.

Skoða...

30.
Ríman

Agnar magnar eftirspurn með ærnum móði
hvar lá far þá hringurinn góði
hraut í braut á báru flóði.

Skoða...

31.
Ríman

En þeir menn sem áður vissu atburð þennan
láta kátir í lægið renna
lengja streng svo grunns nam kenna.

Skoða...

32.
Ríman

Út af skútu Agnar hljóp í æginn þunna
áttrætt sótti hann ofan til grunna
Ingjalds hring í hafnar munna.

Skoða...

33.
Ríman

Köfin í hafi þreytti hann þrjú sá þröngvir setra
var þá smíðið öllu betra
er áður lá þar sextíu vetra.

Skoða...

34.
Ríman

Frétt hef ég rétt að fáir munu slíkt til frægðar vinna
keldu eld í kafinu finna
kveðið hefur gleðiskáld um minna.

Skoða...

35.
Ríman

Sunnan kunna seggir leið að Sjálands byggðum
ýtar býta engum tryggðum
undan skundar fólk með styggðum.

Skoða...

36.
Ríman

Bjarki er vakur á Berlings leik og búnir bragnar
vargur er margur og fyrðum fagnar
fer með her í móts við Agnar.

Skoða...

37.
Ríman

Rekkar þekkir annes eitt við eyland fundu
Heiða reið í höfnum bundu
harðir varðmenn skipast á grundu.

Skoða...

38.
Ríman

Bjarki arkar beint á land og Beina-Hjalti
á skafna stafna skein á salti
sáða ráð af orða malti.

Skoða...

39.
Ríman

Dreki á brekanum fremstur flaut með fimmtíu skeiða
gullsins öll með glæstum reiða
gnúði á súðum pellið breiða.

Skoða...

40.
Ríman

Í myrkri sáu þeir menn að sér svo marga ganga
móðugt stóðu meiðar spanga
með merki sterk og skjöldu langa.

Skoða...

41.
Ríman

Frétti af létta Hjalti hinn er hélt á sverði
hverjir þeir væri hann hitti á verði
hann svarar þannig menja skerði.

Skoða...

42.
Ríman

Við erum liðinu Agnars úr og eigi smæstir
gýgjar tygjum góðum læstir
göngum löngum kóngi næstir.

Skoða...

43.
Ríman

Með hverjum ver þú hilmi land kvað hreytir sverða
þið munuð liðsmenn lítið skerða
lát mig að slíku fræddan verða.

Skoða...

44.
Ríman

Vér erum liðsmenn herra Hrólfs og hverjum smærri
máttu sjá þar marga stærri
menn hans kennast fjöllum hærri.

Skoða...

45.
Ríman

Segið þegar að sólin skín á síldarheiðum
að ýtar flýti sér upp af skeiðum
að vér berjumst á velli breiðum.

Skoða...

46.
Ríman

Skilja að vilja skatnar skjótt og sér fara hvorir
höldar töldust hvergi fjórir
harðari varðmenn né svo stórir.

Skoða...

47.
Ríman

Horn að morgni hinn hvelli lúður svo hlymur í fjöllum
herinn fer af humra völlum
hringa þing að skipast af öllum.

Skoða...

48.
Ríman

Í hamri amrar dvergmál drjúgt og dynur um grundir
skrykkjum hnykkist jörðin undir
ymurinn glymur um fjórar stundir.

Skoða...

49.
Ríman

Þeir hittast mitt á nesinu nú með nöktum sverðum
hlífar knífur í gylltum gerðum
gnestur og brestur í kappa herðum.

Skoða...

50.
Ríman

Fífan rífur bragna brjóst en bogarnir hrökkva
mækir sækir málminn dökkva
mundriðar sundur í skjöldum hrökkva.

Skoða...

51.
Ríman

Lengi gengur leikurinn harður af lýða hendi
Agnar bragna Óðni sendi
óðast blóð um völlu renndi.

Skoða...

52.
Ríman

Hrólfur og tólf hans hetjur gengu hart að seggjum
nafnar jafna neðan af leggjum
nöktum og hröktum kolblám eggjum.

Skoða...

53.
Ríman

Agnars magnast ýtar meir með járnið stinna
þá kom skarð í hópinn hinna
hafa þá kappar nóg að vinna.

Skoða...

54.
Niðurlag

Agnar magnar odda leik en ernir gjalla
rekur og skekur þá raga og snjalla
ríman sjöunda verður að falla.

Skoða...

Bjarka rímur, 7. ríma

næsta ríma >>