Karel

Pontus rímur — 9. ríma

— Magnús Jónsson, Pétur Einarsson, Ólafur Halldórsson

Lemmata | Textatengsl
umgjörð ríman

1.
Formáli

Vekja tekur mig vísna spil;
verkin merk eg birta vil;
Hómerus, kom og hjálpa til,
hér so verði á rímu skil.

Skoða...

2.
Formáli

Menendur, þéna mér nú brátt,
so megi eg segja níunda hátt;
Euripides, heyr og fjölga fátt,
fljóði rjóðu gjörðú kátt.

Skoða...

3.
Formáli

Nú skal, jungfrú, níunda birt;
nýtri býtist kvæði stirt;
meyju teygi eg Viðrix virt;
veri þér nú angri firrt.

Skoða...

4.
Formáli

Varman farm með vísna feng
veiti eg sveitum, Óðins spreng,
að flétta réttan stefja streng,
stundum bundinn ljóða þveng.

Skoða...

5.
Formáli

Bjóða þjóðum skýran skal,
skorðuð orð með stuðlað hjal;
grunns er munns míns vísna val;
virt mun stirt af Skáldu tal.

Skoða...

6.
Formáli

Vera hver mun hljóta hér
halur að tali frjáls fyrir mér;
hrósun kjósa sjálfir sér;
það sannast manna orðtak er.

Skoða...

7.
Formáli

Læt eg bætat lýði þá
lýti ónýt, sem finnast á;
skýri eg dýrum fyrst í frá,
er fella að vella dauðan ná.

Skoða...

8.
Ríman

Sjáum á, hver styrjöld stríð
stóð með þjóðum nokkra hríð;
kvik þeim þykja skunda skíð;
skein hinn hreini máni um síð.

Skoða...

9.
Ríman

Heiðnum greið að skömmin skall;
skaðinn að þeim bjó til fall;
hátt um nátt að hornið gall;
hjartað svart af reiði svall.

Skoða...

10.
Ríman

Síðan ríða óvart á
öld í tjöldum heiðin lá;
hlaut hún brautir Heljar gá;
hrönn af mönnum deyddist þá.

Skoða...

11.
Ríman

Skunda undan hér og hvar,
hræðslu æðslum bundið var;
höggin döggva hauðrið þar;
hlífir lífi ekki par.

Skoða...

12.
Ríman

Vargar margir vígið sjá,
valurinn svalast blóði á,
ylgur fylgir föllnum ná,
flykkjast þykkvum ernir þá.

Skoða...

13.
Ríman

Hrafn að tafni skundar skjótt,
skeiða veiðum gjörir að fljótt;
birnir girnast greitt um nótt
gráð með bráði slökkva ótt.

Skoða...

14.
Ríman

Glaðél vaða greitt til fals,
gjörir hjörinn endir tals,
gljúfur rjúfa sónar sals,
safna jafnan köstum vals.

Skoða...

15.
Ríman

Þöktu nöktum virðum völl;
veitir sveitin heiðnum föll;
hræddi mædda grimmdar göll;
gleðin réð þeim hverfa öll.

Skoða...

16.
Ríman

Daginn fagran fyrðar sjá
fjöldi hölda dauður lá;
klæðist af æði Códrus þá,
kallar alla heiðna á.

Skoða...

17.
Ríman

Gól með sólu hornið hátt,
hernum gjörir að fylkja brátt;
síðan stríða af mestum mátt;
móti spjótum stendur fátt.

Skoða...

18.
Ríman

Felldan héldu þriðjung þar;
þjóðin móð á hestum var,
beitir hneiti, skjöldu skar,
skeiðar greiðar fram á mar.

Skoða...

19.
Ríman

Merkið sterkur milding tók,
mörgum örg að hjörtun jók;
Códrus hjó og skaftið skók,
skein í mein, til Heljar ók.

Skoða...

20.
Ríman

Próilus sló í kappa krans,
kveikir leik að nýju dans;
frækinn sækir frændi hans;
fjöldi hölda verður stanz.

Skoða...

21.
Ríman

Til að viljum víkja á verk,
er vinna svinnir kristnu sterk;
víða svíður sollinn Serk;
sára báru heiðnir kverk.

Skoða...

22.
Ríman

Ótal spjóti Andri skaut,
alla snjallur fylking braut;
dauðans nauð hvör hreppa hlaut,
hann er fann, sá missti skraut.

Skoða...

23.
Ríman

Guðfreyr keyrir hestinn hratt,
hann vel kann að leika glatt;
margur kargur í dauðann datt;
dreyra seyra úr undum spratt.

Skoða...

24.
Ríman

Verkin sterk að Vilhjálm vann,
veitir sveitum dauðann hann;
beita hneiti kappinn kann;
kallast valla frægri mann.

Skoða...

25.
Ríman

Vernarð ber á báðar hendur,
í blóði rjóðar, tíðum kenndur;
drengja mengi dapurt stendur;
í dauðans nauð er margur sendur.

Skoða...

26.
Ríman

Hestinn bezta búinn með skraut
barður varð að missa í þraut;
ganga langa hríð hann hlaut,
hneigir, sveigir, pílum skaut.

Skoða...

27.
Ríman

Áður náði Andri sjá
örva bör var fæti á;
hestinn bezta honum réð fá,
hratt hann spratt í söðulinn þá.

Skoða...

28.
Ríman

Fram að rammir friðþjófs menn
fara snarast allir senn;
hvítar rýta tyrfings tenn,
trú eg kljúfi margur þrenn.

Skoða...

29.
Ríman

Ormur formi frá að skreið,
fer hann gjörva spjóta leið;
mun að brunni gata greið,
granir í bana sveita reið.

Skoða...

30.
Ríman

Fyrða hirð við fleina brak
féll á velli aftur á bak;
drengir fengu bana blak;
bauð þeim dauðinn heimatak.

Skoða...

31.
Ríman

Tók ei klóka tunga áls
trauð í nauðum seint til máls,
dæmda flæmdi fyrir sinn háls
för í snöru dauðans sjálfs.

Skoða...

32.
Ríman

Hlakka rakkar heyrðan gný,
hildur gild að byrjast ný,
drífur fífu skúr sem ský,
skella, hrella landsins bý.

Skoða...

33.
Ríman

Vilhjálm þiljur Hrumnings hjó,
hjörinn fjörinu keypti ró,
sundrast und, en fleinninn fló,
fjöðrin nöðru gegnum smó.

Skoða...

34.
Ríman

Gengur mengi Guðfreyr meður,
gegnum þegna fylking veður,
hræjum frægi fugla seður,
fljótt af ótta kristna gleður.

Skoða...

35.
Ríman

Heiðnir seiða spjóta spjall,
spjátrað gátu í dauðans hall;
dreyra heyrðist fossa fall;
í fjöllum gjölla ópið skall.

Skoða...

36.
Ríman

Skeiðar reiður, þrútna þel,
þengil drengja, sem eg tel;
kvikir dika kóngs í hel,
kristnir lista börðust vel.

Skoða...

37.
Ríman

Ferðin gerði að fella í nauð,
framan gram af hesti snauð;
tiggja liggur röstin rauð
reit með sveit af mönnum dauð.

Skoða...

38.
Ríman

Heiðnir reiða hlífar grönd,
hilmir vilja missi önd,
kvikir þykja, líf og lönd
leiðir veiða sér í hönd.

Skoða...

39.
Ríman

Næsta stæst er fótum fár,
fengið engin hafði sár;
hundrað mundi hafa ár,
hann var mann af elli grár.

Skoða...

40.
Ríman

Þetta frétti kóngsson kær,
kemur hann skemmra þessu nær,
snögg gaf högg á hendur tvær,
heiðnum greiðan dauðann fær.

Skoða...

41.
Ríman

Pontus vont lið hart að hjó,
hauðrið dauðum sáðist þó;
hranna fannir í driftir dró,
drákons hlákan vætti skó.

Skoða...

42.
Ríman

Fljótt er dróttin fleinum börð;
feigum ei er grimmdin spörð;
hníga vígs fyrir hringa Njörð
hausalausir bolar á jörð.

Skoða...

43.
Ríman

Prúðum flúði Ponto frá,
prís að vísu hreppti sá,
stað kom að þar stillir lá;
stóðu móðir greifar hjá.

Skoða...

44.
Ríman

Þeir voru tveir í laufa lest
lífi hlífa kóngsins bezt,
fríðan síðan finna hest;
fengið þengill hafði brest.

Skoða...

45.
Ríman

Sundur er undinn armur hans;
illa vill til stýrir lands;
fluttu stutt úr fleina krans;
farið var megn þess gamla manns.

Skoða...

46.
Ríman

Heiðnir reiða Rögnirs tenn,
ráku af fákum kristna menn;
tíu að vígi sóttu senn;
sér það gjörla Pontus enn.

Skoða...

47.
Ríman

Herrum snerra horfðist lítt;
hrynja brynjur sunudr vítt;
heiðnum leiðum lætur blítt,
ljótir spjótum sóttu strítt.

Skoða...

48.
Ríman

Úr benjum grenjar fylvings flóð;
féll á velli kristin þjóð;
á víga stígum Vernarð stóð,
varðist harður af grimmum móð.

Skoða...

49.
Ríman

Dauðans nauð var halnum hjá,
horfðist morð fyrir augum þá,
kallar snjallur kóngsson á,
kappi stappar hvörn sem má:

Skoða...

50.
Ríman

„Það mun ráð um þetta bil
þegnum vegni nokkur skil;
hríð er stríð, ef stendur spil;
styrkjum Tyrki dauða til.“

Skoða...

51.
Ríman

Geystan þeysti heiftin heit,
heiðna reiður fylking sleit;
styggðist hryggð, þá lýði leit
liggja tiggjans dauða sveit.

Skoða...

52.
Ríman

Undrum sundrast fylking frá;
fljótt komst dróttin hesta á;
fjöldi hölda fallinn lá;
frakkir hlakka kristnir þá.

Skoða...

53.
Ríman

Kalla fall að Códrus leit
krjúpa djúpan Heljar reit;
æðin skæð að brjóstið beit;
bugaði hugur kóngsins sveit.

Skoða...

54.
Ríman

Klén á enni kóngur þar
kórónu stóra á höfði bar,
af hreinum steina hjálmi var,
hann er mann til víga snar.

Skoða...

55.
Ríman

Lög með slögum lýðum gaf,
ljómar sóma kóngsins af;
prýðin skrýðir stála staf,
stakk á blakki menn á kaf.

Skoða...

56.
Ríman

Vilhjálm skilur við vænan hest,
vegur nú þegar allra mest;
þá honum frá að flúði flest,
fengu drengir launin vest.

Skoða...

57.
Ríman

Fríðir ríða hans frændur tveir,
flóttann skjótt að auka þeir,
ofsi griðrofs eykst þess meir,
ýtum býta högg af geir.

Skoða...

58.
Ríman

Klauf með laufa Carpadón,
kristnir misstu lönd og frón,
hlíf sem líf og hrepptu tjón,
Hildar gildan auka són.

Skoða...

59.
Ríman

Próílus hjó á hendur tvær,
hvað sem að honum kemur nær;
óttinn sótti þjóðir þær;
þrenna menn í höggi slær.

Skoða...

60.
Ríman

Renndi bendir fífu fleygs
fram að gamni bitla smeygs;
nísti kristna vopnin veigs;
vitur situr á stóli kleyks.

Skoða...

61.
Ríman

Andri granda öflgan sér
illa spilla kristnum her,
manni hann í móti fer,
mund af lundi fleina sker.

Skoða...

62.
Ríman

Hvekkinn þekkist Heljar boð,
af hjóli Próílus steypti goð;
vestum brestur veita stoð
viljann til í fleina roð.

Skoða...

63.
Ríman

Herlant sér, að Carpadón kann
kljúfa og rjúfa heila rann;
fyrstur býst hinn frægi mann
finna svinnur vilja hann.

Skoða...

64.
Ríman

Reiður að heiðnum skafti skaut
skjaldar Baldur ekki naut,
lund af fundi lífið þraut,
langan gang úr söðli hraut.

Skoða...

65.
Ríman

Gramur framur, gildur skeið
gegnum þegna fylking reið;
öllum snjöll varð útför greið,
er hans verju höggva beið.

Skoða...

66.
Ríman

Códrus hjó þá kristna menn,
klýfur hlífar allar senn;
allt er valt við endann enn,
ævin hæf, er verður tvenn.

Skoða...

67.
Ríman

Vekur þrekinn vopna skúr,
í verki sterkur eins og múr,
argan varg að oddi trúr
öðling söðli stingur úr.

Skoða...

68.
Ríman

Hans af vanza brotna bein;
bót á móti verður sein;
sveinninn einn með grimmdar grein
geystur þeysti að vinna mein.

Skoða...

69.
Ríman

Gríður stríð með grátna kinn
gekk hjá rekk að bergi inn,
stríðs í bý nam stöðvast stinn,
strylla fyllir munninn sinn.

Skoða...

70.
Ríman

Códrus dó við kappans högg;
kæti bætist mörgum snögg;
ljósir hrósa lýðir rögg;
linnir stinnri örva dögg.

Skoða...

71.
Ríman

Úðum flúðu allir braut,
undan skunda vildu þraut;
flest af hestum falla hlaut;
friðar biðja enginn naut.

Skoða...

72.
Ríman

Græn að spænist fold sem fjög,
flýðu þýðin illsku rög;
hauður rauðum litaðist lög,
leyfir hreyfa öngan sög.

Skoða...

73.
Ríman

Ótt nam flóttann elta þá;
allir falla heiðnir frá;
virða hirð um völlu lá,
vigra sigri hrósa má.

Skoða...

74.
Ríman

Plagaði fagur Pontus hvekk
með prís að vísu heiðnum rekk,
orma storm að stilltan fékk;
styrjar byr að óskum gekk.

Skoða...

75.
Ríman

Ærið kæri eg orðbragð ljótt,
uggi eg stuggi þar við drótt;
kvæðin mæða skáldin fljótt;
skal því tali hætta ótt.

Skoða...

76.
Ríman

Óðinn fljóðið eignast má,
ungri sunginn verði sá;
að vetri betri víst skal tjá,
víf, ef lífi held eg þá.

Skoða...

77.
Ríman

Þetta af fréttum þiggja skalt,
þessu vessi í minni halt;
hrörnar kvörnum hróðrar malt,
hjalið mala að sinni allt.

Skoða...

78.
Niðurlag

Illa snilli orða fer;
endir lendi rímu hér;
horna þornar hróðrar ver;
hverfur erfi Gillings mér.

Skoða...

Pontus rímur, 9. ríma

næsta ríma >>